Isang tula para sa kaibigang tunay
Maaga man nawala, siyang magpatnubay
Sa aming alaala ika'y mabubuhay
Hanggang sa muli nating hayahay
Mga kwentuhan at lokohang pandamagan
Siyang mananatili sa aming mga alaala
Mga biruan nating inaabot ng kinabukasan
Nawa'y madala mo sa iyong paroroonan
Kami man ay nagtatampo sa iyong paglisan
Pilit naman bubuksan ang aming isipan
Paglipas ng taon amin ring maiintindihan
Naganap na ito sa ating barkadahan.
Kung nasaan ka man kaibigan
Pakasaya ka ng lubusan
Alam kong kami'y iyong babantayan
Wala rin sanang kalimutan
Hindi ka man matanaw sa malayo
Alam kong hindi ka lalayo
Darating ang panahon, muling magtatagpo
Sadyang nauna ka lang sumuko
Sa bawat katapusan, may dapat simulan
Wala ka man na, aming dyosa
Magpapatuloy kami sa laban
Hanggang sa muling pagkikita, kaibigan.
