Paulit - ulit na binabalot ng lungkot ang bawat sandali,
Lahat ay naging mahirap maski ang pag ngiti.
Mga pangarap na unti - unting lumalabo,
Sariling nawasak at hindi na mabuo.
Ngunit tuloy - tuloy pa rin sa bawat araw,
Bumabangon para sa susunod na araw.
Sasabay na lamang sa agos ng mundo,
Na kahit oras ay hindi magawang huminto.
Sa tagal ng bigat na dinadala,
Tila namanhid at naubusan na ng salita.
Hindi na napansin ang mga oras at taong nawala,
Pati sarili din pala ay nawala.
Napagod ng hanapin ang sarili,
Ang tanging hiling na lang ay makahinga muli.
Pagod at lungkot ang nanaig, wala nang alam na ibang gawin,
Kaya't ano pa nga ba, kahit pahinga ay hindi alam kung paano gawin.
Hindi ba dito ang pagtatapos?
Sa pahinga ba natapos?
Hindi, hindi man agad na nahanap ang sarili.
Ngunit pahinga ang naging daan para tumuloy muli.
Malabo man sa ngayon ang dulo,
Pero kakayanin at hindi susuko.
Magpahinga ka,
Hindi masamang tumigil saglit at magpahinga.
jgieee
DU LÄSER
A Heart's Point of View
PoesiThis is what my heart says that can probably speak out what your hearts want to say... Hey theree! This is a compilation of all the poems that I wrote and i hope to reach into someone's heart through this book! Enjoy reading 😊 -jgieee
