الفصل الثالث : كشف حقائق
___________________________
وقفنا البارت فمحاولة عمر استفزاز ادم ياترى هيقول ليارا ايه؟
____________________________
ابتسم عمر بخبث نظر ليارا و قال : صحيح يا مدام يارا مش عايزه نطلع نتفسح زي المرة الماضية
رف ادم نظره بحدة وبدأت ملامحه الهادئة تتحول لملامح مرعبة طالعته يارا بصدمة عما يتحدث هذا
يارا بخفوت : عفوا حضرتك انا مش فاكره طلعنا نتفسك امتى
اتسعت ابتسامته واردف : الله مش فاكره ازاي بما قلتي ل تيتة انك زهقانة و اقترحت عليكي تطلعي معايا
تذكرت يارا ماحدث فرفعت عيناها بتوتر شديد ل ادم وارتجفت من ملامحه المخيفة للغاية رمقها بنظرة مرعبة ثم نهض استدار وقال بهدوء : يارا تعالي....ثم صعد لغرفته في الأعلى.
تسمرت يارا مكانها ولم تستطع الوقوف فوجهه لا يشجع اي احد على التحدث معه ومن يكلمه سيحرق امامه لا محالة
زهرة : يلا يا بنتي اطلعي لجوزك
اومأت يارا ونهضت مشت بخطوات متوترة وصعدت خلفه.
نظر سليم لعمر بغضب وقال : انت قلت كده ليه
عمر : مقلتش حاجة غلط فيها ايه ديه يعني ما انا طلبت منها نطلع نتفسح زي المرة اللي فاتت
زهرة بتحذير : كلنا عارفين انت بتقصد ايه اصل طول عمرك بتحاول تستفز ادم بس اوعى تستفزه بيارا لأنك كده هتكون حطيت راسك تحت سيفه...اوعى يا عمر.
زفر عمر بدون مبالات ونهض ابتسم علي بخبث وقال : عن اذنكم...ثم نهض ايضا.
_____________________________
اما ادم فكان في حالة لا يحسد عليها تصاعدت الدماء لعينيه وملامحه اصبحت مظلمة ايضا كيف تخرج زوجته مع رجل غيره وهل كانا بمفردهما......قبض على يده بعنف حتى برزت عروقها و براكين الغضب تكاد تنفجر بداخله.
سمع صوت فتح البلب استدار بهدوء وجد يارا تغلقه ببطئ طالعته برعب ودموعها بدأت بالنزول حاولت التكلم لكن لسانها لم يسعفها فلاذت بالصمت.
اخذ ادم نفسا عميقا اقترب منها وهو يرمقها بنظرات نارية رفع يده ليمسك ذراعها لكنها فجأة صرخت بخوف ووضعت يدها امام وجهها لا شعوريا.
شعد ادم بغصة مؤلمة حد الجحيم في قلبه لهذه الدرجة تخشاه صغيرته نعم كان يود ضربها لسماعه هذا الكلام كان يرغب بقتلها كي لا تتكلم مع رجل غيره كان سيعنفها بالتأكيد لكن عندما رآها تبعد يداها عن وجهها وعيناها ممتلئتان بالدموع اختفى كل ذلك الغضب ليظهر مكانه الحزن للشديد تلك الفتاة حقا نقطة ضعفه دموعها تعجزه حزنها يجعله تعيسا ضحكتها تجعله يشعر بالحياة وروحها الجميلة تجعله يحب نفسه لأنها ملكه حسنا انه يعترف ان له نقطة ضعف وحيدة وهي زوحته الحمقاء تلك الفتاة الشقية والمشاغبة قطته المرحة والمشاكسة.
