وهذا بارت عدلته الكم ع السريع تستاهلون
#جبروت_الحنين
بارت ٣
نورا ناصر
شفتها راحت للحمام بقيت الوب واكل باظافري اريد اروح وراها واسالها شكو وليش وشنو بس مترددة
سمعت صوت باب الشارع انفتح وانسد .
رحت طليت من باب المطبخ توقعته بشير صار روحي كلها بس افكر بي
شفتها خالة نجية
شافت الطارمة لساهه معفوسة .
صاحت هاي بعدجن يالفاهيات من العصر لهسه شسويتن بلله .؟.
كتلها : خالة اني وحدي ترة وبناتج كلهن راحن .
رفعت اصبعها بوجهي
_ هيه خطوبة اختج لو خطوبة بناتي وانت كلش نازعة الحيا وماتستحين وتراددين .
_ خالة تره دانضف مدا اسخت اني !
صاحت بيه : هم رجعت ردت من طاح حظج ادبسسز شو وخري عن طريقي وخريييي .
لزمتني من كتفي وركعتني بالباب وطبت ووراها اسماء وليث ابنها الصغير .
جريت نفس وزفرته وفوكاها ابنها جاي ديكولي احبج على ياضيم تحبني على ضيم امك بعدني مصرت جنتها وتتأمر عليه مثل الخدامة تهي بهي والله عمي الله يحبني الي صديته ومانطيته مجال .
خلي اعزل البيت بسرعة .
والله التفكير اكل عقلي اكل
منا افكر بايات وسوايتها
ومنا افكر باعتراف بشير
واني الم بالوصاخة الي خلفتها الناس واغسل وانضف واعزل .
أتمنى لو كان بإمكاني بس أُطفي عقلي واوكفه عن التفكير .
لان تعبت نفسيا وجسديا .
واني منهمكة وحتى بطني تقرقر من الجوع لان مااكلت شي من الصبح بسبب هوسة الخطار والحفلة .
سمعت صوت نجية من وراية
وتصيح بغضب : ولللج ليش لهسه خالج بلا اكل ماتحسين ماتكولين هذا رجال مريض يحتاج ياكل اله لكمة حتى ياخذ ادويته .
وكفت على حيل وجريت نفس بنفاذ صبر
بهالحظة تذكرت خالي خطية وهم زعجني صوت نجية المكروه .
اندرت عليها
كتلها خالة هو ميحجي ويكول وانت هلتشوفيني وحدي داركض منا ومنا شريد اصير اقسم روحي نص نصين ثلاثة ؟
_ انت وحدة ممترباية وبنات الشوارع احسن منج .
كلش انقهرت من هاي الحجاية
كتلها يعني ترزليني وتصيحين عليه وماترديني اردج شطلعت هاي ترضين احد يكول لبناتج هالحجي ؟
_ منا وجاي انه اوصي كل صاحباتي ومعارفي يشوفولج واحد اعرسج واخلص منج ماتحمل وجودج هنا ابد .
_ لتعبين نفسج اني بس هالسنة وادخل قسم داخلي وبعد مااجي هنانه ابد .
_ لا اعرسج واخلص منج احسن ويلله هسه حطي لخالج روبة وخبز خلي ياكل وياخذ ادويته وينام .
طلعت وخلتني مفرفرة وكلامها يرن باذني
رفعت راسي للسما هونها ياربي .
رحت للثلاجة وصبيت لخالي روبة واخذ اله خبز شعير وديتها للغرفة مالته
متمدد على الجرباية ونجية كاعدة بصفة
شافني دخلت
عدلت كعدته
كال : نعم الله عليج بنيتي الله يسعدج ويوفقج .
_ مشكور خالو واعذرني التهيت ماجبت الك الاكل .
YOU ARE READING
جبروت الحنين ..
Random"قد إقتلعتُكَ وجُبروتكَ من فؤادي كما تقتلعُ الأُم بذرةَ الحرام من أحشائها ، تتألمُ وهيَ تخلعُ نفساً من روحِها ولكن ماباليد حيلة .. هكذا أصبحتُ أنا ! .. فهل تعتقدُ أنَّ حنيني إليكَ قادرٌ على تحطيم أسوارِ البلادةِ التي بنيتها من شِتات روحي المحطمةِ...
