جبروت الحنين ..

بارت ١٠

جبروت_الحنين
بارت ١٠
نورا ناصر ..

ظلت تباوعلي بصدمة ..
كالت ولج لااا مو هيج شبيج شكلولج عني ..

دفعتها :يبووو لعد شكووو ؟؟ اني صارت عندي خوفة من ورة هاي اختج ..

مسحت دموعها وظلت تتلفتت يمين ويسار
وكالت : هيه وينها ؟؟

جاوبتها : دتشتغل تكرب ليل نهار حتموت نفسها بغير طريقة ..

امي كامت على حيلها
كالت : اروح اشوفها خاف واكعة بيها شي ..

راقبنا امي تطلع .. طلعت وانسدت الباب
سحبتها من ملابسها وهديتهم ..
كتلها شكوو ووين شفتي سجاد احجيلي وشبي وياج جلال ؟؟

إشتياق :  لج اووف شحجيلج يقين .. اني من الخطوبة حاولت انسى سجاد واتأقلم ويا جلال ..
رغم حديته وغموضه وثكل شخصيته .. بس عجبني تعامله ويايه ..

قبل اسبوع كان عدنا مراجعة يم الطبيبة عمود الاطفال ..
راجعت عدها كالت كلشي مابيج واصلا بعد لتراجعيني وحتى جلال هم مابي شي بس هو من الله مجاي يصير طفل ..

طلعنا من العيادة ورحت ويا للسيارة حركها ومشينة
بقيت صافنة على الجامة وساكتة
حسيت ايده خلاها على ايدي ..
كال _ شبيج لتضوجين مصار النا ٦أشهر من تزوجنا وان شاءالله يجينا طفل لتستعجلين ..

باوعت اله واكتفيت بالابتسامة .. وكفنا بالازدحام وجان تصير صورة شهيد كبالي ..
اتمعنت بيها زين واني احاجي نفسي وبداخلي نار وناسية الكاعد يمي ..
هذا سجاد !!!! بقت دموعي تصب على وجناتي ونهاريت بشكل موطبيعي كوة كاتمة صوت شهكاتي لايسمعني جلال ..

وصلنه للبيت وجايبين عشانه ويانه واني احاول مااخلي عيني بعين جلال حتى ليشوفها حمرة ..

راح يسبح واني حضرت الاكل على طاولة الطعام بالمطبخ .. ووكفت على السنك وصفن على الشباك الي كبالي .. لحد ماسمعت صوته ليصحيني من شرودي ..

_ اشتياق يلله تعالي اكلي شنو مجوعانة ..

بدون مالتفت اله كتله لا مااشتهي .. حسيت بي عصب من صوت انفاسه وحركاته العنيفة من يخلي كوب الجاي ويحرك الخاشوكة وتنهيداته الحارة ..

سويت نفسي اجلف السنك واغسل المواعين
غسلت شكو ماعون ع السنك حتى النظيفات متجنبة ادور واباوعله لايشوف دموعي ..

سمعت صوته وهو يكوم ويزفر نفس بقوة وانفعال وطلع من المطبخ..
هزيت راسي وخليت ايدي على حلكي اكتم شهكاتي
..

بقيت للوحدة بالمطبخ .. تمنيت اروح اشوفه نايم
طفيت ضوة المطبخ وطلعت للغرفة شفته نايم ..

مر اسبوع على هالحالة نفسيتي زفت وكل شوية تصير صورة سجاد كبالي وحروف اسمه وطبلهه كلمة الشهيد اموت الف موته لج اني من اشوف اي شهيد انقهر واظل ابجي بعد مو شخص جانت بداخلي مشاعر حب اله .. ظليت اتهرب من جلال .. ماريده يتقرب مني واني ابالي سجاد احس داخونه لجلال بافكاري ..