He Robbed My heart (editing)

Chapter 45

Lumipas ang mga buwan malamig ang simoy ng hangin ngayon sa Paris. First time ni Cham makaexperience ng nyebe. Sobrang kapal ng suot niya ngayon dahil sobrang siyang nilalamig pati ang guantes niya ay makapal at ang boots na suot din. Andito siya ngayon sa photoshoot ng advertisement ni Sharm para sa isang cosmetic company, simula ng sinama siya ng matalik na kaibigan ay naging personal assistant siya nito.

“Are you okay Ms. Cham?” tanong ng assistant producer sa kanya na isang French. Napansin siguro nito na kanina pa siya nagkikiskis ng mga kamay niya at dinadampi sa mukha niya.

“Yes Mr. Rice i’m okay I’m just not use to this kind of weather but I’m sure I will be fine soon.” Kiming ngiti niya. Umalis din kaagad ang lalaki dahil humudyat na ang director na magsisimula na ang shooting nila. Binigyan naman siya ng isa sa mga staff ng isang mainit na tsokolate para maibsan ang lamig na nararamdaman.

Sobrang ganda talaga ni Sharm kaya ang daming mga offer nito halos hindi ito mabakante sa mga projects na inoofer sa kanya. Noong bago nga siya dito sa Paris ay inoferan din siya magcommercial pero tumanggi siya ilan beses na din siya kinulit ng manager ni Sharm na siya hahawak sa kanya pero ayaw niya talaga.

Nagulat siya ng magvibrate ang celphone sa pouch niya buti na lang at naka silent ito kundi hindi nakakahiya at gagawa pa siya ng ingay.

Nang tignan niya isang text galing kay Brandon.

“Love i really feel so empty if I’m not beside you I miss you so much will be there soon. Arggh miss na miss na kita I love you thank you for giving me a chance I promise na babawi ako pagdating ko diyan I love you talaga love”

Napangiti naman siya ng makita ang mensahe ng kasintahan, hapon ngayon sa Paris at sa California ngayon ay sobrang aga palang bagong gising siguro si Brandon ng magtext sa kanya. Simula ng dumating sila sa Paris ay hindi na siya pinabayaan nito katuwang si Sharm, pinadama ni Brandon sa kanya na talagang mahal siya nito na karapat-dapat siyang maging masaya ulit.

Madami siyang napagtanto sa araw-araw na andito si Brandon noon at dinadamayan siya. Kaya naman hindi na siya nagdalawang isip at hinayaan na niyang makapasok sa buhay niya na ng tuluyan si Brandon hindi naman na iba sa kanya si Brandon kung tutuusin mas kilala niya pa ito since ilang taon na din silang magkaibigan. At hindi nga siya nabigo dahil lagi siyang pinapasaya ni Brandon.

Ayaw niyang maging unfair ka Brandon sinabi niya dito na hindi pa niya ito mahal ng lubusan pero susubukan niya at wala naman ito sa binata tinanggap niya ng buong-buo si Cham sa panahon na wasak na wasak ang pagkatao nito. Walang pakialam si Brandon kung ano man ang nakaraan ni Cham ang mahalaga ang pinakamamahal niyang babae ay nasa kanya na ngayon.

“Love text me if pwede na ako tumawag may good news ako sayo. Love you love” text ulit nito.

Hindi na muna niya ito nireplyan hihintayin na lang niya matapos ang trabaho ayaw niya kasing mawala sa paningin ni Sharm baka may bigla kasi itong kailanganin tapos wala siya sa tabi nito. Sobrang laki na talaga ng utang na loob nito sa kaibigan laking pasalamat niya lang at may Sharm na kaibigan siya kung wala ito hindi niya alam paano na siya ngayon.

Sa ilang buwan na nakalipas simula ng umalis siya sa Pilipinas hindi niya pa din masabi sa sarili if nakalimot na ba siya ng tuluyan, aaminin niya na mahirap ang gawin yun lalo na sa taong nagbigay sayo ng sobrang kaligayahan at naipadama naman nito ang pagmamahal sa kanya pero kailangan na niyang magsimula at sa tingin niya ay nagagawa naman niya. Sa tulong na din ni Brandon, kaya lang minsan ay pakiramdam niya ay nasasaktan niya ito lalo na pag hindi siya nagreresponse sa mga I love you nito.

 “Hello love buo na naman ang araw ko narinig ko na naman ang boses mo.” Bungad ni Brandon pagkasagot niya ng telepono, tapos na kasi ang shooting ni Sharm andito sila ngayon sa isang café at magdidiner with other staff. Nagpaalam muna siya kay Sharm na lalabas para kausapin si Brandon.