ملــــــــــــك للقـــــــــــــــــــــــــــــاسي
الجـــــــــزء الثــــــــالث
________________________
البارت الاول : هدوء مؤقت
__________________________________
اشرقت الشمس لتنير السماء و تفتح بطلتنا اعينها العسلية البراقة.......نظرت بجانبها وجدت ادم نائما وملامحه الرجولية هادئة ابتسمت بحب و داعبت وجنته ثم نهضت دلفت للحمام استحمت وخرجت نزلت للاسفل وبعد انتهائها من اعداد الفطور صعدت للاعلى لإيقاظ ادم
يارا بخفوت وهي تمسح على شعره : ادم حبيبي فوق
تململ ادم وقال وهو مغمض عيناه : يارا كفاية شقاوة سيبيني انام
ابتسمت يارا بشغب و مدت يدها و داعبت انفه لكن فجأة نهض بسرعة وجذبها من خصرها لتستقر في احضانه شهقت لكن لم تكملها لأنه اسر شفتيها في قبلة شغوفة....تصاعدت الدماء لوجهها و حاولت الابتعاد لكنه مطبق عليها بشدة مانعا اياها من التحرك انشا واحدا فاستسلمت له و رفعت يداها لتحاوط عنقه و تستمتع معه بهذه اللحظة النادرة......دقائق وهما على هذه الحال حتى فتح الباب فجأة ودلفت ابنتهما عشق
انتفضت يارا و ابتعدت عنه و الدماء تتقاتل للحصول على مكان اضافي في وجهها.
عشق ببراءة : انتو بتعملو ايه
حمحمت يارا وقالت : حبيبتي مش عيب تخشي كده قبل ما تدقي الباب
اخرجت عشق لسانها : سوري يا ماما....نظرت ل ادم وقالت باستغراب : بابا انت مش لابس تيشرتك ليه
ابتسم بخبث وطالع يارا التي تكاد تموت من الاحراج و هتف بتلاعب : هاا قوليلها ليه
يارا بتوتر : اصل......اصل الجو ح ح حر علشان كده قلع التيشرت......ثم قالت لتغير الموضوع : انتي ليه صحيتي بدري
اقتربت عشق و هتفت : انا كنت عايزة اقعد معاكو طول النهار
ابتسمت يارا : طب ملشي تعالي معايا و انت يا ادم قوم علشان تجهز وتروح لشغلك
نهض ادم و قبلها على وجنتها واردف : حاضر يا صغيرتي
يارا بخفوت وخجل : ادم عشق هنا
ادم بخبث : انا بقول سيبيها تطلع باباها
عشق بتذمر طفولي : وانا يا بابا مش هتبوسني
ضحك ادم وحملها قبلها على وجنتيها وجبهتها و قال : طبعا انا كام بنت امورة عندي
وضعت يارا يدها على خصرها وقالت بغيرة : وانا مليش في الحب ده ولا ايه
ضمها من كتفها وهو يضحك وتمتم : ربنا يخليكو ليا
__________________________________
في منزل اخر
رهف بغضب : جاسر متنرفزنيش و اشرب اللبن يلا
جاسر بعند : لا لا لا
زياد : حبيبتي سيبيه براحته
جاسر : الله عليك يا بابا انت اللي ناصرني والله
رهف بغضب اشد : انت بتقويه عليا يا زياد ماشي.....ثم نهضت و ذهبت لغرفتها
زياد بهدوء : حبيبي ابقى اسمع كلمة ماما مينفعش تزعلها
جاسر بحزن : بس انا مبحبش اللبن يا بابا و مامي زعلت مني دلوقتي
نهض زياد مسح على شعره وقال : روح و اعتذر منها انا رايح ع المشفى.
جاسر : ماشي مع السلامة
ابتسم زياد و خرج و صعد جاسر و اعتذر من امه.....
__________________________________
على طاولة الافطار
يارا : ادم ممكن متروحش الشركة النهارده
ادم بهدوء : لا مقدرش وبعدين مش انتي اللي صحيتيني علشان اروح
يارا بحزن : بس انت مبتقعدش معانا خالص وطول اليوم فالشركة
نظر لها ادم ولعينيها التي تنذر بالدموع مسح على وجنتها و قال : بس انا اذا غبت الموظفين هيتكاسلو ومش هيشتغلو كويس
يارا بتذمر : وهوما بيقدرو اصلا انت 24 ساعة بتعذبهم بشغلك
كانت عشق تتابع كلامهم بهدوء حتى قالت : اه يا بابا احنا عايزين تفضل معانا
تنهد ادم : انتي كمان
عشق : ايوة واصلا انا مبحبش البنات اللي مشغلهم معاك
يارا باستغراب : اشمعنا وانتي شفتيهم فين
عشق : فاكرة يا ماما لما روحت مع عمو مازن انا سمعتهم بيقولو على بابا انه صارم و شديد بس مز اوي و جذاب
شهقت يارا بصدمة و نظرت ل ادم بحدة ثم نهضت و ركضت للاعلى
زفر ادم وقال بهدوء : انتي قولتيلها ليه
عشق بشقاوة : اهي زعلت
ابتسم ادم ونهض صعد لغرفته و دلف وجد يارا جالسة على السرير و تشهق ببكاء...اقترب منها وهو يقول : انتي كانه العيتط بقى عادة عندك
نظرت له يارا بعتاب وهتفت بصوت مخنوق : علشان كده مش عايز تقعد معانا البنات اللي هناك عاجبينك
مسح ادم دموعها : وانا مالي بيهم يتكلمو براحتهم محدش معبرهم خلاص متعيطيش
مطت شفتيها كالاطفال و اردفت : تؤ زعلانة منك
ادم بهمس : ميهونش عليا وهصالحك بطريقتي
يارا بارتباك : لا انا رايحة
امسكها ادم و تابع بمكر : مش انتي قولتي مش عايزاني اروح طب انا هقعد معاكي اليوم كله اهه
ابتسمت يارا بخجل ولم تشعر الا وهي تستلقي على السرير مال ادم عليها وهمس في اذنها : بحبك....ثم اقترب منها اكثر وكاد يقبلها لكن فتح الباب للمرة الثانية ودلفت عشق ( حد يضرب البت ديه بالشبشب يا جماعة)
ابتعد ادم و قال بحنق : انتي مين اللي سلطك عليا يابت
عشق بطفولة : كنت عايزة اشوف الخناقة وصلت لحد فين
نهضت يارا و عدلت ملابسها وقالت : احم انا رايحة
امسكها ادم وقال : مفيش روحة هتقعدي هنا و انتي يا حبيبتي عايز ماما بكلمتين
عشق : هتقولها ايه يعني
ادم بخبث : كلام خاص كده
عشق : اقعد قد ايه
ادم : ساعتين تلاتة كده روحي لتيتة حنان
عشق : حاضر بس متتزاعلوش اشطا......ثم خرجت
يارا بخجل : ليه عملت كده يا ادم مينفعش تقول للبنت الكلام ده هتفهمنا غلط
ادم وهو يقترب منها : سيبك دلوقتي وقفنا فين من شويا ماتفكريني
خجلت اكثر و دفنت وجهها في صدره فضحك و امتدت يداه الى.....
