الحلقه31
الجزء التاني من(جنيه غزت قلبي)
عديله: اسمها رنيم!!!!
شهقت ندي الواقفه عند باب الرسيبشن فهي من ان سمعت صراخ راكات حتي اتت لتري ما يحدث...
هي متأكده بانها هي رنيم ذاتها لانها تعرف عديله جيدا فهي دائما كانت تزور رنيم وامها من وقت لآخر..
لكن كيف لرنيم ان تكون اخت راكان!!!
هذا ما لا تفهمه...
التفت لها العيون عندما سماع صوت شهقاتها
لكن راكان كان في عالم آخر... صدمه ان اخته التي يظنها ميته كل تلك السنين وهي مازالت حيه ترزق... وصدمة انها ربما تكون هي نفسها رنيم... رنيم التي ظلمها معه بقسوته...
هل من المعقول ان تكون اختي؟؟؟
كان يدور في رأسه الف سؤال وسؤال.. عقله يكاد يتشتت بسبب ذلك...
اقترب من عديله قائلا : رنيم مين!!!!
عديله بأيجاز : بص يا بيه انا هحكيلك الحكايه من طقطق لسلام عليكم...
نظرت مطولا لناديه الواقفه كأن احدهم لسعها بقرباك وبعدها تحدثت قائله: لما ابوك ومراته ماتوا في الحدثه.. كان قبلها مروه اللي هي مرات ابوك كانت سايبه عندي رنيم عشان اخد بالي منها عابال متيجي وكده... بس قدر ربنا بقي خلاها مش ترجع خالص وتوفت في الحدثه...
ثم قالت بدموع: ربنا يرحمك يا مروه.. والله كانت نعم الجاره.. عارف مروه دي كانت دايم
قاطعها بنفاذ صبر قائلا: مش هتحكيلنا قصة حياتك انتي.. يلا كملي عشان صبري بدأ ينفد..
اومأت بخوف ثم اكملت: قومت روحت بالبت عند ناديه هانم دي.. بس هي قالتلي اني اخدها عندي واربيها وعطيتلي مبلغ كبير اووي. بصراحه انا الفلوس زغللت عيني ورضيت علطول... رقالتلي انا مجيبش سيره لحد عنها يعني ما اقولش انها من عايلة الشافعي وكده.. واني اسجلها علي اسم جوزي... بس بعد كده جوزي ما استحملش الوضع وقالي ارجعهلها.... فانا خدتها وروحتلها مره تاني.. بس هي بردوا اديتني فلوس قد اللي عطتهملي المره اللي فاتت وقالتلي انها كل سنه هتديني ضعف المبلغ ...فخدت الفلوس ووافقت... ولما روحت لجوزي حلف عليا بالطلاق اني ارجعها.. ففضلت افكر في الموضوع لحد ما وصلت لحل كويس....
روحت بالبنت عند صاحبتي اللي هي اصلا مش بتخلف متجوزه اديلها ست سنين وربنا مش رزقها بعيال.. وما صدقت اني جبتلها رنيم.. ووافقت انها تربيها وتقول للناس انها بنتها وسجلتها كمان علي اسم جوزها خصوصا انها كانت لسه مولوده من قريب فسهل ان الناس تصدقها...... وكانت ناديه هانم كل سنه بتبعتلها فلوس.. بس من 9 سنين ناديه هانم قطعت الفلوس دي وانا ما اهتمتش بما اني مش بربيها.... بس مش قدرت اسكت لما البنت اتيتمت تاني لما صاحبتي ماتت لسه النهارده ميته.. فقولت اجي اقول لناديه هانم علي اللي حصلها يمكن قلبها يحن عليها دي مهما كانت بردوا اخت ابن اختها...
كان مصدوم من كل كلمه قالتها فأقترب منها ليقول : عارفه لو كنتي بتكدبي في كلمه واحده من االلي قلتيهم هعمل فيكي ايه
أنت تقرأ
(تائهه بين عشقه وقسوته) للكاتبه آيه سيد
Teen Fictionالجزء التاني من جنيه غزت قلبي "كامل" العشق هو داء ودواء فكان دواءه من قسوته.. احبها حد النخاع لكن بعد فوات الآوان بعد ان زرع بداخلها كره دفين له..وبعد ان اقسمت علي الانتقام منه فهل ستسامحه ؟؟ وكيف يكون الذئب عندما يعشق.. ؟؟
