حياة السته مليون ((الواقع الليبي ))

البارت السادس عشر

#حياة_السته_مليون

#حنين_الشوق
.
.
.
.
.
الأم : نبي نفرح بيك يا وليدي.
معتصم "بصدمة" : شنو؟؟
الأم : قلت نبي نفرح بيك.
معتصم 'ضحك' : شني يما، فشلتي مع أزم جيتيني اناا؟
الأم : غر هيا راني نبي نفرح بيك يا معتصم.
معتصم : راني حبيبات 'ضحك' .. تو بالله عليك، فايته أزم و أديب و عماد و جايتني اناا؟؟ متجيش هكي خطأ.
الأم : عارفتهم ميبوش يتزوجوا و مش حـيسمعوا كلامي.
معتصم : ع اساس انا نبي نتزوج، حرام عليك ياام  حتى قرايتي مزال مكملتش.
الأم : ع أساس مشاء الله القرايا مقطعه بعضها   و عادي كان جت على القرايا، تزوج و اقرى.
معتصم : أولاً معنديش فلوس نتزوج بيهم، ثانياً مازلت صغير منبيش نوجّع رأسي، ثالثاً في قبلي ثلاثه عزاره سقديهم بعدين فكري فيا، و رابعا و أخيراً مش مقتنع بالزواج من غير حب.
الأم : الفلوس انا نعطيك ذهبّي و بيعه، و انت مش صغير تقدر تتزوج و الزواج مش وجع رأس، مش شرط يتزوجوا هما قبلك، مفيش حاجة اسمها حب قبل الزواج، تزوجها بعدين حبها ... وتو نخطبلك هدير بنت خالتك.
معتصم : منبيــش نتزوح مـ  نـ  بـــيش .. لما نحب بنت تو نتزوجها اما تبيها طب زن مستحيله هذه... و هدير خليها بعيد عن الموضوع، كان انا نحبها تو نقولك أخطبيها.
الأم : مفيش زواج برا العيله را.
معتصم : والله؟ ... حياتي انا  ناخذ اللي تعجبني مش اللي تعجبك انتي.
الأم : إدوي معاي كويس.. و زي ما قلت و الكلام ليكم كلكم، زواج من برا العيله لاا.
معتصم "بعصبية" : و الله كان اللي بيختارها قلبي برّانيه و أقسم بديني ماني واخذ غيرها و كان توقفوا على رؤوسكم كللكم.
الأم : شني هو تهديد؟
معتصم : و الله، كان كلامي هذا اعتبرتيه تهديد، خلاص معناها نهدد فيك.
الأم : تعلّي في صوتك عليا و تقلل في أدبك قبل ما تجي الهانم كان جت بتتبرا مني معناها.
معتصم 'وقف' : وااااكك، تي انا غر نحب و نلقى بنت الحلال قبل، كرهتيني فيها قبل ما تجي الزح، و اهو انا طالع و مسيبلك الحوش، بري نقّي على رأس مهاب حتى هو بالك يبي يتزوج 'طلع و قربع الباب'
الأم : مصح وجهه يا حسره ايامي اللي ضيعتهم و انا نربي فيكمم.
مهاب 'وقف قدام امه' : معتصم معاه الحق، الزواج مش بالسيف.
الأم 'رفعت حاجبها و شافتله' : شني؟؟ تو انت تفهم اكثر منني!
مهاب : يا امي الزواج موضوع شخصي و حساس، معتصم أدرى بـنفسه و كل شخص لازم يختار شريك حيااته الكلمه هذه بروحها كبيرة را، سامحيني فيها  انتي مش شورك زواجهم كلهم، رأس مالك في الموضوع الخطبه و العرس وخلاص.. هما بيكملوا حياتهم مع البنت اللي بياخذوها، تخايلي انتي تخطبيله من العيله و هو ميحبهاش و يحب غيرها، بتظلميه هو و البنت اللي بياخذها، امي انتي تزوجتي من بوي عن حب، خلّينا على راحتنا، انتي عشتي ايامك و توا وقتنا احنا... عموما انا مع معتصم في كل كلمة قالها و معاه في كل شيء 'مشى للدار'
الأم 'إبتسمت على كلام مهاب' : وين كان كل هالعقل 'تنهدت و قعدت تفكر في كلامه'
أزم 'طلع من الدار و مشى للمطبخ'
الأم : ازم وليدي تعالى شويا.
أزم 'من المطبخ' : كان على نفس الموضوع مش حنجيك.
الأم : غر تعالى نسألك.
أزم 'قعمز جنب أمه' : شن في؟
الأم "بإستغراب" : خيره هكي صوتك و منظرك تاعب؟
أزم 'تأفف' : امي، قولي شن عندك و شن تبي؟
الأم : به، شن رأيك في اللي قلته لمعتصم؟
أزم "ببرود" : شن قلتي لمعتصم؟
الأم 'حكتله كل شيء بينها و بين مهاب و معتصم'
أزم 'تأفف و حاول يهدى شويا' : خيرك هكي امي؟؟ .. كلام مهاب صحح و معتصم عنده الحق، يا أمي مش كل شيء بالغصب را، هذه حياتنا و احنا اللي لازم نقرروا مافيش شيء اسمه انا ادرى بمصلحتك، كل بني أدم عنده عقل يفكر بيه، صح امي و على عيني و رأسي  لكن احنا اللي بنتزوجوا مش إنتي، و بالله عليك سكري على الموضوع و معاش تفتحيه بكل كان متبيش ولادك يضيعوا من بين يديك ... امتا ما ربي يكتب لواحد منّا الزواج تو يتزوج، صدقيني انتي كان تقعدي تزنّي و تنقي فوق رؤوسنا معتصم و عماد معاش بتشوفيهم، و انا بنسكر رأسي على العزوبيه .
الأم 'تنهدت و إقتنعت بكلام أزم' : انا يا وليدي واكله همكم، خايفه نموت و منشوفش صغاركم ولا تقعدوا من غير زواج طول عمركم.
أزم 'باس رأس امه' : كان ربي كاتبلنا الزواج حنتزوجوا  و ربي يطول في عمرك و تشوفي صغارنا كلنا.
الأم : آميــن يا وليدي.
أزم 'إبتسم'
الأم : جهزت الحاجات اللي بترفعهم معاك لـ بنغازي؟
أزم 'غمّض عيونه و زفر' : مزال.
الأم "بشك" : خيرك في حاجة؟
أزم : لالا 'مشى للدار'
الأم : لا حول الله، خيرهم هاذوا!