حياة السته مليون ((الواقع الليبي ))

البارت الثامن عشر

#حياة_السته_مليون
#حنين_الشوق
.
.
.
.
°شن في؟°
معتصم : سماء.
'قعدوا يضحكوا كلهم'
عماد : فجعتني يا تافه .
هبه : حسبت في شيء.
معتصم 'ضحك' : اصلا منظركم كيف تشوفوا و مخلوعين يموت من الضحك، مش عارف كيف شديت روحي .
مهاب : مبسلك يا ودّي.
معتصم : يا بردر انا اللي محلّي الجو كله، من غيري حياتكم مليهاش قيمة.
مهاب : من قال!
معتصم : الكل هكي قال، أسإل حتى اللي يقروا في الرواية تواا شن رأيهم.
مهاب : رواية شن ؟؟
معتصم : مدخلكش.
عماد 'ضحك' : اس طلعت برا النص يا برو.
معتصم 'ضحك' : ما قتلك محلّي الجو.
مهاب : حاله إنتوا .
معتصم : حاله في المستشفى.
مهاب 'ضحك ببرود' : ظريف.
'شروا الدبش اللي يبوه و هبه خذت شوية تيشرتات امتاع ولاد و طواقي☺.. قعدوا يتسهوكو عليها لين وصلوا للمحل اللي تبيه هبه'
عماد : هي إنزلوا.
هبه : ننزل بروحي.
عماد : لا ننزلوا معاك.
معتصم : انا قاعد في السيارة.
مهاب : حتى انا تعبت منبيش ننزل.
عماد : هيا هبه،  المهم متقعديش بروحك.
هبه : به 'نزلت هي و عماد و خشوا للمحل اللي كان راقي و كله دبش مناسبات'
عماد : الشيــت بضاعة مليحة.
هبه : تحشم.. 'مشت تلف و تشوف في القفاطين و عماد جنبها و يقول في رأيه'
عماد : يا حليلي انا  هذاكا يهبل.
هبه 'شافتله' : تحشم عماد.
عماد : و الله كان تلبسيه تطلعي طررف.
هبه : اصلا انا طرف هكي ولا هكي.
عماد : ايح... شني ما عجبك شيء؟
هبه : شوف هذا 'قامت قفطان رصاصي ستريت قصير لنص الفخد'
عماد 'قام حاجبه بإعجاب' : حلو... لكن هذاكا مزال أحلى.
هبه : انا عجبني هذا، هذاكا صايع زيك... تقول روب مش قفطان.
عماد 'ضحك' : مصح وجهك .. معندكش ذوق .
هبه : خلاص بناخذ هذا كان سعره باهي 'شافت السعر و سكتت'
عماد : خيرك؟
هبه : غالي.. 1500.
عماد : إنتي كم عندك؟
هبه : 700.
عماد : تو ندفع الباقي مش مشكلة.
هبه : لالا غالي هلبا 'رداته'
عماد : عاد دفعتي فلوسك في دبش الولاد و واخذه طواقي انا بروحي مخديتش زيهم.
هبه 'ضحكت' : مبسلك.
عماد 'خذى القفطان و مشى خذى اللي عجبه و خلّصهم'
هبه 'قعدت تشوفله و الفرحة في عيونها'
عماد 'شافلها و إبتسم' : هيا.
هبه 'إبتسمت' : يلا.. 'طلعوا و ركبوا في السيارة'
معتصم : خيرك بتطيري.
هبه : مش شورك.
معتصم 'ضحك' : تردي فيها .
هبه : مش شورك.
معتصم : باهي به، تو تشوفي عليها.
هبه : هه به.
مهاب : خيركم انتوا ؟
معتصم و هبه : مش شورك.
مهاب 'رفع حواجبه'
معتصم و عماد 'شافوا لبعض و ضحكوا'
مهاب : ايح ايح.
عماد : مزال تبي إكسسوارات و الكعب ولا؟؟
هبه : أي.
عماد : باهي تروحوا إنتوا ؟ 'شاف لمعتصم و مهاب'
مهاب : اي اي عيت انا.
معتصم 'رفع حاجبه و شاف لعماد' : علاش نروحوا؟ ... نمشوا معاكم عادي.
عماد : لا روحوا خير... و شني مبدلين الأدوار انت و مهاب؟؟ خيؤك خبثي.
معتصم : لالا غر علاش تصرف في البنزينه؟
عماد : بلا صماته.
معتصم : باهي هي روح بينا.
عماد 'إبتسم و شاف للطريق' : به 'قعد يسوق لين وصل بداية الشارع' : إنزلوا.
معتصم : باهي حطنا قدام الحوش مصح وجهك.
عماد : تي ساد ساد ... إنزلوا و هبه أركبي القدام.
مهاب "بخبث" : تبي الناس تقول راجل و مرته.
عماد و معتصم 'ضحكوا’
هبه 'قعدت متحشمه و نزلت'
معتصم 'نزل و خلى هبه تركب، أول ما ركبت هبه عماد عطاهم البضاعة اللي شروها و طلع بالسيارة' : مهبول و ربي.
مهاب : مش مهبول، صآيع.
