Ikatlong Galak
Ika-26 ng Disyembre, 2016
08:29Pm. - 08:43Pm.
Sinlalim ng dagat
Sinlawak ng alapaap
Kamataya'y lalapat
Halik niyang mapagpanggap.
Ako'y magsasaad
Pag-iibigang nilipad
Sa along mapangwasak
Tinangay ang pusong bitak.
Ngayon inalala
Magkapiling - tuwa't saya
Ngiting abot tainga
Sinung makapantay? Wala!
'Di inaasahan
Yayaong kisap-mata lang
'Di mawaring pagdamdam
Pighati'y yapos, kat'wiran.
Sinlalim ng dagat
Sinlawak ng alapaap
Kamataya'y lalapat
Halik niyang mapagpanggap.
***
Ang karampatang sukat nito ay 6-8-7-8 mula dulo hanggang umpisa.
- JMuntikatah (Blintzero)
YOU ARE READING
Lahid Sa Pithaya
PoetryAng kahalagahan ng wika'y 'Di matutumbasan ng pera Pagpapaunlad neto'y Mamaniin kong sadya 'Pang maisatinta't diwa Ang ihahapag kong tulang Inaalay ko sa mga tala't Sa mga kababayan kong aba. - JMuntiKatah (Blintzero)
