جبروت الحنين ..
ما أشعر به نحوك يشبه الشغف كثيراً، لقد تجاوزت حدود الأعجاب بك، أشعر أني أندفع نحوك بقوة و أُقاتل نفسي جاهدةً لكي أبقى بعيدةً عن حدودك ولا أقع بتوافه الحبّ معك.
♡♡ ~~~
طلعت للحديقة كفخت بخشمي ريحة جكاير
باوعت صوب الترك شفته واكف منتجي على الحايط ويدخن ..
شعره الاسود الفاحم مبعثر على وجهه
لابس بس كيمونة بيضة بارزة عضلاته
التقت نظراتنا ، نظرات عيونه الواسعة تبث انكسار وخيبة وخذلان
عيونه قهرتني وتوغل بيه الحزن بسببها انتابتني قشعريرة بكل جسمي وقلبي زاد بنبضاته بسبب هالنظرات الي اخترقتني بطريقة غريبة وحادة مثل سكاكين وتطعن بيه ، بيها تعب بيها عتب بيها حب ورغبة واشكال .
جاوبته بنظراتي شبيدي عليك واني سبب قهرك ؟
والله مابيدي شي .
وين كنا وين صرنا متوقعت ابدا علاقتنا راح تصير هيج متوقعت افوت من يمك وماتحجي وياي ولاكلمة هالشي يعصر قلبي من القهر ، شعور يشتتني ويأذيني سؤال واحد يدور بيه ومالكي اله جواب شون ارجعك الي مادري .
جريت حسرة قوية واني اشوفه يتجاهلني ويبعد نظراته مني ..
يمشي بخطوات تبث حزنه الي طوقني وغلفني
وقلبي يصرخ اله ارجع حاجيني شاقيني اكرصني عاركني مثل كل مرة اغسل بيها الطرمة بس لاتتجاهلني هيج .
لكن لاحياة لمن تنادي .
دنكت اغسل بالطرمة ..
بعد دقايق شفته اجه مرة ثانية مبدل لابس تيشيرت اسود وجينز .
فات من يمي جر حسرة بذل جهد بكتمها وطلع .
جريت حسرة مو اقل من حسرته قهر واني اراقبه من بعيد وضايجة علي صار وفرقنه ..
دخلت للمطبخ شفت نجية كاعدة بالكاع وتشرب جاي وصوت السفت واصل للسوك .
ظلت تباوعلي من راسي لاخمص رجلية
وماتكدر ماتحجي وتزفني مثل كل مرة
كالت هاي هدومج بدليهه لبسي مستور احنا وين عايشين بالطوايل ليشوفوج الولد هيج عيب !
علت نبرة صوتها وبدها تاكلني
_ خلن عدجن احساس البيت مليان ولد شباب وانتن تمشن على حل شعرجن صدك الي استحوا ماتوا
اني مفهمت شتقصد بالطوايل ..
كتلها
صار خالة عود ابدلهن بس اني لان جنت اغسل بالطرمة لبسته هذا .
اني لابسة تراك وردي من الغسل صاير بصلي عليه دب ممسوحات ذاناته صاير جنه فار .
مسحت تسحت بس مريح و بارد بالصيف احبه .
اخذت وصلة وظليت امسح الكاونتر
لشوية دخلت بيداء مبهذلة وشحالهه
عبايتها مالة الراس واكعة على اكتافها
وشعرها مكفش وولدها وراها يمشون بثقل لانهم سمان كلش وكرشهم متر ليكدام !
طبت وكعدت بكل قوتها على الكاع بصف امها
من صدمتها نجية تكلكلت الاستكانة الي بيدها ونكب الجاي على رجليها .
YOU ARE READING
جبروت الحنين ..
Random"قد إقتلعتُكَ وجُبروتكَ من فؤادي كما تقتلعُ الأُم بذرةَ الحرام من أحشائها ، تتألمُ وهيَ تخلعُ نفساً من روحِها ولكن ماباليد حيلة .. هكذا أصبحتُ أنا ! .. فهل تعتقدُ أنَّ حنيني إليكَ قادرٌ على تحطيم أسوارِ البلادةِ التي بنيتها من شِتات روحي المحطمةِ...
