#حياة_السته_مليون
.
.
ّ.
.
البنت : من هوا اللي في السيارة.
عماد : هذا خوي معتصم.
البنت : اها، خيره هكي يشوفلي هوا.
عماد 'ضحك' : فوتيه، ميحبش جو البنات.
البنت 'إبتسمت' .
عماد : علاش مبتسمه؟ -_-
البنت "بدلع" : عادي شن المشكله ؟
عماد : امممم، لا مفيش مشكله.
البنت 'شافت للساعة' : خلاص أنا بنروح تأخرت هلبا.
عماد : تي مزال ما هدرزناش احنا.
البنت : لالا حبي خلاص أكيد ماما تستنى.
عماد : مع من جاية إنتي؟
البنت : بنت خالتي، اهو قاعدة في السيارة.
عماد 'تلفت و شافلها' : اها، مواليد كم؟
البنت : 1999م
عماد : العمر كله.
البنت : ان شاء الله، هي باي.
عماد : باي، كلميني بعدين مش تنسي.
البنت : أوكى 'مشت'
عماد 'ركب في السيارة'
معتصم : تم الموعد خلاص؟
عماد : اي.
معتصم : خلي نخطموا على حوش عمي أحمد.
عماد 'إبتسم' : عادي علاش لا.. قداش لينا عليهم.
معتصم : بنمشي نشوف عمي و ولده ياسر من الإبتسامات التافهة.
عماد : خيرك، انا إنسان متفائل نحب نبتسم .
معتصم : ايح صدقتك.. عماد فوتهم بنات عمك فكنا من المشاكل.
عماد : شن بنديرلهم هما اللي يهدرزوا معاي و هما اللي يتملصقوا.
معتصم : ايه ايه توا دير روحك عاقل و بريء، انت اللي تناشب و إدير في لقطات باش يكلموك.
عماد : خير أمك انت؟ لاحظ روحك اليوم دوتك كلها هكي، خليني في حالي خوي احسن.
معتصم : برا ربي يهديك و خلاص.
عماد : به.
معتصم 'ضحك' : الناس تقول ان شاء الله و لا آمين مش به و تسكت.
عماد : من قالك اني نبي الهداية؟
معتصم : لا حول ولا قوة الا بالله ّ.. برا ملّح 'فتح أغاني و علّى الصوت'
عماد : نقص شوية مش قادر نركز.
معتصم : تي كيف صار يا أولاد شكلكم نسيتوا أستاذكم بتكونوا نسـ..
عماد 'سكر الراديو' : قلتلك نقص مش غني معاهم.
معتصم : واك مبردك 'حط السماعات في وذنه و فتح أغاني'
عماد : إيّه إيّه .
___________________________________________________
في الحوش ↓
مهاب 'كان فاتح نت و مقعمز في الدار' : اففف تغطية دراه شن هذا.
أديب 'شافله بربع عينه و تأفف'
مهاب 'سكت شويا و عاود نفس الجملة'
أديب 'حيط يده على الطاولة بقوة و تأفف' : تي خلاص الهم نفس الكلام تعاود فيه من أول ما قعمزت في الدار، أطلع إقلب وجهك خليني نقرا.
مهاب : تي خيرك يا راجل مش دارك بروحك را.
أديب : تي أطلع، برا التغطية قوية هلبا.
مهاب 'وقف' : الله، وين به؟
أديب 'ضحك' : تحت التلفزيون .. أزم وين؟
مهاب : صلى العصر و طلع.
أديب : تمام تمام .
مهاب 'طلع و قعمز تحت التلفزيون'
هبه : شن جابك ؟
مهاب : التغطية يا بنيّت خالتي.
هبه : قداش ما هابل بالنت .
مهاب : الحاجة الوحيدة اللي تجمعني بالناس، بالناس مش بالواقع.
هبه : اي، لكن الحياة اللي في الإنترنت وهميه هلباا.. متخليش النت هو الملجأ الوحيد باش تتعرف على الناس.
مهاب : الله غالب، اهنا نلقا ناس كويسة في الواقع لا.
هبه : في النت كل الناس لابسة أقنعة، الكل طيب و الكل وفي و مظلوم، رد بالك يا موها.
مهاب : ان شاء الله.
هبه : كلمت أزم إمبكري؟
مهاب "بغيظ" : لا، طلع و معبّرنيش.
هبه : قتلك انا ولا؟
مهاب : تو يروح نكلمه، ولا نقولك تو نكلم معتصم خير.
هبه : لالا معتصم لا.
مهاب : علاش!
هبه : هكي فوته.
مهاب "بخبث" : هِــــبَه
هبه : ريّح روحك، تفكير ملوث.
مهاب 'ضحك' : اللي يسمع يقول تفكيرك غاسلينه بـِديتول.
هبه 'ضحكت'
مهاب : أضحكي أضحكي، تو نشوفوا من يضحك في الأخير.
هبه : برا أرقد.
مهاب : لا، أمي وين إختَفت؟
هبه : راقدة.
مهاب : اللطف يا ربي، من امبكري راقدة؟
هبه : به شن فيها؟، حتى النوم لازم تدَّخل فيه؟
مهاب : أمي هذه .
هبه : مبسلك.
مهاب : باهي عارف روحي، مش كل ما تكسدي تقولي مبسلك و مبردك.
هبه : به كويس.
مهاب : أسكتي توا بنلعب بوبجي.
هبه 'بصوت عالي' : نعم؟
مهاب : مزال مفتحتهاش، أسكتي خيرلك.
هبه : ان شاء الله.
مهاب 'حط السماعات و بدى يلعب'
هبه 'ناضت على أساس بتسكر التلفزيون، وقفت قدامه، عيطت و مشت تجري'
مهاب 'سكر المايك' : يا عن شكلك يا بارده، تي والله لما تشوفي 'ناض يجري وراها'
___________________________________________________
YOU ARE READING
حياة السته مليون ((الواقع الليبي ))
General Fictionرواية من كتابتي 'حنين الشوق' تحكي عن الواقع الليبي من جميع الواجهات ... قصص الحب، الدمار، الوجع، الخطف و كل ما يتعلق بحياة الليبين في السنوات الأخيرة❤ 2#- طرابلس #2 - Libyan 4#- ليبيه 5#- ليبين #حنين_الشوق ممنوع النشر بدون إذني✋
