حياة السته مليون ((الواقع الليبي ))

البارت الثامن

#حياة_السته_مليون
.
.
.
.

عاصم :أعطينا رقمها.. انا غيرت تليفوني معاش عندي ارقام.
عماد 'مدله التليفون' :  مبارك .. خوذ اللي تبيها.
فراس : و الله ملاعبي صح انت.
عماد 'إبتسم' : صقع عليك.
سفيان : يا ولاد.
'تلفتوله كلهم'
سفيان : في واحد عنده فلوس شفته أمس في الحي.
عماد "بإستغراب" : من هوا؟
سفيان : مش عارف، لكن كان في حوش مهند الـ****.
فراس : قصقص عليه .
سفيان : عنده ولدين، واحد صغير و واحد تحسه من مواليد 2004.
عماد 'إبتسم على الجنب' : مليح بكل... راقب حوشهم لين يجي مرة ثانية.
عاصم 'سكر التليفون و مده لعماد' : منور.
عماد : بوجودك 'مدله طاسه' صبْ لي.
فراس : صب لينا كلنا بالمرة.
عاصم : تم .

___________________________________________________

مر الوقت و كانت الساعة 9:15 ...
عند معتصم ↓↓
'كيف روح من القهوة و دخل للحوش، أول ما فتح الباب شاف هبه قدام المرايا تساوي في شعرها .. قعد يشوفلها'
هبه "بإستغراب" : خيرك يا معصعص؟
معتصم : لا شيء غر من قالك ألبسي حوايجي؟
هبه 'ضحكت' : عجبوني.
معتصم : قتلك إنتي برو.
هبه : عادي إي.
معتصم : نورتنا يا طيري.
هبه : النور نورك يا قدر.
معتصم 'حط يده على كتفها' : شن أخر حاجة سمعتها في الراب؟
هبه : نسيت، المهم نسمع لي الوايت بوي.
معتصم : تعالى طيري نسمعك أغاني قوا.
هبه : به.
معتصم 'قعمز في المربوعة و ناداها'
هبه 'قعمزت جنبه'
معتصم 'عطاها سماعة' : ألبسي.
هبه 'حطت السماعة في وذنها و قعدوا يسمعوا في الأغاني'
مهاب -في سرّه- : ايواه ايواه، يسمعوا في راب و منسجمين هكي! إمالا كان حاجة رومنسيه شن يصير ... يلا خلي نقطع عليهم عيب 'وقف قدامهم'
معتصم 'رفع راسه و شافله' : خير؟
مهاب "بخبث" : شن إديروا؟
معتصم : تحشم و إقلب وجهك.
مهاب : خليتهالك الحشمه 'غمز له'
معتصم : تي طير برا، نسمعوا في أغاني.
مهاب : اغاني شني؟ و علاش ماتسمعوش في الصالة؟ 'خذى السماعة من هبه و حطها في وذنه' ... اللطف شن الدوشه هذه.
معتصم : اغاني راب هاذوا.
مهاب : مش عارف كيف تسمعوا فيهم.
هبه : حلوين.
مهاب : انتي مش هبه إنتي هشام.
هبه 'ضحكت' : برا بلا سماطه.
مهاب : من يعرف يدوي شرقاوي؟
هبه : منعرفش هلبا.
معتصم : حتى انا مش هلبا، أزم و عماد يتكلموا بيه صح.
مهاب : و انت خيرك؟
معتصم : مندويش بيه شن خيرني.
مهاب : إستاحشت جدي و جدتي و خوالي.
هبه : حتى انا.
معتصم : قدآش لينا معاش مشينالهم.
مهاب : انا خآطري نشوف عمامي و ولادهم.
معتصم : ما عندكش علاش تشوفهم.
مهاب : باهي عندي صغار عمام و عمات؟
معتصم : عندك و هلبا .
مهاب : باهي أرفعني ليهم.
معتصم : أطلع من رأسي توا.
هبه : خلي نكملوا الأغاني.
معتصم : اي به 'قعدوا يسمعوا في الأغاني'
مهاب : انا نطلع خير 'طلع و قعمز في الدار'
أزم : مهاب وين هبه؟
مهاب : مع معتصم في المربوعة.
أزم : أها .. شن يديروا!
مهاب : يسمعوا في أغاني شن بيديروا مثلاً.
