#حياة_السته_مليون
#حنين_الشوق
.
.
.
.
.
عماد : انت اللي جبته لروحك 'كيف جبد السلاح رن تليفونه، شاف لعاصم و رد على التليفون' ... الو؟
علي : ها يا عمدة.
عماد : من معاي؟
علي : علي انا.
عماد 'سكر الخط، حذف سلاحه على السرير و مشى للمربوعة' : و النبي اسماعيل تليفونك شوية، بنكلم صاحبي دقيقتين.
إسماعيل : تمام مش مشكلة 'فتح التليفون و عطاهوله'
عماد 'خذى التليفون و طلع يجري للجنان، كتب الرقم و اتصل بيه' : ها علي شن جوك.
علي : الحمدلله، عماد ولا؟
عماد : اي اي عماد، معاش تتصل على رقمي بالله.
علي : تي معاش عرفت كيف نوصل فيك يا راجل.
عماد : حي على امي تفكرت.
علي : خيرك؟
عماد : لا شيء موضوع بسيط، انت شن في علاش تبيني؟
علي : تي الفرخ معاي، خطفناه امس.
عماد : فرخ مني؟
علي : ولد نهى ولا سهى مش عارف من هي هذيكا.
عماد : الّ***** توا حي على امي بالرسمي.
علي : خيرك؟
عماد : نسيته بكل النم، اسمع راهو انا توا في بنغازي.
علي : شن إدير غادي!
عماد : تي في حوش خالتي يا مان.
علي : اها.
عماد : شني مني تجيبهولي؟
علي : باهي غر أعطيني النعته بس.
عماد : ميه ميه.. عندك حد هنا؟
علي : في جماعة نعرفهم عندهم أقارب في بنغازي.
عماد : اسمع جيب معاك حبوب.
علي : حبوب شني.
عماد : حبوب ضغط.
علي : شني؟
عماد : مخدرات شن بيكونوا مثلا.
علي : تم يا طير.
عماد : ميه ميه، نستناك امالا.
علي : باهي تمام، هي تشرتع.
عماد 'سكر الخط و رجع للمربوعة، رد لإسماعيل تليفونه و طلع للجنان، قعمز على الكرسي و قعد يفكر في موضوع الولد، إبتسم بنصر وهو يفكر في حال سهى في هذه اللحظات' : و أخيرا حسيتي بحرقة قلبي، زعما شن جوك توا 'ضحك'
عاصم 'جبد كرسي و قعمز' : و اخيرا ضحكت.
عماد 'شاف لعاصم و إبتسم' : مش ناسيلك لعب المفرخ متاع امبكري را.
عاصم : حتشكرني في المستقبل.
عماد 'طلع الدخان و بدأ يدخن' : لو كان في مستقبل من الأساس.
عاصم : في بإذن الله.
عماد : اسمع برا جيبلي شفرة جديدة.
عاصم : و وين نعرف انا.
عماد : برا لإسماعيل تو يقولك، انا مش خاطري نطلع.
عاصم : به 'خش للمربوعة'
عماد 'يدخن و يشوف للسماء' : كل مرة أشوفك فيها يبقى نفسي أ أ أ طب أ.
إسماعيل : ربي يشفي.
عماد 'ضحك' : نغني.
👑حنين_الشوق👑
إسماعيل : مريض اللي كتب كلماتها.
عاصم : تافهه هلبا.
عماد : بتعدو مع بعضكم؟
إسماعيل : اها، تعدي معانا؟
عماد : لا رأسي منفّخهم.
إسماعيل : براحتك، هي عاصم 'طلعوا'
عماد 'طفى الدخان و مشى للصالة، قبل ما يخش وقف قدام الباب' : هئـحم عادي نخش؟
عنان 'من الصالة' : اي تفضل.
عماد 'خش و قعمز' : شن جوك.
عنان : الحمدلله و انت؟
عماد : الحمدلله، وين خالتي؟
عنان : تكلم في أمك.
عماد : اها، وين المشفشفة الصغيرة.
عنان : اها آرين، عدت للمطبخ بتطيّب قهوة.
عماد : اها.
عنان : خاطري نشوف طرابلس.
عماد : مش شايفتها قصدك؟
عنان : لأ، يحكوا عليها و يقولوا سمحة .
عماد : من هما؟
عنان : صاحباتي اللي يمشن غادي.
