ပြိုင်ဘက်ကင်းဆေးနတ်ဘုရား
ဘာသာပြန်သူ-ဖြိုးသူဝင်း
စာစဉ် ( ၂၂ )
Chapter-13
“ဘာ… ဘာတွေဖြစ်နေတာလဲ… ယီယွမ်က တကယ်ပဲ အရင်တုန်းက အင်ပါရီယာအစစ်အမှန်ဥပဒေ စာအုပ်ကို ကျင့်ကြံဖူးတာများလား…..”
“အင်ပါရီယာအစစ်အမှန်ဥပဒေ စာအုပ်ကို လေ့ကျင့်ရတာ အလွန်ခက်ခဲတယ်… စီနီယာအစ်ကိုလော်က ဒီနေ့ဒီအချိန်မှာ ရောက်ရှိနေတဲ့ အဆင့်အတန်းထိ ကျင့်ကြံရာမှာ တွေ့ရတဲ့အခက်အခဲတွေက အခြားသူတွေ နှိုင်းယှဉ်လို့ရတဲ့ အရာမဟုတ်ဘူး… ဒါပေမဲ့ ယီယွမ်က အဲဒီပညာရပ်ကို တကယ်ပဲ ဒီလောက်လွယ်လွယ်ကူကူနဲ့ ထုတ်ဖော်ပြသနိုင်ခဲ့တယ်…..”
“ယီယွမ်က အသိဥာဏ်အပြည့်နဲ့ မွေးဖွားလာတဲ့ လူတွေထဲက တစ်ယောက်များ ဖြစ်နေမလား… ဒီလိုမှမဟုတ်ဘူးဆိုရင်တော့ သူ့ရဲ့အသက်အရွယ်နဲ့ဆိုရင် ဓားတာအိုနဲ့ လက်ရေးပန်းချီတာအိုတို့ကို တစ်ချိန်တည်းမှာ ဒီလောက်အထိ အဆင့်အတန်း မြင့်မားလာနိုင်မှာမဟုတ်ဘူး…..”
စင်မြင့်အောက်မှ တပည့်များက လက်ရေးပန်းချီတာအိုကို နားလည်ခြင်း မရှိကြသော်လည်း ယီယွမ်က လော်ချန်ဖုန်းနှင့် လက်ရေးပန်းချီတာအိုတွင် လက်ရည်တူ ယှဉ်ပြုင်နေခြင်းဖြစ်ကြောင်း သိရှိနေခဲ့ကြ၏။
စင်မြင့်ပေါ်မှ လော်ချန်ဖုန်းတစ်ဦးတည်းကသာ ယီယွမ်က လက်ရေးပန်းချီတာအို ထုတ်ဖော်အသုံးပြုနေခြင်း မဟုတ်ကြောင်း သိရှိနေခဲ့သည်။
သို့သော် လက်ရေးပန်းချီတာအို မဟုတ်ဘဲ ထိုသိုင်းကွက်များက မည်သည့်အတွက်ကြောင့် ထိုသို့ကြီးမားသော စွမ်းအားများ ရှိနေခဲ့ရသနည်း။
လော်ချန်ဖုန်းကလည်း ဂုဏ်ယူဝံ့ကြွားတတ်သော လူတစ်ယောက် ဖြစ်၏။ ယီယွမ်က သူ၏သိုင်းကွက်ကို ထပ်တူအသုံးပြု၍ သူ၏တိုက်ခိုက်မှုကို အမြဲတမ်း ချေဖျက်နေခဲ့ပေရာ အရှုံးပေးရမည်ကို ငြင်းဆန်လိုသော ဆန္ဒတစ်ခုက သူ၏စိတ်ထဲတွင် ပေါ်ပေါက်လာခဲ့၏။
“စုတ်တံဖြင့် နဂါးများနှင့်မြွေများ ဖော်ထုတ်ခြင်း…..”
YOU ARE READING
ပြိုင်ဘက်ကင်းဆေးနတ်ဘုရား(Part-2)
Fantasy(ပြိုင်ဘက်ကင်းဆေးနတ်ဘုရား) ချင်ယန်ကျိဟာ သစ္စာဖောက်တစ်ယောက် လက်ချက်ကြောင့် သေဆုံးခဲ့ရတယ်။အရာအားလုံးပြီးဆုံးသွားပြီလို့ ထင်ရပေမဲ့ တကယ်တမ်းမှာတော့ မပြီးဆုံးခဲ့ပါဘူး။ သူဟာ ယီယွမ် လို့ခေါ်တဲ့ သူဋ္ဌေးသား တစ်ယောက်ရဲ့ ခန္ဓာကိုယ်မှာ ပြန်လည်နိုးထအသက်ဝင်လာခဲ့ရ...