الفصل السابع : صدمة
______________________
وقفنا البارت فصدمة يارا من تجاهل ادم ليها و خوف تقي من خيانة اسر يا ترى ايه اللي هيحصل. ياريت تفاعل و كومنت طويل اعرف رايكم بيه
______________________
في صباح اليوم التالي
استيقظت يارا و لم تجد ادم بجانبها فشهقت بصدمة...لم يهتم بها وتجاهل دموعها لم يبالي بها ابدا و ذهب بعيدا عنها.....ذهب مع تلك الفتاة!!.
نزلت دموعها بغزارة و ضمت ركبتيها لصدرها ودفنت رأسها بينهما و هي تنتفض بقوة مجرد تفكيرها ان زوجها بمفرده معها جعلها تفزع هي تثق ب ادم لكنها خائفة من افعال ريناد الفتاة التي طالما احبت زوجها هل يعقل ان تفعل شيئا وتبعده عنها هل يعقل ان يتركها !!
انهمرت في البكاء اكثر و مر وقت طويل وهي في هذه الحالة حتى سمعت صوت فتح الباب...
______________________
قبل ساعتين
دلفت ريناد للشركة وعلى وجهها ابتسامة واسعة اتجهت لمكتب ادم و طرقت الباب فأذن الله بالدخول.
دلفت ريناد وقالت : بشمهندس ادم انا جاهزة
ادم بهدوء : ماشي
ريناد بتعجب : طب نروح؟
ادم بدون ان ينظر اليها : نروح ليه
ريناد بتعجب اكبر : ها ازاي يعني مش فاهمة
نظر لها ادم اخيرا و اردف بنبرة جافة : انتي هتروحي مع طاقم الشركة وانا مش هاجي معاكي
ريناد بصدمة : افندم!! بس ليه حضرتك عارف ان وجودك....
قاطعها طرق الباب فأذن ادم بالدخول و دلف اسر
ادم : اسر هيروح معاكي انسة ريناد
ريناد بصدمة : اسر!!
ادم : اه خو درس مشروعك وكمان عنده معلومات كتير و هيساعدك فشغلك
ابتسم اسر وهو ينظر لريناد : و انا هكون مبسوط جدا
جزت ريناد على اسنانها وقالت بمضض : حاضر يا فندم انا هكون مع الطاقم...عن اذنك.
خرجت ريناد و خلفها اسر بينما نظر ادم لصورة يارا بهاتفه و ابتسم لن يستطيع ان يبتعد عنها ابدا هي جزء لا يتجزأ منه اكسجينه الخاص وكيف لأحد ان يعيش بدون ان يتنفس!!
اكمل عمله بتركيز لكن فحأة تذكر انه لم يخبر يارا عن الغاء سفره و مؤكد انها الان حزينة وتبكي فنهض بسرعة وخرج من الشركة ركب سيارته وانطلق بها مسرعا و بعد مدة وصل للفيلا نزل من سيارته و دلف صعد بخطوات هادئة و فتح الباب ببطئ ليجدها منكمشة على نفسها و تبكي بقوة.
اقترب منها بسرعة وجلس بجانبها مد يده ومسح على شعرها فتوقفت عن البكاء.
ادم بهمس : يارا.
انتفضت يارا و رفعت رأسها ببطئ ونظرت له بصدمة
يارا بصوت خافت : انت...انت مروحتش
امسك ادم رأسها وطبع قبلة على جبينها : لا مروحتش انا مقدرش اسيبك.
بكت يارا اكثر و ابعدت يده قائلة بصوت عالي وبكاء : ابعد عني انا مش عايزاك....ضربته في صدره وصرخت : مصحيتنيش ليه انت عارف انا حسيت ب ايه لما صحيت وملقيتكش جنبي انا....كنت فاكرة انك روحت مع الزفتة اللي اسمها ريناد و كنت هموت من العياط انت ايه يا اخي ايه كمية البرود اللي فيك ديه
ابتسم ادم ولم يتكلم فضربته بصدره ثانية وصرخت : انت بتضحك على ايه هاا.....كادت تضربه مجددا لكنه امسك يدها وجذبها لتلتصق بصدره وقبل ان تبتعد عنه انقض عليها يقبلها بعمق ولم يتركها الا عندما دفعته بقوة لكي تلتقط انفاسها الضائعة بسببه.
