الفصل الثامن : رعب 2
__________________________________
وقفنا البارت فتخيلات يارا و انهيارها ياترى ايه السبب اتفاعلو وبلاش تم وكملي عليا الطلاق اذا كتبتو كده تاني هزعل جاااامد
__________________________________
فتحت عيناها ولفت بنظرها في الارجاء وجدت كل شئ يحيط بها باللون الابيض.....نهضت جالسة بصعوبة وحدثت نفسها : انا بالمشفى ليه
قاطع تفكيرها دخول ادم اقترب منها وطبع قبلة على جبينها
ادم بابتسامة هادئة : حمد لله على السلامة يا حبيبتي
يارا بصوت يكاد يسمع : الله يسلمك
مسح على رأسها وهتف : ايه اللي حصلك بس انا جيت ولقيتك واقعة على الارض
تذكرت يارا ما تراه فارتجفت وهمست : انا اتجننت
ادم : ايه
افاقت يارا من شرودها وقالت : هاا.....لا مفيش انا تعبت شويا وو...
قاطعها ادم وهو يحتضنها : خلاص اهدي محصلش حاجة......قلقتيني عليكي جامد يا يارا حسيت بقلبي هيقف لما شفتك مرمية على الأرض
اغمضت عيناها و وبادلته الاحضان وبدون سابق انذار انفجرت في البكاء وهي تنتفض بين يديه بعنف
ادم بخفوت : بتعيطي ليه يا صغنونتي
يارا بشهقات بكاء : ادم....انا....انا خايفة اوي....خايفة تحصل حاجة و تبعد عني انا هموت بدونك
ابعدها ادم عنه ضم وجهها بكفيه واردف بهدوء لكن بحزم : الكلام ده مسمعوش تاني محدش هيقدر يبعدك عني لاني لا هسمحله ولا هسمحلك.......ماشي
اومأت يارا فابتسم وقال : ارتاحي دلوقتي وانا هطلع و....
قاطعته يارا عندما تمسكت به واردفت بخوف : لا متسيبنيش مش عايزه افضل لوحدي طلعني من هنا مش عايزه افضل بالمكان ده
استغرب ادم من خوفها الغير مبرر و ملامحها التي تنطق بالرعب لم يرد ارهاقها اكثر فنهض وحملها بين يديه
ادم بنبرة هادئة وهو يخرج : ماشي هاخدك للبيت
فزعت يارا عند تذكرها لما تراه بالمنزل لكنها لم تفعل شيئا سوى ان دفنت وجهها في صدره لتبكي بصمت....
__________________________________
رتاج بصراخ : ايييييه انتي اتجننتي عايزه تتجوزي وانتي لسا على ذمة راجل تاني
وضعت تقي يدها على فمها واردفت بهمس وقليل من الغضب : اسكتي فضحتينا
رتاج بهمس هي الاخرى : واللي بسمعه ده مش فضيحة ايه الكلام الزفت اللي بتقوليه حضرتك ازاي تبقي متحوزة اتنين فنفس الوقت ومين سليم اللي مغيش ارخم منه
ابتسمت تقي بدهاء وقالت : ومين اللي قال اني هتجوز الغبي سليم افهمي انا لما وافقت عملت كده علشان اعذب اسر
رتاج : وتعذبيه ازاي يا فالخة
تقي بخبث : يا غبية انا هعزم الكل على خطبتي وأولهم رهف وهي هتقول لجوزها واسر وطبعا هيجن جنانه والباقي عارفاه كويس
هزت رتاج رأسها بحيرة وقالت : انتي كنتي بتقولي عليا مجنونة بس مبروك انتي اجن مني بكاير اوي ربنا يستر من عمايلك ديه
تقي بدون مبالات : معدتش تفرق معايا انا عايزه ادفعه التمن غالي اوي و ابرهنله انه حتى لو لسا مراته بس ميقدرش يتحكم بيا زي زمان
تنهدت رتاج وهتفت بهدوء : متأكده من اللي بتعمليه ده
تقي : اه متأكده انا هنتقم منه على كل لحظة حزن عدت عليا وانا لوحدي لازم يتعذب زيي
هزت رتاج رأسها وقالت : الخطوبة امتى
تقي : بعد اسبوع
نهضت رتاج وقالت : انا هروح انام تصبحي على خير
تقي : وانتي من اهله
خرجت رتاج وتركت تقي تفكر بما تفعله....
__________________________________
دلف ادم للغرفة ويارا بين ذراعيه وضعها على السرير وهمس : ارتاحي دلوقتي....كاد يذهب لكنها امسكت يده نظر لها وجدها تطالعه برجاء كي يبقى معها فنزع جاكيته واستلقى بجانبها جذبها لحضنه فوضعت رأسها على صدره الضخم واغمضت عيناها محاولة عدم تذكر ما حدث لها....
__________________________________
في صباح اليوم التالي
استيقظ ادم فتح عيناه وجد يارا نائمة بجانبه....ابتسم بحنان ونهض اتصل بوالدته وانتظر الرد
__________________________________
كانت حنان جالسة في الصالون رن هاتفها وكان ادم ففتحت الخط بسرعة
حنان بابتسامة : السلام عليكم
ادم بهدوء : وعليكم السلام....عامله ايه يا ماما
حنان : كويسه بس مبقيتش تسأل عليا خالص ينفع كده
ادم : حقك عليا بس انا مشغول الفترة ديه و كمان حمل يارا ولازم اخد بالي منها
حنان : صحيح البت ديه عامله ايه معقول تفضل تاخدها وتبعدها عني يا ادم
ادم بهدوء : حقك عليا يا ست الكل.....المهم انا اتصلت بيكي علشان اقولك اني رايح للشركة وعايزك تجي تفضلي مع يارا شويا
حنان بقلق : خير يابني يارا مالها
ادم ببرود : هي تعبانة شويا
حنان بإيجاب : ماشي نص ساعة وهكون عندك
ادم : تمام هستناكي لااله الا الله
حنان : محمد رسول الله.