امسك يدها وجلس على السرير نظر لها وقبل ان ينطق قالت بسرعة وخوف : ادم انا هفهمك بس متعمليش حاجة
و للمرة الثانية يغزو الحزن الشديد قلبه حاول تمالك نفسه لكي لا يضمها ويخبرها ان لا تخاف منه ابدا فمسح دموعها واردف بنبرة هادئة : مستني اسمع منك
يارا بتلعثم : بص انا....انا لما جيت هنا من شهرين تعبت شوية واضطريت اقول للعيلة اني حامل هوما فرحو جدا وتيتة طلبت مني اروح معاها للدكتورة علشان تطمن عليا و.....واستاذ عمر اصر ياخدنا ولما خلصت الكشف طلب يودينا للمطعم ومنها بنغير جو....نظرت له وتابعت بدموع : اقسم بالله ديه الحقيقة
احتضنها ادم بقوة فانفجرت في البكاء مسد على ظهرها وقال بهمس : هششش خلاص متعيطيش
يارا ببكاء وصوت متقطع : انا.....فكرت....فكرت انك مش هتصدقني و هتضربني تاني
شدد ادم قبضته على خصرها ودفن وطهه في عنقها يشم رائحة عبيرها بحزن عميق فهي للآن تتذكر كي ضربها بوحشية في لحظة غضب.....ابتعد عنها وقال بهدوء : انا مش هضربت ولا همد ايديا عليكي تاني بس اتمنى متخبيش عليا اي حاجة انا غيرتي وحشة اوي يا يارا متلعبليش بيها لمصلحتك ده مش لمصلحتي صدقيني
هزت يارا رأسها فقال : امسحي دموعه
مسحت دموعها بظهر كفيها كالاطفال فابتسم واردف : طب اضحكي كده
ابتسمت باتساع مظهرة صفوف اللؤلؤ البيضاء فقرص وجنتيها وتابع : ايوة كده اضحك يا عم الشبح
ضحكت يارا ونهضت لكنه امسك يدها وجذبها لتسقط بجانبه
شهقت يارا وقالت : ايه
ابتسم ادم واستدار استلقى عليها ووضع رأسه على قدميها فابتسمت وادخلت اناملها في خصلات شعره ودهشت من نعومته الفائقة
يارا بهدوء : مالك اظاهر انت اللي مخبي عليا.
ادم وهو مغمض عيناه : زي ايه مثلا
ضيقت يارا عيناها وقالت وهي تقلده كعادتها : اوعى تفكر تخبي عليا اي حاجة انا غيرتي وحشة اوي ومتلعبليش بيها فتح ادم عيناه وابتسم ثم اردف باستفزاز : هو انا وحش للدرجة ديه فكلامي ولا انتي اللي وحشة
وكزته يارا في كتفه بغيظ فضحك بخفة نهض وتابع : انتي زعلتي
يارا بحنق : ازعل ليه انت عملت حاجة تزعل لا سمح الله.
ضحك ادم مجددا واحتضنها بقوة هامسا بأذنها : ربنا يخليكي ليا....ابتعد عنها بعد ثواني نهض وقال بهدوء : ملوش داعي تطلعي نامي وارتاحي
يارا : لا انا مش.....
قاطعها ادم بصرامة : كلامي مبعيدوش مرتين قولتلك نامي
يارا بتذمر : هو النوم عافية اووووف
ابتسم ادم على طفولتها وقال : طب عايزاني اجيبلك ايه
يارا : هتجيبلي اللي اطلبه منك؟
ادم : ايوة
وضعت يارا يدها تحت ذقنها ضيقت عيناها ونظرت للاعلى كعلامة على انها تفكر ثم قالت : اممممم تطلبي ايه يا يارا تطلبي ايه
نظر ادم لحركاتها الطفولية وفتن بها اكثر اقترب بسرعة وخطف قبلة رقيقة من شفتيها نزع حجابها ووضعها على السرير
يارا : ادم نام معايا.
ادم بحنان : انا مشغول دلوقتي بعدين
كسى الحزن وجهها وتمتمت بخفوت : بس كده هتتأخر ومش هشوفك غير بالليل
مسح ادم على وجنتها واردف بهدوء : بالضبط خلاص متفكريش فحاجة وارتاحي
يارا بخفوت : حاضر
نظر لها ادم قليلا ولعيونها التي تنذر بالدموع ففي الفترة الاخيرة اخذ العمل مل وقته ولم يعد يتفرغ لها ابدا......تنهد ونزع حذائه واستلقى بجانبها ابتسمت واحتضنته بقيا على هذه الحالة حتى غفت طبع قبل على جبينها ونهض بهدوء كي لا تستيقظ وخرج...
"الحب ليس كلمة تقولها الشفتان
وليس نظرات يتبادلها العاشقان
وليس فقط احساس بلا عنوان
وليس عذاب بلا برهان
الحب يتجسد في عروق الإنسان
ويجري بدمه ويسرع في الخفقان
الحب هو سفينة بلا مرسى في بحور الزمان
ومن يعرف قيمة الحب لا يخون مهما دارت الايام........." ده تعريف بسيط مني للحب..
