الفصل الثاني : قصص حب وخيانة
_________________________
وقفنا البارت فسماع عمر لصوت مجهول ياترى ده مين؟
______________________________
اومأ عمر وتحرك معه لكنهما فجأة سمعا صوت قويا يأتي من الخلف : اهلا بأهل البيت
انتفض علي وعمر ونظرا للخلف واتسعت اعينهما عندما وجدوا ادم جالسا على الاريكة يجلس بهدوء تام ويطرق بأصابعه على ساقه بخفة.
ارتبكوا بشدة وايضا مندهشين من وجوده بهذا الوقت كيف جاء ومتى والسؤال الاهم الذي يخيفهم هو لماذا !!
علي بارتباك : انت...انت جيت ليه
توقف ادم عن طرق اصابعه ونظر له ببرود تام نهض ووضع يده في جيب بنطاله ثم بدأ يقترب منهما بخطوات هادئة....توقف امام علي وقال بجمود : عيب....عيب ترحب بإبن اخوك كده يا........عمي
علي بارتباك اكبر : طبعا انت مرحب فيك بس انا متفاجئ محدش قالي انك موجود
ابتسم ادم ابتسامة جانبية ووضع يده على كتف عمر نظر له وتابع : وانت يا ابن عمي مستحقش ترحيب منك
انصدم عمر من كلامه وخاف للغاية فهدوء ادم اخطر بكثير من غضبه.....ابتسم بتكلف واردف : طبعا انت مرحب بيك البيت بيتك.
ادم ببرود : محدش عارف معزتي وغلاوتي عندك قدي......جز على اسنانه وكاد يكمل لكن قاطعه دخول زهرة وهي تقول بابتسامة : ادم اطلع لأوضتك ترتاح الطريق كان طويل زمانك تعبان
هز ادم رأسه بهدوء تحرك ليذهب لكنه فجأة توقف نظر لهما وتابع بنبرة باردة : اه صحيح انتو مبتعرفوش حد اسمه احمد العمري
فتحا اعينهما باتساع و شعرا بالخوف ايضا بلع علي ريقه بصعوبة وتابع بتلعثم : م..مين...ااقصد احنا منعرفش حد اسمه كده
ادم : بجد انا قولت يمكن تكونو عارفينه.....اصله شخص مهم جدا عندي....عن اذنكم
اومأت زهرة فألقى ادم عليهما نظرة اخيرة وصعد لغرفته......ذهبت زهرة ايضا فقال عمر برعب : انت شفته بيبصلنا ازاي يا بابا ده كان شوية وهيقتلنا وهو عرف منين احمد الالفي مش ده اللي بعثناه علشان يفرقهم عن بعض
علي بعصبية : انت مش هتبطل رغي كتير انا بدون حاجة قربت اختنق....مسح على وجهه وهمس : اذا توقعاتي كانت فمكانها.......قول علينا يا رحمان يارحيم
____________________________
فتح ادم باب غرفته ودلف اخرج ملابسه من الحقيبة تيشرت اخضر وبنطال ابيض ارتداهما وصفف شعره غي نفس اللحظة التي سمع فيها صوت فتح الباب استدار وجد يارا تخرج من الحمام تأملها من الاسفل للاعلى كانت ترتدي بنطال احمر لا يجسد ساقيها لكن يرسمهما بشكل رائع وتيشرت ابيض نص كم عليه رسومات باللون الاحمر صففت شعرها كعكة وتركت بعض الخصلات السوداء الفحمية تتمرد على وجنتها وجبهتها.
ابتسم ادم واقترب منها وهو يقول بهمس : انتي ليه حلوه كده
ابتسمت يارا بخجل فجذبها وضمها لحضنه وضعت رأسها على صدره الصلب ولفت خصره بذراعيها
مسح على شعرها بهدوء فهمست : هو انا قولتلك قبل كده اني بحبك اوي
ابتسم ادم فتابعت : مش هتقولي جينا هنا ليه
زفر ادم بقوة وهو يتذكر كيف جاء
Flash back
( ادم بهدوء : لمي هدومك حالا
عقدت يارا حاجباها بتعجب واستغراب وقالت : ليه؟؟
ادم : هنروح للصعيد
اتسعت عيناها بصدمة واردفت : الصعيد !! انا مش فاهمة حاجة و....صمتت فحأة ثم شهقت بقوة وقالت بدموع وفزع: انت عايز تسيبني يا ادم
ضم ادم وجهها بيديه واردف بحنان : انا لما اسيبك ده يعني اني مبقيتش موجود بالدنيا ديه بس طول ماانا عايش هفضل احبك لاخر نفس ليا ومش هسمحلك تسيبيني ابدا
ابتسمت يارا فقال بهدوء : هنقضيها كلام انجزي
هزت يارا رأسها موافقة واتجهت للدولاب جمعت ملابسها وهو ايضا وبعد وقت لبس بقصير كانا قد وصلا للصعيد)
Back
حملها ادم وهو لا يزال يحتضنها وضعها على السرير استلقى وجذبها لتضع رأسها على صدره وادخل اصابعه في خصلات شعرها يداعبها برقة حتى نطق اخيرا
ادم : يارا
يارا : امممم
ادم بهدوء : بما انه بقينا ببيت العيلة مش عايز احذرك ممنوع تلبسي هدوم ضيقة
يارا : بس انا مبلبسش....
