Magpatuloy Sa Buhay
ika-11 ng Mayo, 2016
09:13Am. - 09:28Am.
Nais kong mahawakan ang iyong kamay
Samahan ka't iyong maging kaagapay.
Mumunting palaso ng tasahang-buhay
Aking sasaluhin ako man ay mamatay.
Nawa'y iyong malaman ang kahulugan
Ang buhay sadyang mapait kung titikman
Mga pagsubok ay dapat mo nang asahan
Tikas at tapang ang siya mong kinakailangan.
Adhikain mo'y napakahalaga rin
Kung panu makikipagbuno sa talim
Sarili'y asahan, harap ng salamin
Makakasagot sa 'yong tanong, ikaw lang din.
Kaya't gawin mong kapakipakinabang
Sutlang buhay hinabi nung kapanganakan
Iyong labanan mga pag-aalinlangan
Magpatuloy, magbunyi, magsaya, mabuhay!
YOU ARE READING
Lahid Sa Pithaya
PoetryAng kahalagahan ng wika'y 'Di matutumbasan ng pera Pagpapaunlad neto'y Mamaniin kong sadya 'Pang maisatinta't diwa Ang ihahapag kong tulang Inaalay ko sa mga tala't Sa mga kababayan kong aba. - JMuntiKatah (Blintzero)