معتصم 'ضحك' : صايع شني هذه أخته.
مهاب : أخته بالإسم، اما في الأصل بنت خالته.
معتصم 'شافله' : شن تقول انت؟
مهاب : مقلتش حاجة خطأ انا.. هذه بنت خالتنا مش أختنا ياسروا بلا جو.
معتصم : لكن هي في مقام أختنا.
مهاب : في مقام اختنا على خاطر متربيه معانا! ... لكن هي بنت خالتنا  مفيش ربط بيننا و بينها، لا دم ولا غيره.
معتصم 'سكت لإن كلام مهاب صح'
مهاب 'إبتسم ع الجنب' : هيا تحرك.
معتصم : هيا 'وصلوا و خشوا للحوش.. كل واحد رتّب دبشه في الدولاب  و قعمزوا في الصالة مع أمهم و أزم'
الأم : شريتوا؟
مهاب : أول مرة في حياتي نشري دبش بالكمية هذه.
أزم : شن خديتوا به.
معتصم : خذيت زبون و بدلة رسمية و دبش عادي للطلعات و ساعة و خاتم و عطر.
أزم 'قعد يشوف لمعتصم'
الأم : مشآء الله، كم المبلغ اللي مسلفه بالله باش شريت هذا كله.
معتصم : تبيهم كلهم على بعضهم؟
الأم : اي.
معتصم : 30000 .
الأم : مشــآء الله، أمتى حصلتهم هاذوا؟
معتصم : قلت كلهم مع بعضهم، يعني في فترات متقطعة، و لحد توا رجعولي 10000 بس.
أزم : تعيشنا أمراء انت.
معتصم 'حط رجل على رجل و ضحك بإستهزاء' : 30 ألف يعيشوك بني أدم طبيعي  مش أمير ... غر أحنا مش زي النلاس هذا علاش نشوفوا فيها حاجة كبيرة.
مهاب 'ضحك' : رسمي الدوه.
الأم : و انت مهاب شن خديت؟
مهاب : هلبا حاجات مخاكريش نسميهم.
الأم : و من دفع عليك؟
مهاب : عماد.
الأم : ربي يعوضه .
معتصم : عماد ربي يعوضه و معتصم كم مسلّف  يا عليك حالة.
الام : تحشم، خوك يشقى و يتعب و توا شرى لخوك دبش.
معتصم 'شاف لأمه و ضحك بإستهزاء' : اي ربي يعاونه مسكين.
أزم 'ضحك'
الأم 'شافت لأزم' : و انت امتى بتشري!
أزم : لا انا مش زيهم.
الأم : كيف؟
أزم : هما معبيين انا جيبي فيه دينار بس.
الأم : تو معتصم يسلفك.
معتصم : و من قال ؟
الأم : خوك هذا كيف تقول لا؟
معتصم : تو يشريله عماد المسكين، مدام يشقى و يتعب.
مهاب 'ضحك' : وجعاتك؟؟
معتصم : لا.
الأم : المهم أشروا لخوكم، عاد عرس بنت خالتكم هذا، فرح كبير.
أزم 'تأفف' : فهمنا.
الأم : و خيرك انت شن واجعك؟
أزم : و النبي سكري الموضوع أمي.
الأم : هو فرح خليني نفرح.
مهاب : اي بالرسمي الدوة، و انت قالب وجهك تقول عزاء.
أزم : شن دخلك انت؟ .. الهى في روحك و في بنت خالك.
مهاب 'سكت و وجهه أحمر'
معتصم 'ضحك' : شنو مهااب!
مهاب : شن شني .'وقف و مشى للدار'
معتصم 'ضحك' : تقول بنت كيف تحشم.
الأم : تحشم.
معتصم : كله تحشم تحشم، طلعت مش متربي انا .
الأم : متربي لكن ناقصاتك حشمه.
معتصم : الحشمه للبنات شن نبي فيها انا.
أزم : رسمي الدوة.
معتصم 'كيف كان بيدوي لكن الضي هرب' : وااااك.. بيدأ الجوو الشين.
أزم : لا حول الله و خلاص.
الأم : حسبي الله و نعم الوكيل.
'رن تليفون معتصم، سكتوا كلهم و معتصم رد'
معتصم : ها ولعه؟
إسلام : شن جوك؟
معتصم : باهي .. هات الزبدة هات مدام قلت شن جوك معناها في حاجة.
إسلام 'ضحك' : تمشي معاي للحوازة!
معتصم : حوازة شني؟؟
إسلام : تي الارض اللي في وادي الربيع، نمشوا نسهروا انا و انت و سراج و ولاد عمي الزوز.
معتصم : باهي ميه ميه، امتى طالعين؟
إسلام : هي توا.
معتصم : باهي هي طالع.
إسلام : تم 'سكر الخط'
أزم : وين ماشي؟
معتصم : طالع انا و إسلام، تبوا حاجة؟
الأم : سلامتك.
أزم : ردوا بالكم من البوابات.
معتصم : به 'طلع'
___________________________________________________