عماد : قوليلي، هما صاحباتك عندهن ضعف نظر؟
عنان : لا، عليش؟
عماد : لا شيء.
عنان : ليش هي مش سمحة؟
عماد : يعني، كان يلموا الوسخ اللي في الشوارع تولي حلوة شوية.
عنان : اها.
عماد : لكن فيها أماكن تفتح النفس، و أماكن تكرهك في حياتك.
عنان : كل شيء فيه جانب سلبي و جانب إيجابي.
عماد : اي صح، تو يجي يوم و تشوفيها لما نعزمك على عرسي.
عنان 'ضحكت' : معناها عجّل في العرس.
عماد : لا ماهو انا مش ناوي نتزوج بكل.
عنان 'سكتت'
عماد : تو اكيدة تفكري في المعنى.
عنان : قصدك مش رح نشوفها بكل.
عماد : اي اهو طلعتي ذكية مشاء الله، انا قبل نحسابك غبية
عنان : خزي عليك انـ 'سكتت على صوت أمها تزغرت و هي جايتهم'
عماد 'شاف لخالته' : منال حملت ولا شني.
عنان 'ضحكت'
نعيمه : و الله فرحتي كبيرة اليوم.
عماد : لا هكي شكلها جابت أمس 'شد طاسة الميا اللي كانت على الطاولة و بدأ يشرب بالشوية'
عنان 'ضحكت' : اي، ماما شن في؟
نعيمه : كلمتني خالتك إنتصار و قالت بتجب بكره تخطبك لأزم.
عماد 'شرق و قعد يكح'
عنان 'قعدت ساكته و تشوف لعماد'
عماد 'حط الطاسة و شاف لخالته': مني بيخطب؟؟ أزم خوي انا؟ لا و بياخذ عنان!
نعيمه : اي يا وليدي توا كنت نكلم في امك.
عماد 'مصدوم و يفكر في أزم' : تي كيف صار؟
نعيمة : و الله هذا اللي صار، تو يجي باتك و خوتك و ندوي معاهم في الموضوع.
عنان 'إبتسمت و مشت لدارها'
عماد 'مقعمز و يشوف لخالته بصدمة'
نعيمة : كنك يا عمّودة مصدوم؟
عماد : لا شيء، بس مستغرب في سرعة الموضوع.
نعيمة : النصيب يا وليدي.
عماد : اها، اي.
نعيمة : ان شاء الله نفرح بعرسك.
عماد : لا انا شلته الموضوع هذا من جذوره.
نعيمة : عليش يا وليدي.
عماد : يما انا منبيش نظلم بنت الناس معاي، بدل ما ناخذها و نحرمها من أساسيات الزواج و الحياة المستقرة ياخذها واحد غيري و تعيش معاه، انا عارف إني بنسودلها حياتها بس كل ليلة نخش سكران نضرب و نكسّر اللي قدامي و نقول كلام جارح و نكسرلها قلبها بلا وعي، طبعا هذا كان عشت.
نعيمة : بسم الله عليك عليش تقول هكي على روحك.
عماد : ها؟ .. ا لا الأعمار بيد اللع هي لكن مرات نموت فهمتيني.
نعيمة : و انت تقدر تسيّب السم الهاري اللي تاخذ فيه و تعيش حياة هادئة.
عماد : مش عارف، حتى كان سيبته منبيش نجازف و نتزوج لإن... و النبي أخطيني يما 'وقف و طلع للجنان يدخن، فتح تليفونه و ركب السماعات و بدأ يسمع في أغنيته المفضلة في الفترة الأخيرة، الأغنية اللي تعنيه بكل كلمة و كل ما يسمعها يكون فعلا نادم ، يغني معاه بقلبه، مرّت دقائق حتى تمت الأغنية و هو يشوف للسماء و يدخن، خطرت في باله فكرة يصلح بيها جزء من أخطاءه، وقف بسرعة و مشى لداره، أول ما خش سكر الباب بالمفتاح و طلّع اللابتوب، طلع ورقة و قلم من الدرج اللي جنبه و بدأ يكتب في المعلومات، أول ما كمّل حط الورقة في جيبه و طلع للصالة و هو يستنى في عاصم يجي'
نعيمة : يا أرين وين القهوة.
آرين : حاضر ماما.
