ثغرات الماضي

الفصل الاول

#ثغرات_الماضي
#طيبة_الربيعي
*الفصل الأول*

————————

السلام عليكم حبايبي مشتاقتلكم كوووومة
دخت ودوختكم وياية
بس گلبي وعقلي ثبتو على هاية القصة
احد القصص الي وعدتكم بيهة قبل
بس نسيتهة وهسه شفتهة بالمسودات
انشاءالله تعجبكم وتنال رضاكم
ماريد منكم غير الصبر والتفاعل علمود التحفيز
واني بأذن الله مراح اقصر وياكم

كالعادة بالبداية الاحداث تكون بطيئة وتعرفوني شگد اعشق التفاصيل😉
بس التفاصيل كالعادة اكيد مراح تكون مملة
قرائة ممتعة 😘😘

——————————————
١

سأكتفي بطرح سؤال
لماذا يدفع البريء ثمن خطيئة المذنب؟

قصة تتحدث عن انتقام من حبيب
وانكسار فتاةٌ غير مذنبة
تُترك في منتصف الطريق
مع طِفلاً غير مقبولاً على حقيقته بين المجتمع
وكيف الله يجعل من كل امراً عسيراً يسير
لكنها لن تبقى على ما كانت عليه في الماضي

فهل سيشارِكُها في دفع الثمن احد؟

أُضطررت بِلا ذنب او رِضى ان ادفع ثمن ضريبة لم تكن ضريبتي
ربمااااا.. ليس ذنبي ولا ذنبه.. لكنني على يقين بأنه ذنبهم هم
وايضاً ذنب القدر الذي جعلنا ابنائهم..
لم يفعلوا هم.. بل انا من سمحت للرديء ان يُعثرني
وللحاقد ان يترك بي اثراً لا ينمحي ولا يزول
جعلت نقائي ينتصر على غيظي ولم اجد سِوى الغدر والذبول
لم اعلم بأنك طاغية حتى سلمتك كل ما املك.. حتى نفسي المَلاحة
والاهم منها ثقتي الصعبة المنال..
اخذت بيدي لنسير.. وسرت معك بِلا حذر
حتى تركتني في منتصف طريقاً مٌظلم
وتركتني مع قلباً مُنكسر...'طيبة_الربيعي'

-تمام بس منو اگوللهة؟
-ابن سهام
-سهام منو

انقطع الخط وماسمع غير طووووط طوووط طووط

اني ازل.. طالبة خامس اعدادي ادبي وساكنة مع عائلتي ابيت جدي الي يتكون من تلث عوائل زائد بيبي وجدو.. عندي عمام ثنين وثنين عمات.. كلهم متزوجين وعمامي ساكنين ويانة بنفس البيت.. اليوم جمعة ماما راحت للسوك وية زوجات عمامي وكلفتني ادير بالي على اخواني بين متجي.. ناسية موبايلهة فمن رن اني جاوبت.. اجاني صوت رجال خشن نوعاً ما

-مرحبا
ازل: مرحبا، منو؟
-هذا رقم ام ازل؟
ازل: اي، منو حضرتك
-انتي بنتهة؟'طيبة_الربيعي'
ازل: اي؟
-انطيني والدتچ احچي وياهة
ازل: ماما مو هنا
-زين من تجي خليهة تتصل بية ضروري
ازل: تمام بس منو اكوللهة
-بس گليلهة ابن سهام وهاذ هو
ازل باستغراب: منو سهام