عند عماد و هبه ↓↓

'مشوا لـ3 محلات و هبه معجبها شيء.. قرروا يمشوا لـ الجعفري❤ على خاطر الإكسسوارات'
عماد : تو تقوليلي ما عجبني شيء نقتلك.
هبه : اكيد بيعجبني كل شيء، لكن من اما فلوس؟
عماد : خوذي من غير ما تفكري في الفلوس.
هبه : به.
عماد : مش تصدقي روحك و تاخذي نص المحل معاك.
هبه 'ضحكت' : لالا .
عماد : هي إنز 'قطع كلامه صوت تليفونه يرن' .. ها يا عاصم.
عاصم : وينك مغيب؟
عماد : مش فاضي اليوم.
عاصم : باهي مروح ولا؟
عماد : اكيدة.
عاصم : باهي عندنا سهرة اليوم را.
عماد : لا مش جاي الشقه، طالع غدوا.
عاصم : وين!!
عماد : ماشي لـبنغازي.
عاصم : علاش؟
عماد : رصيدك بيكمل .. ساد قصقصة .
عاصم 'ضحك' : بارد.. تشاو 'سكر الخط'
هبه 'قعدت ساكته و تفكر'
عماد : إنزلي.
هبه 'نزلت و عقلها مش معاها، خشوا المحل و قعدت تختار و طبعا عماد يختار معاها'
عماد : والله مش حلو فوتيه.
هبه : مصحك، يهبـل.
عماد : اسمعي متفددينيش  تو بتلبسي خاتم برتقالي !!
هبه : حلو حلوو.
عماد : بري معندكش ذوق، انا بنشريلك هذا 'قام خاتم فضّه في جوهرة حمراء'
هبه : انت اللي بتخسر الفلوس، انا مش حنلبسه.
عماد : تو نشوفوا 'شاف للراجل' .. اعطيني الخاتم هذا و البرتقالي اللي معششه فيه.
هبه 'ضحكت'
الراجل : به تمام .
عماد 'دفع حقهم و خذاهم و طلعوا للسيارة'
هبه : شكراً عماد.
عماد : مفيش بيننا شكر.. اسمعي الكعب خوذيه من بنغازي  خلينا نروحوا توا.
هبه : تمام.
عماد 'قعد يسوق لطريق حوش خالته لين وصل، درس السيارة و نزلت هبه .... لف للزنقه امتاعهم و سمع صوت أذآن، قلبه دق بسرعة و حس برعشه في جسمه .. وقف السيارة شويه وهو يحاول يستوعب اللي صارله، زفر و كمّل يسوق لين وصل للحوش، نزل، فتح الباب و اول ما خش سمع صوت مهاب'
مهاب : قولوا لـعماد.
عماد 'سكر الباب و مشى للصالة و قعمز جنب مهاب' : على شن بتقولوله عماد؟
مهاب : امي تبيك تشري دبش لأزم.. على خاطر العرس.
عماد 'ضحم بإستهزاء' : الصغير يشري للكبير  حلوة هذه.
أزم 'وقف بعصبية' : منبيش منك شيء انا و منبيكش تشريلي أصلا، لاني منلبسش من فلوس حراام.
عماد 'سكت كإن حد ضربه كف و حوّل أنظاره لأمه'
مهاب 'انصدم و قعد يشوف لأمه'
أزم 'قعمز و حس بالخطأ اللي داره و كذلك قعد يشوف لأمه و كلهم يستنوا في ردة فعلها'
الأم ###

__________________________________
#حنين_الشوق