أزم : خاطري في سكالوب.
مهاب : به و المطلوب؟
أزم : مش عارف.
الأم 'قعمزت جنبهم' : عادي تو نديرولك.
أزم : صحيتي.
مهاب : حتى انا خاطري في أيفون x max
أزم : اي حاضر، تو نبيعوا الحوش و السيارة و خوك أديب و نشروهولك باهي.
أديب : شن دخلي انا تبيع فيا؟
أزم 'ضحك'.
مهاب : مبردكم... و الله نبيه التليفون.
الام : مش عندك واحد؟
مهاب 'بنبرة حزن' : يما شوفيه كيف مبهدل، صحابي كلهم عندهم تليفونات جديدة الا أنا.
الأم 'تلفتت لأزم' : إشريله وخيّك التليفون اللي يبيه.
أزم 'رفع حاجبه' : امي، هذا التليفون اللي يبيه كان قعدت سنتين نخدم منجيبش حقه، راهو في الألآف.
الأم 'شهقت' : نهار أحرف، علاش هذا كله.
مهاب : الرام متاعه قوي و الكاميرا دقيــقه و أصلا كله على بعضه هيبه.
الأم : قعمز سلم وليدي ماعندك ما إدير بيه.
مهاب : بآه.
أديب : وين عماد!
أزم 'شاف لأديب'
الأم : في الخدمة يا ناري عليه.
مهاب 'ضحك' : الله.
أزم : ايه خلاص أسكتوا.
الأم : هبه و معتصم وين؟
مهاب : في المربوعة.
الأم : خلي إنّوض نديرلكم العشاء.'طلعت'
أزم : هبه وين نبيها 'علَّا صوته' هبــه '
هبه 'وقفت قدامه' : خيرك؟
مهاب : العفو مسرع.
أزم : نبيبك تكويلي حوايجي.
هبه : به.. وينهم؟
أزم : اهما على الكرسي.
هبه 'خذتهم' : إشّى ماشي تخطب غدوا؟
أزم 'ضحك' : خطبت شني، مش لينا المواضيع هذه.
هبه : علاش شن ناقصك .
أزم 'تنهد' : و النبي سكري الموضوع.
هبه : به 'طلعت'
معتصم : س ع يا بردرس.
مهاب : ع س.
أزم : و عليكم السلام.
أديب 'شاف لمعتصم بعدين قعد يقرا'
معتصم : رد السلام.
أديب 'عاود نفس النظرة'
معتصم : فرحان بعيونه هذا ولا شني؟
أزم و مهاب 'ضحكوا'
معتصم 'وقف قدام الدولاب و طلّع تيشرت أسود مرسوم عليه جمجمه و توب أسود و سروال جينز فاتح و طاقية سوداء'
مهاب : اهو بيبدأ الجو.
معتصم 'ضحك' : مش متحمل روحي هكي متجنتل.
أزم : رغم ان لبسك امتاع مهبلة لكن ستايلك مليح.
معتصم : الجملة مش راكبة علي بعضها.
مهاب : حتى انا مفهمتش.
ازم : مش لازم .
مهاب : معتصم نبيك تقريني في الأنجليزي.
معتصم : غدوا به.
مهاب : تمام.
معتصم : هي تشاو توا 'طلع من الدار'
أديب : جيعان.
أزم : لما يجهز العشاء تو تاكل.
أديب : تؤ تؤ تؤ .. يا سبحان الله.
أزم 'ضحك' : قصدي شن بنديرولك.
مهاب : كســاد.
ازم : نوض أقرى.
مهاب : الله الجو محلاه اول مرة منحسش بالكساد، مشغول هلبا.
اديب و أزم 'ضحكوا'
___________________________________________________
معتصم ↓
'لبس الحوايج اللي طلّعهم و دار عطر و طلع للشارع'
إسلام : تعالى يا صقر قعمز.
معتصم 'قعمز جنبه' : شن درت في هالدقايق اللي خليتك فيهم.
إسلام : مدرت شيء على حطت يدك.
معتصم : بروي نبي ندير مشيه لبنغازي .. تجي معاي.
إسلام : عادي مش مشكلة، لكن بعدها بتمشي معاي لي ورفله.
معتصم : به تمام.
إسلام : هذاكا زكريا  اللي جاي ولا؟
معتصم : أي هو.
إسلام : خيره شن يبي زعما.
معتصم : على اليمين  جاي على خاطر مصلحة.
