الفصل الخامس عشر : ثقة وخداع
__________________________________
وقفنا البارت ف ادم لما شاف يارا بتاخد الدوا ياترى هيكتشف السر
__________________________________
ادم بصراخ غاضب : بقولك مين اللي ادالك الدوا ده
انتفضت يارا من صراخه وهتفت بتوتر : عمو علي هو اللي ادالي الدوا
عقد ادم حاجباه ونظر لها بحدة لكنه تمالك نفسه وقال بالهدوء الذي يسبق العاصفة : امتى
يارا بصوت متلعثم : انا.....انا لما كنت بالصعيد مرضت جامد و....
Flash back
( كانت يارا مع زهرة على طاولة الطعام
زهرة : كلي ياحبيبتي متنسيش انك حامل
يارا بتعب : لا مش عايزة دماغي واجعاني اوي وعايزة ارتاح
زهرة : ماشي اطلعي نامي ومتتعبيش نفسك
اومأت يارا ونهضت صعدت للاعلى وكادت تدلف غرفتها لكن صوت علي اوقفها
علي : لحظة يا بنتي
يارا : ايوة يا عمو خير
اقترب علي منها واردف : انتي عاملة ايه
يارا بابتسامة بسيطة : الحمد لله بس دماغي واجعاني شوية
اقترب علي منها وفجأة قدم لها شريط من الادوية وقال بابتسامة : الدوا ده هيريحك
نظرت له يارا قليلا : بس يا عمو انا حامل و....
قاطعها علي : اه متخافيش انا سألت عليه الدكتور وقال انه كويس
يارا بتردد : متأكد
علي بتأكيد : اه طبعا هيريحك اوي...اتفضلي
اخذته يارا قائلة بابتسامة : متشكرة اوي....ثم دلفت لغرفتها....)
Back
يارا بتوتر : بس الدوا ده بجد كان فعال و....
قاطعها ادم بغضب وهو يمسك ذراعها : وانتي اي حاجة بتاخديها كده ملكيش دماغ تفكري بيه
يارا بصوت اقرب للبكاء : يا ادم فيها ايه ديه يعني عمي وكان خايف عليا وادالي الدوا.......ثم اضافت ببكاء قوي : انت ليه بتزعقلي كل مرة مش انت وعدتني النهارده انك مش هتزعلني تاني ولا هتخليني اعيط جرى ايه دلوقتي
امسك ادم كتفيها وقال بحدة مخيفة : انا مش هزعقلك لما تبطلي غباء لو ناسية فأنا عفكرك علي وعمر هوما السبب باللي حصل هوما السبب فاني ضربتك وشكيت بيكي و فضلتي بعيدة عني شهرين وهوما كمان اللي........كاد يتكلم لكنه توقف عندما ادرك انه سيفصح عما يخفيه.
زفر بقوة وابتعد عنها اخذ الشريط من يدها وهتف ببرود : الدوا ده مش هتاخديه تاني
نظرت له يارا وكادت تتكلم لكنه لم يدع لها الفرصة بل تركها وغادر الغرفة.
تطلعت لفراغه بحزن ثم امسكت رأسها الذي يؤلمها كالجحيم ذهبت لسريرها واستلقت عليه.....
__________________________________
دلف ادم لمكتبه وصفع الباب بقوة جلس على الكرسي ودقق في الدواء
ادم بداخله : ازاي يديلها دوا وهو عايز يأذيني بيها وازاي هي مقالتليش.......شد على شعره بقوة يحاول الهدوء
ادم بهمس شرير وملامح مظلمة : عارف انا لو عرفت انك هببت فحاجة.......هبقى اسوء كوابيسك يا علي.
وضع الشريط في الدرج وصعد للاعلى دلف لغرفته وجد يارا نائمة.
ابتسم بهدوء واستلقى هو ايضا جذبها لأحضانه ظل يعيد بذاكرته ماحدث اليوم الى ان اغمض عيناه...
