Responsibility To Oath (Fixed Series #3)

Chapter 14

Chapter 14

Napabalikwas ako sa aking hinihigaan nang makarinig ng sunod sunod na doorbell. Bumangon ako at lumabas sa silid ni Calix. Hindi ko na siya ginising pa dahil napakahimbing ng kanyang tulog.

Matapos naming mananghalian kanina sa kanyang opisina ay dumiretso kami rito sa penthouse niya. Buti nalang at wala na siyang iba pang schedule sa araw na ito kaya nakauwi kami agad.

Katwiran niya pa nga'y gusto niya akong makasama ng matagal, he wanted to spend some time with me matapos ang ilang araw na hindi kami nagkita. We made love, hindi naman nawala 'yon, saka everytime we see each other, talagang hindi na namin mapigilan ang aming mga sarili. Nababaliw kami sa isa't isa.

Suot ang aking nightgown at roba, nagtungo ako sa may pintuan. Pagbukas ko, I was surprised to see Fey outside Calix's penthouse.

Bago pa man ako makapagsalita at mabanggit ang pangalan niya ay umatake na siya. Hinila niya bigla ang buhok ko.

"Walang hiya ka! Ilabas mo si Sam!" sigaw niya habang hawak pa rin ang buhok ko.

Hindi ako pumalag, bagkus hinawakan ko ang kamay niyang naroon sa ulo ko, pilit ko 'yong tinatanggal dahil nagsisimula ng manakit ang anit ko.

"Let go of my hair!" mariin kong sinabi.

"Ilabas mo si Sam!" sabi na naman niya.

I gritted my teeth. "Hindi ko alam kung nasaan siya."

Ngumisi siya. "And you expect me to believe that?"

"Oo."

"Pinuntahan ka niya kanina-"

I cutted her off. "Pinaalis ko siya."

"I don't believe you! Ilabas mo siya!" aniya at mas lalo pang diniinan ang pagkakahawak sa buhok ko.

"Hindi ko na kasalanan kung ayaw na niyang bumalik sa 'yo!" sigaw ko.

Nanlisik ang mata niya sa galit, dahilan para itulak niya ako. Napaupo ako sa sahig sa lakas no'n.

"Akin si Sam naiintindihan mo?" puno ng pangaangkin niya 'yong sinabi saka ako sinampal.

Ngumisi ako. "Wala akong pakialam sa inyong dalawa."

Totoo naman e, pakialam ko sa kanila? Sino ba sila para pakialaman ko pa?

She was about to say something nang bigla kong marinig ang tinig ni Calix mula sa likuran.

"Kesh," aniya, bago pa ako makalingon ay 'ayun na siya sa likuran ko, inalalayan niya akong tumayo.

Napunta ang paningin ni Calix kay Fey. "Sino ka? Paano ka nakapasok dito?"

"Hindi na mahalaga 'yon! Ang gusto ko ilabas niyo si Sam!" sigaw niya.

Ang kulit naman ng lahi nito! Sinabi na ngang hindi ko alam!

Inis ko siyang tinignan. Lumapit akong muli sa kanya. "Sinabi ng hindi ko alam diba? Tanga ka ba? Bingi o Bobo?"

Bago niya pa man ako masaktan ay may mga security ng umawat sa kanya.

"Ma'am, Sir, pasensya na at ngayon lang kami, kanina pa namin siya hinahanap, dito lang pala nagpunta," anang isa sa security.

Tumango si Calix at tumabi sa akin. "Ilayo niyo 'yang babae na 'yan dito, siguruduhin niyong hindi na siya babalik."

Tumango ang mga security saka hinatak si Fey palayo. Bumuntong hininga ako saka sinulyapan ang pinto. Binalingan naman ako ni Calix.

"Bakit hindi ka gumanti? Bakit hinayaan mong ganunin ka lang?" may bakas ng inis sa boses niya.