__________________________________
اغلق ادم الخط ونظر لها وهي نائمة كالملاك عقد حاجباه بضيق مالذي حدث لها كي تقع هكذا ليس مجرد انه اكثر من هذا لكن لماذا لا تريد اخباره.
اقترب منها وملس على وجنتها برقة ثم تمتم بخفوت : يارا
تململت يارا ولم ترد فقال بهدوء : يارا فوقي هتفضلي نايمة كده
يارا بنعاس : ابعد وسيبني ابعد ياض
ابتسم ادم وتمتم : ياض!!.....كتم ضحكته وهتف بحزم : يااااراااا
انتفضت يارا وفتحت عيناها نهضت بسرعة وقالت وهي تتثائب : ادم سيبني انام حرام كده.
ضغط ادم على انفها واردف : صباح الخير يا صغيرتي
ابتسمت يارا : صباح الفل والياسمين وكل حاجة حلوة
ادم : يلا يا مراتي الصغننة فوقي كده واعمليلي فطار حلو زيك علشان اروح للشغل
نهضت يارا بسرعة وقالت وهي تخرج من الغرفة : هعملك احلى فطار....وخرجت
تنهد ادم ونزل للاسفل دلف لغرفة المكتب لينهي اعماله.
اما يارا فبمجرد ان ذهبت للمطبخ تذكرت تخيلاتها....اغمضت عيناها وهي تحاول محو الذي تراه من ذاكرتها
يارا بداخلها : ديه مجرد تخيلات من التعب يا يارا ملوش داعي القلق ده كله انا هنسى اللي شفته وهفكر ب ادم وابني وبس.
اخذت نفسا عميقا وبدأت تحضر الفطور.
جلست على السفرة وبعد لحظات جلس ادم بجانبها وقال : تعالي اقعدي جنبي
نهضت يارا وجلست بجانبه وبدأت بتناول فطورها معه......نهض ادم واردف بهدوء : انا هروح دلوقتي
يارا بخوف : ادم متسيبنيش لوحدي
مسح على شعرها بحنان : ماما هتيجي وتقعد معاكي انا مضطر اروح ماشي
اومأت يارا بمضض وقالت : خود بالك من نفسك
ابتسم ادم وخرج تنهدت يارا وصعدت لغرفتها دلفت للحمام استحمت وتوضأت خرجت وارتدت اسدالها وصلت ركعتين لله تدعو الله ان ييسر امورها ويرزقها بما تريد ويرضى و بدون شعور وجدت نفسها تدعو ل ادم ايضا.......انهت صلاتها وكادت تنزع اسدالها لكن سمعت رن الجرس فنزلت وفتحت الباب وجدت حنان اقف امامها.
احتضنتها بقوة شديدة فضحكت حنان واردفت : براحة يابنتي انتي حامل
يارا بسعادة : مش مهم المهم انك معايا وحشتيني يا ماما وحشتيني اوي
ابتعدت حنان وقالت : بس ايه احلويتي يابنت ماشاءالله اظاهر ادم بياخد باله منك كويس
يارا بخجل : بس بقى يا ماما
قهقهت حنان ودلفت معها جلسا بالصالون فقالت يارا : انتي عامله ايه وبابا ورهف وحشوني جدا بقالي زمان اوي مشفتهمش
حنان : اصله ادم مش سايبك تقعدي معانا كأنك هتهربي منه
يارا : لا خالص بس كان عنده شوية شغل بالصعيد علشان كده يعني
اومأت حنان وتابعت : بس ادم قالي اجيلك ليه في حاجة انتي كويسه
نزلت دموعها وقالت بصوت مخنوق : لا ابدا في حاحات غريبة بتحصلي
حنان بقلق : خير ايه اللي بيحصلك
انتفضت يارا واحتضنتها بقوة واردفت ببكاء : حاسة اني هتجنن انا المبارح لما كنت مع ادم بالشركة شفت وش بيخوف جدا وفقدت وعيي ولما فوقت لقيت نفسي بأوضتي و حسيت انه حد بيراقبني ولمسني وشفت.....شفت بالمراية وشي مشوه انا اتجننت يا ماما اتجننت
فتحت حنان عيناها بصدمة وهمست : الحالة خطيرة للدرجة ديه يعني......مسحت على شعرها وابتعدت عنها مسخت دموعها وقالت بحنان : ديه مجرد تخيلات بسبب الحمل متقلقيش كل حاجة هتبقى كويسه يابنتي انتي قولتي ل ادم
يارا بصوت مخنوق : لا ابدا اكيد مش هيصدقني وهيفكرني مجنونة معرفش لازم اعمل ايه
احتضنتها حنان مجددا وهتفت بهدوء : ربنا يجعله خير...
__________________________________
كان ادم بمكتبه الا ان رن هاتفه برقم مجهول عقد حاجبيه وفتح الخط
ادم بهدوء : السلام عليكم
قال الاخر بتوتر : وعليكم السلام بشمهندس ادم انا رئيس المباحث حسام
ادم : ايوة خير
بلع الاخر ريقه وقال : انت كلفتني من زمان بمعرفة مين اللي اتسبب فخادث المرحوم احمد الشافعي
ادم بانتباه : اه عرفته
حسام : ايوة للاسف الحادث زي ما حضرتك اتوقعت الحادث مدبر
ادم بحدة : مين
حسام بتوتر : اللي اتسبب بالحادث هو عم حضرتك وابنه عمر وعلي الشافعي.......!!
__________________________________
