الفصل الرابع : هوس
__________________________________
وقفنا البارت فشجار ادم ويارا و اغمائها و توعد ريناد انها تاخد ادم منها ياترى ايه اللي هيحصل
__________________________________
بعد مرور بعض الوقت كان ادم لايزال في مكتبه يعمل حتى سمع صوت بكاء عشق نهض وخرج بسرعة وصعد للاعلى كان الصوت قادما من غرفته فدلف مسرعا وصدم عندما وجد يارا على الارض و عشق تبكي وتحاول افاقتها.
ادم بلهفة وهو يقترب منها : يااارااا
عشق ببكاء شديد : بابا ماما ليه نايمة ع الارض كده ومش راضية تفوق ليه
حملها ادم ووضعها على السرير استدار لعشق وقال بهدوء : متخافيش ماما كانت تعبانة شويا و نامت
مسحت دموعها وقالت بصوت مخنوق : بجد
مسح على شعرها بهدوء: اه انتي اقعدي معاها وانا شويا وهاجي
اومأت عشق و جلست بجانبها على السرير بينما نظر لها ادم بحسرة و انب نفسه على حالتها ملامحها الشاحبة واثار الدموع على وجهها تبدو متعبة جدا.....تنهد و استغفر ثم دلف للحمام.
__________________________________
استيقظت يارا وفتحت عيناها بتعب وجدت عشق تجلس بجانبها و تمسح على شعرها
عشق بسعادة : ماما فوقتي
وضعت يارا يدها على رأسها وقالت بخفوت : ايه اللي حصل
عشق ببراءة : انا فوقت من النوم وجيت هنا علشان انام معاكي ومع بابا بس لقبتك واقعة ع الارض ومرضيتيش تصحي و بابا جا و شالك.
في هذه اللحظة خرج ادم من الحمام وعندما وجدها استيقظت اقترب منها واردف بهدوء : انتي كويسه
يارا بجفاء : الحمد لله
تنهد ادم : حبيبتي عشق ماما عايزة ترتاح روحي ع اوضتك ونامي
هزت عشق رأسها و قبلت يارا على وجنتها نهضت وقالت : تصبحو على خير....ثم خرجت.
جلس ادم على السرير مسح على وجنتها ثم امسك يدها وصغط عليعا
ادم بهدوء : قلقت عليكي لما لقيتك واقعة كده
ابتسمت بسخرية وابعدت يدها : لا والله مش انت من شويا كنت هتضربني قدام بنتك يبقى ليه خايف عليا دلوقتي
ادم : يارا كلامك عصبني جدا ده غير انك اتكلمتي معايا بوقاحة كنت هعمل ايه يعني
يارا بهدوء وهي تنهض : انا مش غلطانة فحاجة من اللي قولته و ريناد ديه مش عايزاها معاك.....
امسك ادم ذراعها بقوة وهتف بغضب : مالك حصلك ايه ليه الغيرة ديه كلها بتتعصبي منها كده ليه
سحبت يارا ذراعها وقالت بانهيار : وعايزني اعمل ايه يعني بنت حلوة زيها اول ما تشوفك بتاخدك بالاحضان و بتدلع عليك وتقولك يا دومي وانت حطيت اعصابك بتلاجة بتتصرف ببرود ولا كان حاجة حصلت و بتشغلها معاك علشان الارباح و مقدرتش شعوري اه انا بغير عليك منها وهومت من الغيرة و ملكش حق تتعصب عليا لانك جربت الشعور ده وحتى باباك مسبتنيش احضنه ولا اضحك معاه طول السنين ديه بسبب غيرتك و ختى عمي مكنتش سايبني اكلمه براحتي يبقى ملكش حق تتجاهل شعوري.
ادم وهو يحاول تهدئتها : طب خلاص اهدي كده محصلش حاجة
يارا ببكاء هستيري : متقوليش اهدي انت مبقيتش تحبني و البت الجربوعة خطافة الرجالة ديه ملهاش دم
ضحك ادم عليها : خطافة الرجالة كده مرة واحدة
يارا بحدة : صعبت عليك
قهقه اكثر و ضمها لحضنه : انتي عبيطة وربنا يا هبلة انا بحبك انتي فاهمة يعني ايه ده انا بعشقك عشق ومستحيل افكر فبنت غيرك انتي حياتي كلها و ام بنتي و طفلتي المجنونة ده لو كان في كلمة اكبر من بعشقك هقولهالك.
