Panandalian
Walang dumating na hindi umalis kahit saglit,
Ngunit kahit na umaalis ay hindi pa rin nagagalit.
Sa bawat pag alis ay laging napupuno ng bakit,
Pero sa bawat pag balik ay inaabangan lang ang muling paglapit.
Aalis nalang at babalik na tila ba walang nangyari,
At nang bumalik, rason ay 'di parin mawari.
Sinasanay mo lang ba akong ikaw ay wala?
O pinalalamig mo lang ang puso kong nagwawala?
Darating, aalis, darating, aalis,
Ganyan ang takbo ng mundo at walang makakalihis.
Dumarating lamang para ikaw ay turuan,
At aalis para ikaw ay may matutunan.
Walang permanente, lahat ay nagbabago, lahat ay umaalis,
Kahit na ang mga pangakong "'Di kita iiwan" ay nagawa na ring bitawan.
Madali lang naman magsabi,
Ngunit mas madaling makasakit gamit ang mga nasabi.
Maging masaya na kapag siya ay kasama,
Ngunit 'wag hanggang sa puntong 'di mo na kaya 'pag siya ay di kasama.
Mga taong nakikila ay pawang mga napadaan lang,
Aalis din, sapagka't prensiya nila ay panandalian lamang.
©jgieee
YOU ARE READING
A Heart's Point of View
PoetryThis is what my heart says that can probably speak out what your hearts want to say... Hey theree! This is a compilation of all the poems that I wrote and i hope to reach into someone's heart through this book! Enjoy reading 😊 -jgieee