إسلام : زعما؟ .. بالك تحشم على وجهه و عرف العشرة.
معتصم 'ضحك بإستهزاء' : الشكالات هذه ماتتحشم، و كان يعرف العشرة راهو ما باعهاش من الأول.
إسلام : خلاص اهو جى.
زكريا : اووو شباب ليكم وحشه.
إسلام : والله.
زكريا : و اللهِ ... إستاحشت العكسه في المثلث و الهدرزة و ...
معتصم "ببرود" : اختصر معنديش وقت.
زكريا : خيرك يا طيري معقولة معندكش وقت لصحيبك زيكو.
معتصم : لا زيكو لا نـ***  هات الزبدة .
زكريا : استاحشناكم شني عييب؟ .. قول حاجة إسلام.
إسلام 'همس لمعتصم' : إهدى خلي نعرفوا شن يبي .. 'شاف لزكريا'  لا مش عيب، تعال قعمز.
زكريا : و الله منور، انت اللي متنساش الصحبه.
معتصم 'تأفف'
إسلام 'قعد يهدرز على زكريا و يجبد منه في الدوة'
زكريا : بالله شباب معندكمش فلوس.. و الله الأمور ملخبطه عندي.
معتصم 'ضحك'
إسلام : انا معنديش.
زكريا : شني يا صقر.. صاحبك مخنوق.
معتصم 'شافله بإستهزاء' : انت غر رد الدين اللي عليك قبل ... بعدين  انت مش صاحبي، انت واحد مصلحي و متنفعش في الصحبه  نوض إقلب وجهك لإني مش طايقك بكل.
زكريا : معقولة تهون عليك العشرة .. طلعت بيوع هكي؟؟
معتصم 'وقف بعصبية و شد زكريا من رقبةْ السوريه' : انا اللي طلعت بيوع توا .. تي برا متخلينيش نغلط فيك كان مش مداير للصحبه حساب راني دفنتك من يوم البيعه يا مصلحي .
زكريا : نزل يدك و احترمني، انا مغدرتش بيكم ملياش دخل التمحا هو اللي قالي.
معتصم "بعصبية" :  تي سكر فمك بلا اعذار تافهة ' ضربه كف قوي لين طاح' تغدر بيا انا يا ****  ... تبيتني انا و عماد و التريس اللي معانا في الحبس ؟؟ .. باهي نقولك حاجة، اللي درته لما نردهولك مرتين بااه .. تو **** امها الصحبه العافنه انا  باهي 'ضربه برجله'   نوض إقلب وجهك نوض.
زكريا 'وقف بصعوبه و طلع يجري'
إسلام : و الله يستاهل الحقير هذا.
معتصم 'قعمز جنب إسلام' : هكي يبوا الناس هذه.
سراج : حي حي تي وين مختفيين.؟
معتصم 'إبتسم' : اوو سيرجو.. ماشيه؟
سراج : ع الحاشية.
إسلام : انت اللي وين مغيب، احنا ديما في الشارع.
سراج : انا رجعت نقرا.
معتصم : أقوى، ربي يوفقك.
إسلام : أحسن ما درت والله.
سراج : و انت يا إسلام امتى ناوي ترجع.
إسلام : و الله ما عندي خلوق.
سراج : جرب ترجع، تقعدلك الشهادة لأي ظرف.
إسلام : متحاولش تقنعني، مش حنضيع سنين على الفاضي.
سراج : انت حر .. شن جو القرايا معتصم؟
معتصم : باهي، مرة نشد و مرة نرخي.
سراج : تعرفوا منحكيلكمش على الشعور القوي هذا.. حاس روحي مثقف مع ان وراسكم ما ليا 3 ايام كيف رجعت.
معتصم 'ضحك' : ربي يوفقك.
سراج : آمين... هي ما تبوا شيء؟
إسلام : قعمز يا راجل هدرز.
سراج : لالا والله الوالدة تبي حاجات من الدكان و تستنى فيا... مرة ثانية.
معتصم : ربي يحفظهالك ... تعالى غدوا.
سراج : ان شاء الله .. هي سلام 'مشى'
معتصم : يعجب فيا سراج هلبا.
إسلام  : اي مشاء الله عليه.
معتصم : حقى.
إسلام : شنو؟
معتصم : #####