ကျွန်မ ရုတ်တရက် နှလုံးခုန်ရပ်မတတ် ခံစားလိုက်ရလေသည်။ သန့်၏ စကားလုံးများက ကျွန်မနားတွင်းသို့ ဝင်တစ်ချက် မဝင်တစ်ချက်။
သန့် - " ဒီခလုတ်လေးနှိပ်ရုံပဲ... ဒါက Zoom ဒါက ISO ချိန်တာ Focus ကို မမ မချိန်တတ်မှာစိုးလို့ Auto နဲ့ပဲ ထားပေးမယ်......"
သန့် - " စမ်းရိုက်ကြည့် မမ"
ကျွန်မ - " ဟင်... "
သန့် - " စမ်းရိုက်ကြည့်လို့..."
ကျွန်မ - " ဒီခလုတ်လေးပဲ နှိပ်လိုက်မယ်နော်..."
သန့်က ကျွန်မကို ကြည့်ကာ ပြုံးလိုက်လေသည်။
ကျွန်မ - " မရယ်ပါနဲ့ ညီမလေးရဲ့ ... မကြီး က တစ်ခါမှမှ မရိုက်ဖူးတာကို..."
သန့် - " မဟုတ်ပါဘူး... မမရယ်... အသန့်လေးက မမ ပြောတဲ့ပုံလေးကို သဘောကျလို့..."
ကျွန်မ တကိုယ်လုံး အေးစက်သွားသလို ခံစားရသည်။ သန့်က ကျွန်မလက်ထဲ ကင်မရာ ထည့်ပေးရာ ကျွန်မလက်ကို ကိုင်မိပြီး
သန့် - " ဟယ်... လက်တွေ အေးစက်နေတာပဲ... နေမကောင်းဘူးလားဟင်..."
ကျွန်မ - " ကောင်း... ကောင်းပါတယ်... ပေး... ရိုက်ပေးမယ်...."
ကျွန်မတို့ နှစ်ယောက် ဓာတ်ပုံ တစ်ယောက်တစ်လှည့် ရိုက်နေစဉ် အန်တီမြက ပြန်ရန် လှမ်းခေါ်သဖြင့် ကျွန်မတို့ ထွက်လာခဲ့ကြသည်။
ကားဆီသို့ အပြန်တွင် သန့်က ဘယ်ဘက်လက်မှထီးကိုင်ကာ ညာဘက်လက်ဖြင့် ကျွန်မ၏ ပုခုံးကိုဖက်ကာ လမ်းကူးလေသည်။ ကားဆီသို့ ရောက်လျှင် ကျွန်မလက်ထဲ ထီးထည့်ပေး၍ နှုတ်ခမ်းဆူကာ
သန့် - " အသန့်လေး ထီးမခေါက်တတ်ဘူး..."
ကျွန်မ - "ဟင်..."
ကျွန်မ ရုတ်တရက် အံ့သြသွားပြီးနောက် ရယ်လိုက်မိသဖြင့်
သန့် - " အသန့်လေး က ဒီလိုထီးမျိုးမှ မဆောင်းဖူးတာ..."
ကျွန်မ - " ဟုတ်ပါပြီ... ဘာမှ မပြောပါဘူး... "
သန့် - " မမက ရယ်တာကိုး"
ကျွန်မ - " ထူးဆန်းလို့ ရယ်မိတာပါ..."
ထို့နောက် ကျွန်မတို့ အနီးနားတွင် ထမင်းစားနားကြပြီး ခရီးဆက်ကြလေသည်။
YOU ARE READING
The Rope (Own Creation)
Teen FictionAs my own style, I rated this story as 13 yrs old & above. (Zawgyi) တခ်ိဳ႕ေသာ ၾကိဳးေတြက မထံုးႏိုင္ေပမယ့္လည္း ႐ုန္းႏိုင္ခဲတယ္ေလ... Summary အလြန္ထက္ျမက္တဲ့ သန့္ၾကယ္စင္ဆိုေသာ မိန္းကေလး ရည္းစားေဟာင္းႏွင့္ ျပႆနာတက္ကာ စိတ္ေျပလက္ေပ်ာက္ ခရီးထြက္လာရင္း သႏၱာ...
Part 1 (Unicode)
Start from the beginning