"انا بقول نسيبهم شويا عيب كده يا جماعة سيبولهم شوية خصوصية مش كفاية بنتهم اللي مطلعة عين اهلهم"
__________________________________
بعد الظهر
استيقظ ادم من غفوته نظر ليارا النائمة في حضنه ابتسم و سحب ذراعه ببكئ فتململت نهض و دلف للحمام اخذ حماما قصيرا وخرج ارتدى بنطال ازرق داكن وتيشرت ابيض صفف شعره و عاد ليارا
ادم : يارا اصحي يت كسلانة
يارا بنعاس : اممم شويا بس شويا
ادم بخبث : وانا مستعد جدا
انتفضت يارا جالسة وشعرها يغطي وجهها ابعدته و اطرقت برأسها الارض
ابتسم ادم وقال : انتي طول الوقت نايمة ليه
يارا : لا والله مش انت اللي مسبتنيش اطلع نن الاوضة وفضلت ت......توقفت عندما ادركت ما تتفوه به فتابع بخبث : ها وقفتي ليه فضلت اعمل ايه
عضت على شفتها السفلى من الاحراج ونهضت بسرعة و ركضت للخارج
ضحك ادم وفي هذه اللحظة رن هاتفه وكان مازن ففتح الخط
ادم : السلام عليكم
مازن : وعليكم السلام ازيك
ادم : كويس خير
مازن : انت مجيتش الشركة ليه
ادم ببرود : و انت مالك
مازن بغيظ : بارد.....اه صحيح افتكرت في بنت جاتلي و قالت عايزاك
عقد ادم حاجباه : بنت مين مقالتلكش اسمها
مازن : اسمها....نسيت الصراحة بس قالت انك معرفة خاصة
ادم : معرفة خاصة!! بلا هبل اكيد ديه ملخبطة انا هقفل دلوقتي سلام.
مازن : استنى يا....ادم.
اغلق ادم الخط وهو يفكر من هذه الفتاة التي تبحث عنه!!
__________________________________
في المساء
كانت عشق نائمة في غرفتها و ادم جالس في الصالون ويارا في حضنه.
يارا : ادم ممكن طلب
ادم : لا
يارا : اااادم
ادم بهدوء : في ايه
نظرت له يارا وقالت : ممكن اروح مع البنات للمول بكره
طالعها ادم قليلا ثم قال : لا
يارا بحزن : يا ادم ارجوك انا بزهق بقعدة البيت و عشق عايز تشوف روان وجاسر والنبي يا ادم
تنهد وقال : ماشي روحي بس متتأخريش
يارا بسعادة : يس يس حاضر
ادم : طب ايه
يارا : ايه
اقترب ادم حتى لفحت انفاسه الحارة وجهها وهمس : وحشتيني
يارا بخجل : انت طماع اوي
ابتسم بمكر واقترب منها اكثر و امتلك شفتيها في قبلة رائعة و بعد دقائق ابتعد عنها لتأخذ انفاسها الضائعة بسببه.
رن جرس الباب فقالت يارا باستغراب : مين اللي جا بالوقت ده
نهض ادم وقال بهدوء : اطلعي للاوضة و انا هشوف مين
اومأت يارا و تحركت لتصعد و ادم ذهب وفتح البلب في نفس اللحظة التي نظرت فيها يارا اليه وجدت فتاة تنقض عليه وتحتضنه بقوة وهي تقول : وحشتني يا دوووومي.....!!
__________________________________
ستووووووووب انتهى البارت
رايكم بيه وتقييمكم من عشرة
اكتر لحظة حلوة
اكتر لحظة مؤلمة
رايكم بشقاوة عشق و عناد جاسر
مين البنت اللي راحت لمازن
مين اللي حضنت ادم
يارا هتعمل ايه
ياترى هيفضل الهدوء ده ولا هتخصل حاجة تانية
رايكم وتوقعاتكم وجاوبو على الاسئلة ضرووووووري والبارت التاني هينزل على حسب التفاعل بالبارت ده
بحبكم في الله
