جبروت الحنين
بارت ٤١
نورا ناصر ..
حنيت لو للهو تسال على اخباري
اشتاگيتلي ؟ اتندمت؟لو هيج بس للعب
تتحارش بناري؛
أمن بعدني انچوي
و تشوفني شگد قوي
مرات ابچي بجرح ،
و مرات عالطاري
و مرات انطرك ثلج
و اني الشمس خصمي !
لك والله اعشگك عشگ
مو تجري وي دمي
ما شايفك من فتت؟
بالدنيا گبلك صرت
بس چني من فتحت
شفتك گبل امي
اييي يا ذخر همي،
اتجاوزتك و كملت
مجبر جنت مو بطل
ليش استلذ بالنصر
و ادري اني مو نشمي
غصباً عليه عشت من انت مو يمي
كلت اعله هجرك حلو ،
و كالولي عفية و كفو ،
بس النتيجة شنو ؟
گدام ناسي صدگ
انه ربحت الحرب
بس اخسرت حلمي
بعدك لياهو انحسب
لا اموت من فرگتك لا عيش من دونك
ولليوم من تنذكر
اترس فراشي دمع،
عندك بخت؟ لو هلي فطموني بعيونك
محظوظ روحي تمل من عندي و تصونك
و لليوم نوكع سوة اني و بگاية الگلب
لمن تخلي الشعر يوگع على متونك
و گلت انسى ويه الوكت ،
و فترة ويه غيرك عشت ،
و جربت ما جربت
هالوحدي ظليت
وين انت يمي و رحت
فدواك ما طولت
و اني على ذمتك جنت
حبيت و انحبيت
و عاشرت عل العاشرك،
وويه المايسوى اظفرك
سويتلك ذكرى
مو مثلي انطرك فرج
و ناصي سياج السجن
بس اني ما اعبره
ارتاح ماكو حظن
يمه افتح العبرة،
و بيه الك ذاك البچي
بس صدرك اتبره
يالخوش تتبره
شحجي و شعلم بعد هو الوفه شمرة
و شقابض من الشكل،
هذا انت وجهك حلو
بس عشرتك مرة
و ليش اعتب؟انه وفي
والناس موسم ضحك
چان العشگ بالگلب
هسة العشگ فترة
هسة المحبة ركض،
بسبوع واحد ترى
تتعارف و تنحظن ،
وتتواعد و تنخذل
والرايده تخسره
جيب اليظل ينتظر ....
بهذا الزمن تتفق
ولازم اتحدد وكت
بي تنتهي العشرة،
و معليك بالگلته
سولفلي بالردته؟
راجعلي رجعة صدگ؟
لو جيتك نقمة
راجعلي ابو كلمة؟
لو راجع اتجس گلب
و تطرد الناس الغرب،
و بس بي اگعدك ترد
هم ترفع الزحمة ،
امّشي عليك البچن
من فرگتي تعلمت ؟
لو بعدك الأولي بالشي الك شمة؛
و العافك شحدة!
اسألني و اني اختصر
لعيونك المدة؛
طلع شعندك حجي
عندي بچي بگدة
-الچذب؟
عفتك و احس
طالعلي من شدة
-و الصدك؟
الصدگ حبك مرض
ما طبت من عنده
-والليل؟
الليل مو غوربت شمس الله و يهل گمر
-الليل من ما تجي و طاريك يتعده
-والصبح؟
الصبح يطلع علي من اذب دمعي ندى
بخدودك الوردة
تحبني؟ مو كل وكت
مرات احسك عدو بس اختل بسده
********************************
كنت شايفة وحش كدامي مو بشير
يتطاير شرار الغضب من عيونه .. اه لو يعرف حجم رعبي من نظرته ، نظرته بددت اوصالي ومزقتني ..
تمنيت اتلاشى اختفي تنشق الارض من تحتي وتبلعني اموت واندفن بس ما اصير مقابيله ..
استجمعت شتات قوتي وتمتمت واني اناشغ وابجي ..
_ انت شجابك هنا هاا امشي اطلع برة يلله امشيييييي ..
BINABASA MO ANG
جبروت الحنين ..
Random"قد إقتلعتُكَ وجُبروتكَ من فؤادي كما تقتلعُ الأُم بذرةَ الحرام من أحشائها ، تتألمُ وهيَ تخلعُ نفساً من روحِها ولكن ماباليد حيلة .. هكذا أصبحتُ أنا ! .. فهل تعتقدُ أنَّ حنيني إليكَ قادرٌ على تحطيم أسوارِ البلادةِ التي بنيتها من شِتات روحي المحطمةِ...