__________________________________
في صباح اليوم التالي
كانت تقي جالسة في الصالة تنتظر استيقاظ اسر وفجأة رن جرس الباب فارتدت اسدالها وءهبت لفتح الباب لتنصدم ب رولا تقف امامها بغرور
تقي بضيق : افندم خير
ابتسمت رولا ودلفت للداخل لفت بنظرها في الفيلا ثم اردفت بدلال تحرق قلبها : عارفة البيت ده وحشني اوي ياااه لما كان اسر بيجيبني هنا ونعيش احلى ايامنا.
شعرت تقي بغصة مؤلمة بقلبها فأسوء ماقد يحدث لها ان تأتي فتاة من حبيباته وتخبرها عما كانا يفعلان.....اخذت نفسا عميقا ثم نظرت لها بتحدي
تقي : من الاخر جاية هنا ليه
اقتربت رولا منها وقالت بحقد : انا جبت علسان اخد حقي.....حقي فحبيبي اسر
عقدت ذراعيها امام صدرها وقالت بسخرية : حبيبك السابق!! اللي هو جوزي دلوقتي
قهقهت بشر واخرجت ورقة من حقيبتها قدمتها لها وهي تقول بتلاعب : تؤ يا شاطرة اقصد جوزي اسر
فتحت عيناها بصدمة وبدون شعور بدأت دموعها بالنزول وهي ترى ورقة زواج عرفي بين زوجها وهذه الفتاة ثم اغمضت عيناها بحزن فهي تدرك جيدا انه حتى لو تغير لكن الماضي سيلاحقها دائما ولن تتخلص منه
اتسعت ابتسامة رولا وهي تطالع ملامح تقي المتألمة كادت تتكلم لكنها سمعت صوته الغاضب وهو يقترب منهما
اسر : بس اعتقد انه الورقة معدتش تنفع لاني طلقتك يا هانم
نظرت له تقي ثم مسحت دموعها واردفت بهدوء : اتفضلي اطلعي
رولا بصدمة فهي اعتقدت انها بفعلتها ستنهي كل شئ بينهما : ايه يعني انتي مش هتعملي حاجة بعد ماعرفتي
تقي بثقة : اعمل ايه ما هو قال انه طلقك واصلا انتي مجرد ست بتبيع نفسها مقابل الفلوس بس انا مراته فاهمة يعني انا اللي ليا الحق فضل معاه وبدون خوف ولا خجل مش زي انسانة رخيصة زيك.......اطلعي حالا احسن مااعمل حاجة تندمي عليها.
طالعتهم رولا بحقد ثم رمت الورقة وخرجت وهي تعزم على العودة ل امريكا بعدما فشلت كل مخططاتها.
نظر اسر لتقي بحزن وندم اقترب منها وقال : انا مش عارف لازم اقولك ايه حتى لو شتمتيني مش همانع لانه اصلا واحد بتاع ستات وماضي وسخ زيي مينفعش يكون مع ملاك زيك و....
قاطعته تقي وهي تحتضنه بقوة : انا مش متضايقة منك يا اسر انا زعلانة لانه البنت ديه حاولت تفرقنا.....زعلانة لانه خايفة فيوم نسيب بعض بسبب حاجة حصلت في الماضي
اسر بتنهد : اسف يا تقي......اسف لاني السبب فكل اللي حصل
تقي بابتسامة : اسر انا نسيت اللي حصل صدقني ودلوقتي مش محتاجة غير تفضل معايا هنبدى من الاول و هتفضل علاقتنا مبنية على الحب والاحترام و الثقة عايزة بيتنا يفضل عامر بذكر الله و نربب اولادنا على طاعته بلاش نرجع للماضي
شدد اسر على احتضانها وهمس : عملت ايه حلو فحياتي علشان ربنا يرزقني بست زيك
اتسعت ابتسامتها واغمضت عيناها مستمتعة بحضنه تعد نفسها انها لن تسمح ل اخطاء الماضي بأن تؤثر على حاضرها ومستقبلها....