نعيمة 'فتحت التلفزيون وقعدت تتفرج على المسلسل'
عنان 'نزلت من الدروج و قعمزت جنبهم'
عماد : مش تبي تشوفي طرابلس، أهو بتكملي حياتك فيها.
عنان 'إبتسمت' : إن شاء الله.
عماد : ع أساس خجولة و جو، تو تبدي إديري في الجو هذا قدامي بيش نشكرك لأزم عاد.
عنان 'ضحكت' : لا لا، باهي لو سألك عليّا شن تقوله؟
عماد : هبله.
عنان : والله؟
عماد : اي، منكذبش على خويا نا.
أرين 'جابت القهوة و حطتها على الطاولة'
نعيمة : مدّي لولد خالتك.
أرين 'شافت لعماد و خدودها حمراء'
عماد 'ضحك و خذا طاسته بروحه' : كان هي تمدلي القهوة انا شن ندير؟
نعيمة : تشربها.
عماد : لا عيب ميصيرش.
عنان : عماد عبلّمني طرابلسي.
عماد : إيح عاد بدينا.
أرين : اي حتى نا نريد.
عماد : الكلمة بّ5 دينار.
نعيمة : العفو.
عماد 'ضحك' : أفاري مليح.
: السلام عليكم.
°وعليكم السلام°
عماد 'حط الطاسة على الطاولة' : جيت في وقتك عشراني 'وقف و جبد عاصم من ذراعه للجنان'
عاصم : تي خيرك؟
عماد : وين الشفرة بسرعة.
عاصم 'مدله الشفرة' : هاك.
عماد 'ركب الشفرة الجديدة و دس القديمة' : إسمع في حاجة في بالي نبي نديرها.
عاصم : شن هيا؟
عماد : نبي نمشي لكل بنت ضيّعتها نبي نتأسف منها و نريح ضميري اللي معذبني.
عاصم : هي حلوة الفكرة لكن انت اكيد مش بعقلك.
عماد : علاش؟
عاصم : تبي تمشي لطرابلس باش تتأسف من بنت متعرفش لو حيه او ميته متزوجه ولا مطلقة لا و مقتنع انك بتسإل عليها، اي مثلا نطق الباب و يفتحلك خوها شن بتقوله؟
عماد : اي صح عندك حق، باهي نقول لمعتصم يتمهولي الموضوع.
عاصم : يا لا بيستغرب خوها لما انت تسإل و مش حيستغرب لما معتصم يسإل اي صح و الله.
عماد 'ضحك' : صح... شن الحل توا الزح راهو مش قادر نرقد مرتاح.
عاصم : لازم بنت في الموضوع، هي اللي تمشي للعنوان و تتأسف من البنت بدل منّك.
👑حنين_الشوق👑
عماد : و لما يفتح خوها شن تقوله؟
عاصم : صاحبتها وااضحة را.
عماد : و مان طلعت ميته البنت؟
عاصم : امم، تقول انها قرت معاها الثانوي و في الجامعة تفرقوا و توا تفكرتها و جت تسإل.
عماد : و كان البنت متقراش ثانوي.
عاصم : تي انت معارفك كلهم من الثانوي يا را.
عماد : اي صح، اصلا عندي المعلومات كلها... باهي من البنت ؟
عاصم : هبه.
عماد 'سكت'
عاصم : خيرك؟
عماد : مش حتوافق لإني أمس متعارك معاها على موضوع شبيه بهذا.
عاصم : شوفها و مش حتخسر شيء، هي اللي في طرابلس و هي اللي تعزك و تقدر ادير هكي و تساعدنا،
عماد : ميه ميه، تو نكلم معتصم بعدين... انا بنمشي ناخذ دوش و بنطلع بالسيارة نلف في المنطقة و نروح، تعرف خلوقي في شيشه.
عاصم : تمام، ماشي نكلم العيله إستاحشتهم.
YOU ARE READING
حياة السته مليون ((الواقع الليبي ))
General Fictionرواية من كتابتي 'حنين الشوق' تحكي عن الواقع الليبي من جميع الواجهات ... قصص الحب، الدمار، الوجع، الخطف و كل ما يتعلق بحياة الليبين في السنوات الأخيرة❤ 2#- طرابلس #2 - Libyan 4#- ليبيه 5#- ليبين #حنين_الشوق ممنوع النشر بدون إذني✋