ابتسمت يارا واحس ادم باستكانها بين ذراعيه ابعدها عنه وهمس : بحبك يا صغيرتي
يارا بدلال : امم وايه اللي بيثبتلي
ادم بخبث وهمس : انا عارف طريقة واحد اعبر بيها عن حبي
تصاعدت الدماء لوجهها و هي ترى عيناه الامعة التي تعرفها جيدا اخفضت رأسها فاقترب منها وكاد يقبلها لكن فجأة فتح الباب على مصراعيه ( عارفين مين طبعا )
انتفضت يارا بينما اغمض ادم عيناه بحنق
عشق ببراءة : ماما هو انا ممكن انام معاكي
ابتسمت يارا ونظرت ل ادم وسمعته يشتم بخفوت فقالت : اه طبعا تعالي يا حبيبتي
ابتسمت عشق و ركضت لها احتضنتها يارا واستلقت على السرير واغمضت عشق عيناها
ادم بضيق : هتنامي انتي كمان
يارا : امم تعبانة
ادم : تعب ايه يابت ماتقومي كده
يارا بخفوت وخجل : ادم البنت نايمة
زفر ادم : مش هتروح ع اوضتها يعني
يارا بحب : تؤ هتنام معايا حبيبة قلبي
رمقها ادم بنظرة حارقة و استلقى بجانبها تفصل بينهما عشق حاوطهما بذراعه و اغمض عيناه.
ابتسمت يارا وتحركت بخفة وصعت عشق على الجانب و اقتربت من ادم ودخلت في حضنه
ابتسم ادم وهمس : تصبحي على خير ياصغيرتي.
__________________________________
في صباح اليوم التالي
كان الشباب جالسا في مكتب ادم
مازن : يا اخي ارحمني مش طول الوقت سغل قرفت والله
نظر له ادم بكرف عينه ولم يجب
مازن بحنق : اقسم بالله مشفتش انسان بارد اكتر منك فحياتي
ادم بحزم : استرجل شويا يا مازن و كمل شغلك
اسر : شغل ايه ده
مازن : يا خويا ده طلع روحي بالمشروع الجديد اللي مشاركينه مع الانسة ريناد
اسر : ريناد!....ثم اكمل بغمزة : يعني حلوة
زياد : اقسم بالله واحد واطي استنى هقول لمراتك ولا اقولك هعرف اخوها الضابط مروان احسن
اسر بضحكة : سيبك انا اصلا كل الستات ماتت فعيني مفيش احلى من تقاتي حبيبة قلبي
ضحك الشباب بينما زفر ادم و اجرى اتصالا
ادم بجدية : عامر اطلب الانسة ريناد دقايق وتكون فمكتبي.
بعد دقائق طرق الباب و دلفت ريناد ابتسمت وقالت : صباح الخير
رد الجميع وعندما نظر لها آسر عقد حاجباه بتعجب
مازن بهمس : مالك يا اسر انت لسا فجو الستات ولا ايه
اسر بهدوء : انا حاسس اني شوفتها من قبل
مازن بتهكم : شفتها منين يابني صلي ع النبي ديه بنت خالة ادم وجاية تشتغل
ابعد اسر نظره عنها لكن لايزال يفكر ترى اين رآها
ادم بجدية : اتفضلي يا انسة ريناد اقعدي
اومأت ريناد وجلست بينما نهض زياد وقال : اسيبكم بقى عندي شغل ف المستشفى
ادم بهدوء : ربنا معاك
اسر : استنى انا جاي معاك
ادم : رايح فين اقعد هنا في اجتماع بعد نص ساعة
جلس اسر وهمس : كان يوم اسود لما فكرت اشتغل فالشركة ديه.
زياد بضحكة مكتومة : يلا سلام يا جماعة....ثم خرج
بدأ العمل و اسر ينظر لريناد بدقة لم تلاحظ هي نظراته فقد كانت توجه نظرات الاعجاب ل ادم والتي بدت واضحة للجميع
بعد نصف ساعة ذهبوا لقاعة الاجتماع وجلس الموظفون بتوتر ف وجود ادم يثير الرعب في انفسهم.
ادم بجدية : اشرحي مشروعك للمهندسبن يا انسة ريناد
اومأت ريناد ونهضت تشرح مشروعها و الكل ينصت لها باهتمام الا ان فتح الباب فجأة وظهر اخر شخص توقع ادم وجوده !!!!!!!
_________________________________
ستوووووب انتهى البارت
رايكم وتقييمكم
اكتر لحظة حلوة
اكتر احظة مؤلمة
ادم بجد هيفضل يحب يارا
ايه رايكم بدخول عشق الغير مناسب دايما
اسر شاف ريناد فين
ريناد هتعمل ايه
يارا هتبطل غيرتها
مين اللي دخل لقاعة الاجتماعات و ادم هيتصرف ازاي
رايكم وتوقعاتكم وحاوبو على الاسئلة مش عايزة تم ولا كنلي اقسم بالله بتزعلني جدا انا عايزة آرائكم علشان اقدر اتواصل معاكو