__________________________________
استيقظت يارا ولم تجد ادم بجانبها نهضت ودلفت للحمام استحمت وخرجت نزلت للاسفل تبحث عنه لكنها لم تجده فتأكدت انه ذهب للشركة........تنهدت بحزن وعادت للغرفة جلست على السرير تفكر فيما حدث وكيف ان علاقتهما في توتر مستمر.
قطع تفكيرها رنين الهاتف فتحت الخط وقالت بابتسامة : السلام عليكم يا رهف
رهف بضحكة : وعليكم السلام يا حبيبتي ازيك عامله ايه وحشتيني اوي
يارا : الحمد لله كويسه وانتي برضو وحشتيني جدا مش بتتصلي بيا ليه يا وحشة
رهف : ههههه انا مش بفوق اصلا طول الوقت نايمة اصل من لما عرفت بحملي وانا بدلع على زياد
ابتسمت يارا بحزن فهي لم تعش مثل هذه اللحظات مع زوجها في بداية حملها لكنها قالت بصدق : ربنا يخليكم لبعض يا ريري بجد فرحانة علشانك
رهف : مالك يا يارا باين من صوتك انك متضايقة
يارا : هاا لا مفيش بس عايزة اروح للجامعة و ادم مرضيش
رهف بتفكير : بس يمكن محاولتيش كويس
يارا بيأس : لا عملت كل اللي اقدر عليه حتى فكرة فرح ل....
قاطعتها رهف : ايه فكرة ايه ديه
اخبرتها يارا عما حدث لكنها لم تذكر ضرب ادم لها وعندما انهت كلامها
رهف بغضب : وانتي ازاي تسمعي كلامها وازاي تعملي كده اصلا معقول رحتي لأوضة تانية وقولتيله مش هنام معاك تاني
يارا : اهدي يارهف مش مستاهلة
رهف : مش مستاهلة ازاي انتي نسيتي مين ادم....طب هو قالك ايه
يارا : اتعصب جامد وراح لأوضته بس دلوقتي اتصالحنا
رهف : انتي غلطتي جامد يا يارا اصلا فرح مالها بمشاكلك وانتي قولتيلها ليه هتفضلي توثقي في الناس كده
يارا بدفاع : فرح كانت نيتها كويسه كانت عايزة ارجع لدراستي مش ادم هو اللي حرمني منها علشان غلطة صغيرة
تنهدت رهف بقوة واردفت : هيجي يوم وتعرفي انه مينفعش توثقي بكل الناس وياريت تفوقي بدري.......انا هقفل دلوقتي سلام
اغلقت الخط فألقت يارا بهاتفها ثواني ورن مرة اخرى وكانت فرح ففتحت الخط
يارا : السلام عليكم يا فرح
فرح : وعليكم السلام عاملة ايه يا قلبي
يارا : ميه ميه متقلقيش
فرح : يعني مشكلتك مع جوزك اتحلت
يارا بحزن : لا ابدا وبعد اللي عملته عناده زاد وبقى مستحيل يسمعني
ابتسمت فرح بخبث لكنها قالت بقلق مصطنع : بس جوزك عصبي كده ليه انتي معملتيش حاجة غلط علشان يعاقبك كده وانتي مينفعش تسكتي
يارا : ما انا عملت اللي قولتيلي عليه وهو اتعصب جامد ولولا اني حامل كان زماني مش بالعالم ده
فرح : ماشي.....بثي انا هقفل دلوقتي اصلي اتصلت اطمن عليكي يلا شاو
اغلقت يارا الخط وقد ازدادت الام رأسها......نهصت واتجهت للدولاب فتحت الدرج بارتجاف واخرجت شريطا اخر من الدواء وابتلعت قرصين ثم اعادته لمكانه استلقت على فراشها وهي تشعر بزوال الالم
__________________________________
عندما اغلقت فرك الخط ابتسمت بشر وقالت : انتي حنينة اوي يا يارا وغبية برضو انا مليش دعوة لانه بغباءك هتخربي بيتك ب ايدك وهتشوفي ان مدفعتش جوزك تمن اللي عمله مش هكون فرح.