ادم بهمس وانفاس متسارعة : بقالك ساعة وانتي بتتكلمي فقلت اسكتك بطريقتي
يارا بغيظ : ممكن تسكت
حاوط ادم خصرها بتملك واردف ببرود : لا
يارا بهمس : رخم وغبي
رفع ادم احدى حاجبيه : افندم
يارا بخوف : مقصدش مقصدش ممكن تسيبني دلوقتي
ادم : انا ليه حاسس انك مش عايزاني اعرف انك فرحانة لاني مسافرتش
يارا بتهرب : و افرح ليه ان شاءالله هو انت تقربلي ولا حاجة
ضحك ادم وطبع قبلة على وجنتها وقال بهمس وانفاسه الحارقة تلفح وجهها : طب كنتي بتعيطي ليه
نزلت دموعها وعضت على شفتها لتتمالك نفسها فهمس : هشش خلاص متعيطيش اهدي انا مش هروح ومش هسيبك خالص انا بحبك
يارا بصوت يكاد يسمع : وانا بعشقك.
ابتسم و ضمها لصدره لكن فجأة فتح الباب ودلفت عشق ( مشوفتش ارخم من البت ديه)
ابتعدت يارا عن ادم بخجل فتنهد ادم وقال بهدوء : تعالي يا عشق
اقتربت عشق منهما و قالت : بتعملو ايه
يارا : ها....مبنعملش حاجة
عشق : طب انتي كنتي حاضناه ليه
خجلت يارا فابتسم ادم و جذبها لتجلس على حجره.
ادم : وانتي بتسألي اوي كده ليه
عشق : عادي يعني.....بابا هي طنط ريناد فين انا مشوفتهاش من زمان
تجهم وجه يارا وانتبه ادم فقال : مش هنا سافرت
يارا باستغراب : سافرت!! بس مع مين انت مروحتش
ادم : لا سافرت مع اسر
يارا بدهشة : بجد
هز ادم رأسه و يدأ يلعب مع عشق اما هي تفكر
يارا بداخلها : ازاي هو سافر معاها وتقي معقول سمحتله يروح وهي اكتر واحدة عارفة ريناد ديه.
قاطع تفكيرها كلام ادم : يارا رحتي فين
يارا بانتباه : لا خالص....انا هحضر الغدا
اومأ ادم ودلف للحمام و نزلت يارا مع عشق للاسفل
___________________
على الهاتف
تقي بصراخ : انت ازاي بتروح من غير ما تقولي يا اسر
اسر : واقولك ليه ان شاءالله
تقي بغضب : انت مجبور تقولي لاني مراتك يا استاذ
اسر بنفاذ صبر : تقي كنت مستعجل و مقولتلكش القصة مش مستاهلة
تقي : اسر انت....
قاطعها : عندي شغل هقفل سلام.
اغلق الخط فنظرت اقي للهاتف بصدمة ثم همست : انت مستحيل تتغير يا اسر مستحيل هتفضل طول عمرك بدون احساس بس انا مش هسمحلك تدمرني تاني...
______________________
اغلق اسر الخط و زفر بملل وضع الهاتف في جيب بنطاله وخرج من غرفته و جلس على الشاطئ يتطلع للبحر بشرود
.....: ممكن اقعد معاك
رفع رأسه وجدها ريناد فابتسم : طبعا
جلست ريناد بجانبه وقالت : شكلك متضايق
اسر بزفير : اه اتخانقت مع مراتي.
ريناد : ليه
اسر بضيق : بتشك فيا دايما و طول الوقت بتزعجني انا زهقت منها مكنتش اعرف انها هتبقى كده
ابتسمت ريناد بخبث و نظرت للبحر امامها.
اسر : بتفكري ف ايه
ريناد : مفيش بس انا عايزة اعترفلك بحاجة
نظر اسر لها باستغراب : تعترفيلي ب ايه.
طالعته لثواني ثم اردفت : اسر انا بحبك....!!!
_____________________
ستوووووووووب انتهى البارت
رايكم وتقييمكم من عشرة
اكتر لحظة حلوة
اكتر لحظة مؤلمة
يارا هتفقد ثقتها ف ادم
تقي هتعمل ايه
ريناد بتخطط ل ايه
اسر رجع لطبيعته ياترى هيكون رد فعله ايه من كلام ريناد
رايكم وتوقعاتكم وجاوبو على الاسئلة بليييز