قاطعها ادم بحدة : مش عايز نقاش يا يارا اللي قلته تنفذيه والكلام مع عمر
اكملت يارا كلامه بضحكة خفيفة : ممنوع
ادم ببرود : كويس انك عارفة
يارا بداخلها : ايه البارد ده
ادم : لو عايزة تقولي حاجة اتكلمي بصوت مسموع
يارا بتلعثم : هاا...مين ديه اللي عايزه تتكلم لا انا هنام.....صمتت قليلا ثم قالت : ادم
ادم وهو مغمض عيناه : عايزه ايه يا يارا مش تنامي وتسيبيني
يارا بطفولية : بس سؤال
ادم : يارب صبرني....ايه
نهضت يارا جالسة استندت بمرفقها على صدر ادم وقالت : انت عايز ابننا يكون ولد ولا بنت
داعب ادم وجنتها وقال : اللي يجي من ربنا راضيين بيه
يارا : اممم طب عايز عيونه تكون ملونة ولا عادي
ادم : اذا على العيون فأنا عايزها تكون عسلي زي عيونك
يارا : بس انا عايزاها سود و بتخوف زي عيونك
ضيق ادم عيناه واردف بهدوء : انا عيوني بتخوف
تنهدت يارا و هتفت بشرود : عيونك ديه هي اللي جننتني يا ادم من كتر مانها حلوة من كتر مانها بتخوف ولا بتبصلي وانت غضبان بحس شوي وهوقع من خوفي بس بتبقى احلى لما بتكون هادي ده غير انك بتبقى حلو اوي وانت بتضحك
جذبها ادم لتقع على صدره طالعها قليلا واردف بهدوء : يعتي ببقى وحش وانا غضبان مثلا
ابتسمت يارا وقالت : بتبقى جوزي اللي بحبه فكل الحالات
طبع قبلة خفيفة على شفتها وضع يده حول خصرها و تمتم : رغاية اوي
يارا بهمس : قطعت اللحظة معرفش انت بتسود كل حاجة ليه
ادم وهو مغمض عيناه : طب نامي قبل ما اقوم واسود ليلتك
شهقت يارا واردفت : ايه ده انت سمعتني ازاي......امم وقال ايه بعاكسك وبقولك احلى عيونك وانت خشب على فكره انا بحب العيون الملونة
فتح ادم عيناه وقال من بين اسنانه : اقدر اوريلك العيون الحمرا لو عايزه
وضعت يارا يدها على فمها واغمضت عيناها بقوة كتم ادم ضحكته وشدد قبضته عليها طبع قبلة اعلى رأسها وهمس : تصبحي على خير يا صغيرتي...
______________________________
في صباح اليوم التالي
في منزل تقي
تقي بفرحة : بجد يا رتاج ولا اناي بتهزري
رتاج : اهزر ايه ياحبيبتي بقولك مازن قالي بحبك هييييه انا من فرحتي هقوم وازغرط يا ناس
تقي : هههههههه ماشي يا مجنونة انا هقفل دلوقتي رايحة مشوار
رتاج : على فين
تقي : رايحة عند صاحبتي رهف انتي فاكراها صح
رتاج بإيجاب : اه مش ديه صاحبتك ومرات اخو جوزك
تقي بضيق : متقوليش جوزي اسر بقى من الماضي
رتاج بسرعة : خلاص اسفة يلا انتي غوري وانا هطلب حاجة اتطفح بيها سلام
ضحكت تقي واغلقت الهاتف نهضت وارتدت ملابسها وحجابها وخرجت بعدما استأذنت من والدتها ركبت سيارتها وبعد مدة وصلت لمنزل رهف رنت الجرس عدة مرات....مرت ثواني ثم فتح الباب ليظهر اخر شخص كانت تتوقع ان تراه
____________________________
استيقظ اسر على رن الجرس فتح عيناه وتذكر انه بمنزل شقيقه.......زفر بضيق ونهض خرج من غرفته واتجه للباب ثم فتحه ليجد تقي تقف امامه.
اسر بابتسامة اشتياق : تقي
تفي بصدمة : انت!! انت بتعمل ايه هنا
تنهد اسر وقال بهدوء : انا كنت...