اجرت اتصالا اخر وبعد ثواني فتح الخط
فرح : ازيك يا حبيبي.....هاا لا انا كنت بالمحاضرة ودلوقتي طلعت هبقى اجيلك.....ماشي باااي
اغلقت الخط وركبت سيارتها وانطلقت بها..
__________________________________
بعد مرور اسبوع
حدد موعد زفاف مازن ورتاج بعد اسبوعين كانا في قمة السعادة فأخيرا سيكونان تحت سقف واحد
تقي واسر يعيشان احلى لحظاتهم سويا بعد سفر رولا لم تعد تقي تخاف من شئ فهي اعطته فرصة ثانية ولم تندم
فرح للان تخطط كيف تفرق يارا و ادم ورهف تقف بينهما بالمرصاد لا تسمح لفرح بالتحدث مع يارا ابدا فهي تأكدت من شكوكها عندما لمحت ابتسامتها الخبيثة في ذلك اليوم الذي اخذ فيه ادم يارا من الجامعة لكن كالعادة يارا تصدق اي شخص يبتسم لها
ادم لم يسمح ليارا بالذهاب للجامعة بعد و بدأت شكوكه حول تلك الادوية اما يارا فهي تحلم بكوابيس مخيفة للغاية ولم تتوقف عن شرب الادوية بالسر مما ادى الى ضعف جسدها و انهيارها في اغلب الاحيان من الم رأسها لكن سرعان مايزول عندما تستهلك الادوية و تزيد كوابيسها بنفس الوقت
رهف و زياد يعيشان حياتهما بسعادة كبيرة دلالها وطيبته زادهما حبا وهاهما ينتظران ثمرة عشقهما
__________________________________
اشرقت الشمس معلنة عن يوم جديد
استيقظ ادم صباحا دلف للحمام استحم وخرج ترتدى بنطال اسود وقميص ابيض وبليزر باللون الاسود صفف شعره وحمل مفاتيحه وهاتفه طبع قبلة على جبين يارا وهي نائمة ثم خرج.
ركب سيارته وانطلق بها بسرعة جنونية كعادته وبعد مدة توقف نزل من السيارة وضع يده بجيب بنطاله وتحرك بخطوات واثقة وبعد دقائق كان يجلس امام الدكتور
ادم ببرود : ظهرت نتيجة التحاليل يا وائل
تنهد وائل وقال : اه وللاسف زي ما انت اتوقعت الادوية اللي كانت مراتك بتاخدها مش كويسة خالص وكمان لو مكنتش صاحبي كنت هبلغ فورا لانه ديه حالة ميتسكتش عنها
اعتدل ادم ونظر له بنظرة حسابية ثم اردف بهدوء تام : ايه نزع الادوية ديه
طالعه وائل لحظات بتوتر ثم اخذ نفسا عميقا وقال : التحاليل اثبتت انه الادوية اللي بتتعاطاها زوحة حضرتك عبارة عن حبوب مهلوسة......!!!
__________________________________
ستووووووب انتهى البارت
رايكم وتقييمكم
اكتر لحظة حلوة
اكتر لحظة مؤلمة
ليه يارا مش قادرة تسيب الادوية ديه وليه وجع دماغها بيروح لما بتتعاطاها
مين اللي فرح كانت بتكلمه
اسر فعلا بيستاهل ثقة تقي
يارا بغباءها فضلت تشرب الادوية ياترى ادم هيكسفها وهيعمل ايه
مازن و رتاج هيعيشو فرحانين
رهف هتقنع يارا انه فرح مش كويسة
ودلوقتي عرفنا سبب كوابيس يارا ياترى ادم هيعمل ايه
رايكم وتوقعاتكم وجاوبو على الاسئلة
