He Robbed My heart (editing)

Chapter 33

Lumipas ang mga panahon at masaya pa din ang relasyon nila Cham at Ellsworth halos mag-iisang taon na silang magkasintahan. Abala ang utak ngayon ni Ellsworth sa kakaisip kung anong sorpresa ang pwedeng gawin sa darating na kaarawan ni Cham two weeks from now. Halos lahat ay umaayon sa kanya sobrang successful na ng men’s magazine nila naungusan na nila ang nangungunang men’s magazine. Maganda ang tinatakbo ng relasyon nila, masasabi na almost perfect na ang relasyon nila nakilala na din niya ang mga magulang nito ng isama siya nito sa wedding anniversary ng magulang nito noong nakaraan.

“Iho tumawag ang mama mo ah hinahanap ka hindi ka daw niya makontak sa cellphone mo” bungad ni Nanay Mitring habang naghahanda ng agahan ni Ellsworth.

“Bakit daw?” maikling tanong nito, habang hinahalo ang kape na inihain sa kanya.

“Hindi ka man lang daw natawag sa kanya nagtatampo na daw siya at sobrang busy mo ni kamustahin siya ay hindi mo magawa” sagot ni Nay Mitring, nakita naman nito ang bahadyang pagkunot ng noo ng alaga. Habang nagsisimula ng kumain.

“Pakisabi na lang Nay pag tumawag na ayos lang ako.” May pait sa mga boses ni Ellsworth at hindi naman ito nakalampas sa matanda.

“Galit ka pa din ba sa kanya?” mahinang tanong ng matanda sabay higop ng kape nito.

“Nay alam mo naman diba? Isa siyang pabayang ina.” Matigas ang boses nito halatang may itinatagong sama ng loob ito.

”Iho walang may gusto sa nangyari, hindi niya din ginusto ang nangyari” sabi ng matanda, natahimik naman siya ng makita na mukhang galit na ang alaga.

“Nay please lang wag niyo po sirain ang araw ko. Ayaw ko na maalala yun pinipilit ko ng makalimutan ang mapait na nakaraan na yan. Sana ito na ang huling beses ko na pag-uusapan natin ang tungkol doon. Alam kong napakabilis ng isang taon para masabi ko na hindi na ako nasasaktan pero pinipilit kong maging masaya na lang. Madaming bagay na nagpapasaya sa akin at ayaw kong mawala yun” pagkasabi nito ay binigyan lang ni Ellsworth ng isang maliit na ngiti ang matanda tumayo na at nagpaalam na dito.

Muli na namang bumalik tanaw sa isipan ni Ellsworth ang nangyari mahigit isang taon na ang nakakalipas. Ang panahon na ang puso niya ay puno ng poot at galit pero lahat ito ay kinalimutan na niya simula ng makilala si Cham. Ang kasintahan ang nagpadama sa kanya ng tunay na kaligayahan na hindi nabibili ng kahit na anong bagay. At ayaw na niyang bumalik pa ang poot sa puso niya.

***

San Jose California

“Welcome back kuya Brandon” masayang salubong ni Phoebe sa pinsan nito, pagpasok sa bahay kasama nito ang ina nito na sinundo siya galing sa rehabilitation

“Hi Phoebe salamat cuz” nakangiting sagot ni Brandon.

Nakalabas na si Brandon mula sa rehabilitation, wala siyang nagawa ng sapilitan siyang papuntahin dito ng Mommy niya dahil sa kalokohang ginawa ng masawi ito sa pag-ibig kay Cham. Natuto siya ng lahat ng masamang bisyo nilunod niya ang sarili sa droga, alak at babae sa paniniwala na baka makalimutan ang nararamdama kay Cham pero nagkamali siya sinira niya lang ang sarili, siya pa rin ang talunan sa mga ginawa niya. Walang naidulot ito na maganda baka mas lalo pa itong makabawas sa pagtingin ni Cham pag nalaman ang ginawa niya.

“Anak maraming salamat at nakalabas ka na din. Sana naman ay madami kang natutunan sa loob ng rehabilitation” maluha-luhang sambit ni Mrs. Aleman. NIyakap nito ang anak ng sobrang higpit, medyo pumayat si Brandon at bumagsak ang katawan nito. Sinalubong din si Brandon ng tita nito ang nanay ni Phoebe kapatid ito ng daddy niya.