Bloodless War

Chapter 40

"Mimi!"     masayang sigaw ni Zen bago binitiwan ang laruan na bigay ng pinsan kong si Leon, at tumakbo palapit sa'kin.

Bahagya akong yumuko para buhatin si Zen at pupugin ng halik ang malambot nitong pisngi.

"How's my baby boy?"   tanong ko habang pinanggigigilan siya ng halik. Tawa naman nang tawa si Zen dahil malakas ang kiliti nito sa leeg.

"We are playing Sera, abala ka."   reklamo ni Leon kaya nginisihan ko siya.

"Gumawa ka narin ng anak para may kalaro ka."    pang-aasar ko. Kinuha ko ang laruan na nasa sahig at ibinigay kay Zen na karga ko.

"Paanong gagawa eh wala na ngang girlfriend 'yan? Balita ko tinanggihan ni Selene 'yong proposal mo ah?"   

Nandilat ang mata ko sa sinabi ni Humphrey. Nang lingunin ko si Leon ay busangot na ang mukha nito. Si Selene ang long term girlfriend nitong si Leon.

"Really? The conceited Leon Cordova got rejected?? Oh my gosh! Kailangan kong mag paparty!"    natatawang sambit ko 

"Nasaan na ang pinagmamalaki mong patay na patay sa'yo si Selene? Ano? Ikaw pa ngayon ang tinanggihan!"    pang-aasar ko pa.

Paano ba naman kasi, palagi niyang pinagmamayabang na hindi siya iiwan ni Selene dahil palagi itong naghahabol sa kanya, kahit noong nag-aaral pa sila. Pinagsabihan ko na siya na pwede ring mapagod si Selene kakahabol sa kanya pero hindi siya nakinig...ayan tuloy!

"Shut up Sera!"    ibis nitong sigaw at kinuha si Zen mula sa'kin. Sumama naman agad ang anak ko dahil sobrang malapit si Zen kay Humphrey at Leon.

Umupo ako sa tabi ni Humphrey habang si Leon ay hinehele si Zen. Maaga kasing nagising ang batang 'yan kaya paniguradong aantukin agad siya.

My baby Zen is turning 5 years old next month. Napagdesisyunan ko ring umuwi na sa Pilipinas para doon ganapin ang birthday niya. Wala pang ilang minuto ay nakatulog na si Zen kaya tumabi sa'kin si Leon habang kalong niya ang anak ko.

"You know...he looks like his father."    seryosong sambit ni Leon bago siya lumingon sa'kin.

"Yeah. Noong una kamukha siya ni Sera pero habang lumalaki..."   dagdag pa ni Humphrey. Nagkibit balikat ako.

Of course..Zen is Eros dela Vega's son! Ilang linggo matapos kaming makarating dito ay nalaman kong buntis ako...Syempre natakot ako noong una dahil walang tatayong ama sa magiging anak ko, pero naisip ko rin na hindi niya naman kailangan ng ama dahil nandito ako. Nandito rin ang mga pinsan ko at sina tito Levi at tita Sam. Kaya hindi ako nahirapan sa pagbubuntis ko. Nagawa ko pa ngang umattend sa tatlong magkakasunod ba fashion show kahit na buntis ako eh. Tumigil lang ako nang medyo lumaki na ang tiyan ko at hindi na kayang itago.

Naging masaya ang pagbubuntis ko dahil pakiramdam ko, nabigyan ulit ako ng pag-asa para ipagpatuloy ang buhay ko. Tinulungan ako ng mga pinsan ko at pati na ni Carlos. Sa Paris kasi ginanap ang huling fashion show na pinuntahan ko at saktong nandoon si Carlos. Magmula noon ay lagi na kaming nagkikita at bumili rin siya ng bahay dito sa States para raw mas malapit sa'kin. Alam niya rin na buntis ako at nakakatawa pa na inako niya ang responsibilidad na dapat kay Eros.

Carlos Roberts is very kind and loving person. Hindi siya mahirap pakisamahan dahil sa masiyahin nitong personalidad. He also came from a wealthy family. Carlos is a filthy rich guy from France! Sinong magaakala na ang nakatabi kong lalaki sa bus, at nakasama kong mag tampisaw sa dagat ay sobrang yaman pala? Hindi nalalayo sa'min ang estado ng buhay niya pero mas pinipili niya paring mamuhay malayo sa karangyaan.