Mark My Words (Book 3)

Chapter 56

"Ayos ka lang?"

Bigla kong nilihis ang tingin ko nang tanungin niya ako nito. Pero muli akong napayuko. Sa totoo lang kasi hindi naman ako ayos. Hindi magiging maayos ang lahat hanggat nandito kaming dalawa.

"'Wag mo akong alalahanin, Ezen. At 'wag kang mag-alala dahil alam kong makakatakas tayo rito. Ililigtas tayo ng mga magulang mo."

Alam kong sinusubukan niya akong aliwin kaya napabuntong hininga ako at tumango, katibayan na sumasang-ayon ako sa sinabi niya.

Pero sana nga.

Ilang minuto pa ang tinagal nang biglang may pumasok kaya napatingin kami ritomg dalawa. Ang Mama ni Ling. Nakangisi siya sa amin habang nakatingin. Ano naman kaya ang gagawin niya? Napalunok tuloy ako.

"Alam mo ba, na-e-excite na akong makita ka kasama ang Daddy mo rito." Nakangisi nitong sabi kaya napaisip ako. Ano bang sinasabi niya? "Ano kayang magiging reaksyon ni Dazu kapag nakita niyang ganyan ang itsura ng bunso niyang anak?"

"What the fuck do you mean?"

Hindi niya ako nasagot. Biglang may dumating na isang lalaki, "Master Shaira, nandiyan na raw po si Dazu Kang." Nanlaki ang mga mata ko sa sinabi nito at halos hindi ako makapagsalita. "Kung ganon, tayo na." Mabilis itong umalis kasama nung lalaki tapos nagkatinginan ulit kaming dalawa ni Lyka.

"N-Nandito si Dad."

----
Dazu's Point of View: (Ezen's Father)

Preneno ko kaagad-agad ang sasakyan nang ituro nitong kaklse ni Ezen na nandito na raw kami sa lugar kung saan katatagpuin ko ang mga dumukot sa anak ko.

Binuksan ko kaagad ang pintuan ng sasakyan ko ganon din sa bata. Nang tignan ko naman ang kapaligiran isang liblib na may napakalaking gusali ang nandito ngayon sa harapan ko.

Maya-maya pa, may isa-isang lumabas na mga kalalakihan mula sa kapaligiran na ngayon ay nakapalibot na sa amin. Gulat at kunoot noo lang akong nakatingin sa kanilang lahat.

Masyado silang madami.

"Nasaan ang anak ko?" Tanong ko sa kanila habang pinakikiramdaman ko ang bawat isa.

"Pakiusap po, 'wag n'yo na po akong idamay dito. Alisin n'yo na po 'yomg bomba na nakadikit sa akin. Maawa na po kayo." Bigla namang sabi nitong bata.

"'Wag n'yo siyang idamay dito. Gawin n'yo ang lahat ng gusto ninyo sa akin basta pakawalan n'yo lang ang bata."

Pero hindi nila ako pinakinggan.

"Dazu Kang."

Bigla akong napalingon sa babaeng tumawag sa pangalan ko. Napatitig lang ako sa kanya dahil hindi ko siya gaanong maaninagan. Medyo madilim kasi, pero ganon pa man sino ba siya?

"Ipasok n'yo ang bata sa loob." Utos niya. Mabilis nilang nahila ang bata kaya wala akong nagawa. Iniisip ko naman kung kakalabanin ko silang lahat masyado silang madami. Isa pa baka saktan lang lalo nila si Ezen, Lyka at itong si Gizel.

Sa ngayon, pag-aaralan ko na muna ang mga kilos nila habang pinalilibutan pa rin ako ng mga lalaki, nakahanda naman ako kung susugurin nila ako.

Pero hindi mawala ang pagtitig ko sa babaeng papalapit nang papalapit papunta sa akin ngayon. Pero nagulat ako nang makita ko kung sino siya ng tuluyan ko siyang makilala.