(تائهه بين عشقه وقسوته) للكاتبه آيه سيد

الحلقه61الجزء الاول

الحلقه(61) 
الجزء الاول

"انتي حبي الاول والأخير"

بسمه بهدوء وهي تربت علي كتفه: اهدي يا تيم.. انت مكنش بأيدك. حاجه..

تيم بغضب: ازاي بتطلبي مني اهدي انتي متعرفيش النار اللي جوايا بسبب وجعها كل الفتره دي شكله إيه.. ازاي انساها ازاي قلبي
يطاوع عقلي وينساها..

كانت يقولها بوجع

دمعت بسمه وهي تهمس له تهدءه : انا انا مش عارفه اقولك إيه.. بس انت لازم تاخدلها حقها من كل اللي ظلمها وآذها.. وبالذات من سما اللي شايفه نفسها علي الناس دي..

تيم : لو لازم اخدلها حقها من اللي ظلموها فأنتي هتكوني اول واحده.. لان سكوتك ظلمها أكتر بل وأذاها.. لو جيتيلي وقولتيلي كل حاجه  مكنش حصلها كل ده انما انتي استسلمتي وخضعتي لاوامر يحي الطوباجي.. مش هسامحك يا بسمه لو جرالها حاجه.. حتي أمي واللي مفروض تكون اول واحد تدعمها ‘تقف جنبها تخلت عنها علي الاقل كانت تعمل كده بدافع صداقتها مع مرات عمي  ...

بسمه: تيم أنا آسفه و

لكنه قاطعها بحزم: خلاص الكلام ده وقته فات.. انا دلوقتي لازم ادور عليها وأعرف هي موجوده فين..

بسمه: وانا هاجي معاك..

نظر لها مطولا ليستسلم بعدها وهو يخطي خطوات مسرعه نحو باب المكتب وبسمه كانت ورائه..

لكن توقف عندما ظهرت سما امامه..

سما بضيق: رايح فين..

هو بغضب حاول كثيرا ان يتمالكه : ابعدي عن وشي يا سما..

سما: مش هبعد غير لما تقولي رايح فين الأول

فتتعالي أنفاسه الغاضبه وتبرق عيونه الغاضبه وبكل جفاء وغلظه يزيحها من أمامه بعنف حتي انها كادت ان تسقط لولا انها تماسكت
لتقف خلفه وتهدر به بضيق وغضب شديد وانفاسها المنفعله تتعالي بعنف علي أوتار مختلفه

سما بعصبيه: أكيد رايح للجربوعه بتاعتك عديمة الشرف ال

قطع كلماتها بصفعه قويه علي خدها الايمن

فهو لم يتمالك أعصابه عندما سمعها تتحدث هكذا عن روبا وفورا وفي اقل من الثانيه كان يقف امامها وصفعها بقسوه تردد صداها في كل مكان..

لتنظر له بعيون لامعه من الغضب والغيظ : انت ازاي تضربني عشانها
انت اتجنننت
كانت تصرخ بها في وجهه

ليمسك مرفقها بقوه هادر بفحيح غاضب مدمر محرق: عمري في حياتي ما مديت ايدي علي بنت بس لما توصل انك تتكلمي عن حبيبتي وحياتي بالطريقه القذره دي.. يبقي مش بس تستاهلي الكف ده لأ دا انتي تستاهلي القتل.. اوعي مره تانيه اسمها ييجي علي لسانك حتي لو في الخير انتي فاااهمه..