_____________________________
لم تستطع التحرك من هول الصدمة نظرت له بسرعة وهمست بعدم استيعاب : رجعتني لذمتك ازاي
تنهد اسر وقال : بعد ما نزلتي الولد ورجعتي لمصر انا حسيت بغلطي ورحت فورا ورجعتك لذمتي قبل ما تخلص شهور العدة حاولت اتصل بيكي او اوصلك بس مقدرتش علشان كده فضلت بامريكا و دلوقتي رجعت اهه
طالعته تقي بدهشة ثم صرخت بغضب : انت بتتكلم كأنك بتقول حاجة عادية انت واحد كذاب يعني بعد مانسيتك جاي تقولي اني لسا مراتك علشان تجبرني ارجعلك لا ده بعدك استاذ اسر
اسر ببرود مستفز : والله تصدقي او متصدقيش مشكلتك مش مشكلتي وبعدين انا كنت فاكر اني هتبقي مبسوطة
هدأت تقي قليلا ابتسمت بتصنع و قالت : على فكره حتى لو لسا على ذمتك ده مبيهمنيش لانه وجودك من عدمه واحد ولعلمك بقى انا نسيتك ونسيت حبك اللي هو اكبر غلطة فحياتي كلها
ضيق اسر عيناه اقترب منها وقال بهدوء : طب سيبينا من السيرة ديه دلوقتي اتفضلي اقعدي معايا
تقي بتوتر وغضب : تقصد ايه ب اقعد معاك رهف فين
ابتسم اسر : المدام رهف مع مامتها من المبارح وزياد طلع لشغله بدري....هاا مش هتفطري معايا.
تقي بحدة : السم الهاري........ثم استدارت تحركت وذهبت وكلامه يتبعها : صدقيني هترجعيلي وبرضايتك
زفرت تقي و انطلقت بسيارتها بينما ضحك اسر بسعادة ودلف للداخل وهو يتمتم : يخرب عقلك يا مرات اخويا كويس انه جا فبالك فكرة الروحة لأهلك علشان اقدر اتكلم معاها.....ابتسم باتساع وقال : بس هي ممكن تقبل ترطعلي اه ماهي لسا بتحبني حتى لو قالت لأ بس عينيها بتقول عكس اللي بلسانها يلا على خيره بقى....
_____________________________
في شرم شيخ
خرجت رتاج من غرفتها وهي تحمل حقيبتها وجدت مازن يخرج من الغرفة المجاورة لها فقالت بحماس : يلا بسرعة
مازن : هههههه ماشي تعالي
ابتسمت رتاج وخرجت هي وطاقم العمل ركب كل شخص سيارته ورتاج مع مازن انطلقوا وبعد مدة ليست بالقصيرة وصلوا للاسكندرية اتجه لمنزلها رحب به مروان ووالدتها كثيرا فهما يعرفانه منذ وقت طويل كان الجميع سعيدا ما عدا تقي تجلس بشرود لاحظتها رتاج فهمست : تقي في ايه
تقي بانتباه : هاا....لا مفيش
هزت رتاج رأسها بعدم اقتناع ونظرت لمازن مجددا تطالعه بحب وسعادة وهو ينظر لها بطرف عينه ويجدها تبتسم فتتسع ابتسامته هو ايضا....
______________________________
في الصعيد
كان ادم جالسا في غرفة مكتبه سمع طرق الباب فأذن بالدخول ودلف عمر
عمر بارتباك : احم انت عايزني فحاحة
طالعه ادم ببرود ونهض اقترب منه وفجأة وبدون سابق انذار رفع يده ليلكمه بعنف فسقط عنر على الارض بتوجع.
جذبه ادم مرة ثانية وسدد له لكمة اخرى وتلتها عدة لكمات حتى لم يعد وجه عمر يظهر من كثافة الدماء به.
جذبه ادم من ياقة قميصه طالعه بحقد وهمس بشر وحقد شديدين : انت يا ***** بتلعب عليا وبتخليني اتنرفز على مراتي فاكرني مش هعرف انك ورا كل حاجة حصلت يا**** ابن*****
عمر بتألم وضعف شديد : انا مش فاهم اللي بتقوله
لكمه ادم للمرة الألف وصرخ بغضب : جاتلك الجرأة امت وابوك منين حاى تلعبو مع ادم الشافعي مش عارفين انكم كده بتلعبو بالنار
نهض عمر وقال : الحق عليك مش علينا ما نتا لو كنت بتوثق فمراتك مكنتش صدقت اللي شفته اه احنا اللي بعثنا احمد ليارا يا ابن عمي.....ابتسم وتابع باستفزاز : وبعدين متقولش انك ضربتها الضرب ده كله علشان الغيرة لانه الحقيقة اللي بنعرفها انا و انت هي غير
طالعه ادم ببرود فضيع فتابع عمر : انت ماجوزتش يارا علشان الوعد او لأنك بتحبها انت اتجوزتها طمعا بفلوسها صح يا بشمهندس ادم....
جز ادم على اسنانه واقترب منه لكن قبل ان يفعل شيئا فتح الباب فجأة و ظهرت يارا لتنظر له بصدمة وقهر.....
يارا بهمس : انت اتجوزتني علشان الفلوس!!...
_____________________________
🍃🍃🍃🍃🍃🍃🍃🍃🍃🍃🍃🍃
استوووووووووب هنا.... تعالوا اتجمعوا هنا..
اية رايكم لحد البارت دة؟؟ ..شارك برايك معانا رايكم يهمنا
ونكمل بكرة ان شاءالله