قاطعته تقي : خلاص مبيهمنيش اصلا اتا رايحة اصلي جيت على اساس اني الاقي ناس محترمة تفتحلي
صدم اسر من كلامها وحزن بشدة فهي محقة بكلامها.....تنهد بألم واردف بهدوء : تقي انا عايزك ترجعيلي
وللمرة الالف تنصدم تقي من كلامه نظرت له بدهشة فأكمل : عارف انك مصدومة بس انا سيبت الماضي ورايا ومعنتش اعمل حاجات غلط
لحظات صامتة مرت حتى قطعتها تقي بضحكتها القوية التي تحمل سخرية وقهرا وألما ضحكت بهستيرية ثم تمالكت نفسها وقالت : انت!! سيبت القرف اللي هو جزء من حياتك استاذ اسر حضرتك فاكرني ايه غبية يعني اه انا كنت هبلة من قبل بس دلوقتي بقيت واعية جدا.....رفعت اصبعها في وجهه واردفت بحدة : واسمي ميجيش على لسانك فاهم....انا مش مراتك انا طليقتك
استدارت وتحركت لتذهب لكنها توقفت على كلامه
اسر بثقة : على فكره انتي لسا مراتي انا رجعتك لذمتي من زمان.....!!
______________________________
في شرم شيخ
خرجت رتاج من الفندق و ذهبت للبحر مشت على رمال الشاطئ وفجأة لمحت تلك الشقراء المدعوة بنانسي تحتضن فادي
رتاج باستغراب : الشقرا مع المستر فادي!! غريب دول بيعرفو بعض منين
جاءها صوته من الخلف : اصلهم بيحبو بعض من زمان
استدارت رتاج وجدت مازن توردت وجنتاها و تابعت بخجل : احم.....بس يعني انا كنت فاكره انها...انها...
قاطعها مازن : كنتي فاكره انها بتحبني صح.......باليوم اللي شفتينا فيه مع بعض كانت بتقولي انها عايزه تعترف بمشاعرها للإنسان اللي بتحبه ولولاها مكنتش اعترفتلك بحبي ليكي
رتاج باستغراب : ازاي؟
اقترب مازن منها وقال بهدوء : هي قالتلي اني لو معترفتش بمشاعري دلوقتي هيحصل معايا اللي حصل من قبل مع المدام رهف....نظر لها وتابع بابتسامة : الفضل كله بيرجع ليها.....لاحظ تورد وجنتيها بقوة فقال ليغير الموضوع : افتكرت اديلي رقم مروان وحشني اوي الواد ده وكمان عايز اطلبك منه رسمي
اومأت رتاج وكتبت رقم شقيقها واعطته اياه ثم قالت : انا طالعة اجهز نفسي احنا هنرجع امتى
مازن : بكره ب اذن الله
هزت رتاج رأسها وذهبت من امامه بسرعة وهي تكاد تنفجر من الفرحة بعد تأكدها من ان الشقراء لا تحبه بل تحب رجلا اخر...
_____________________________
في الصعيد
استيقظت يارا فتحت عيناها بكسل وجدت ادم يقف امام التسريحة يصفف شعره الناعم والكثيف ابتسمت ونهضت اقتربت منه وقالت بنعاس : صباح الخير
نظر لها ادم ثم انفجر من الضحك عليها عقدت حاجباها باستغراب وقالت : م
انت بتتضحك على ايه
امسك ادم كتفيها وهو يحاول تمالك نفسه ادارها للمرآة وعندما رأت نفسها انتفضت بهلع وهتفت : ديه مين !!
ازدادت ضحكات ادم حتى ادمعت عيناه فحالتها الان تجعلك تصحك بعستيريا شعرها الطويل مشعث ويغطي كل انش من وجهها وملابسها غير مرتبة كانت ملامحها بريئة لكن مضحكة
عدلت يارا نفسها سريعا وهتفت : اصل انا معرفش ازاي حصلي كده يعني انا بالعادة بكون مرتبة.....ثم دلفت للحمام بسرعة استحمت وصففت شعرها وخرج كان ادم يجلس على السرير ينتظرها اتجهت للتسريحة واخذت زجاجة عطر. اقتربت منه وقالت بابتسامة : انا بحب البرفيوم ده
امسك ادم يدها وقبلها قائلا : وانا بحبك انتي
تصاعدت الدماء لوجهها وقالت بخجل : ادم ارجوك انا مش متعودة على كده
ادم بابتسامة خبيثة : هتتعودي مع الأيام متقلقيش....نظر لملابسها بدقة كانت ترتدي فستان ازرق داكن به فصوص باللون الابيض وحجاب ابيض لم يكن يجسد جسدها تماما لكن يرسمه بحرافية ايضا....ابتسم ونهض امسك يدها وهتف بتحذير : مش عايز اعيد كلامي واضح
يارا : واضح
ادم : ملكيش كلام مع اي راجل
يارا : حاضر
قرص ادم وجنتها بخفة وتمتم : شطورة
مطت يارا شفتيها بتذمر طفولي فسحبها خلفه ونزلا للاسفل
كان الجميع حول سفرة الطعام جلس ادم و بجانبه يارا نظر لها عمر وخطرت بباله فكرة خبيثة سيغضب ادم بها فهتف........
___________________________
