The Bachelor's Lost Love (Great Bachelor Series #5)

Chapter 8

Disclaimer: This is still Unedited. Contains typos and grammatical errors.

___________

Tahimik akong nakikinig sa Prof namin sa Drug delivery system lecture. Sa totoo lang ay gusto ng bumagsak ng mga talukap ng aking mata. Nakakaantok kasi dagdag mo pa ang oras ala una hanggang alas tres na masarap naman talaga sanang matulog.

"Ang layo nanaman ng narating niyang isip mo" bulong sa akin ni Justine kaya naman tuloy napaayos ako ng upo.

"Shh...ha hindi ah!" Dipensa ko sa mahinang tinig dahil baka makita kami ng prof namin.

"Kahapon...nakita ka talaga naming bumaba sa sasakyan ni Sir Zach" pagpupumilit pa rin niya.

Actually kahapon pa nila ako tinatanong tungkol duon. At kahapon ko pa din itinatanggi ang nga paratang nila kahit alam kong nakita ng dalawang mata nila ang pagbaba ko sa sasakyan ni Sir Zach.

Di gaanong kalayuan sa university ako ibinaba ni sir Zach matapos naming manggaling sa North. Hindi ko naman alam na nasa jeep pala sila Justine patungong school at di nila sinasadyang nakita iyon.

"Hindi nga sabi ang kulit nito" dipensa ko pa.

"Tsk. Tsk. Tsk. Ang mga letche girls walang secrets" pangungunsensya pa niya.

"Eh wal..." di na natuloy ang pagdidipensa ko ng mapahinto ang lahat ng may kumatok sa pintuan.

Inirapan ko na lamang si Justine at ganuon din naman siya sa akin. Nagdrawing na lamang ako sa handout ko habang nakikipagusap yung prof namin duon sa kumatok.

"Ms. Hernaez may naghahanap sayo" sabi nito na ikinagulat ko.

"P..po?" Nagtatakang tanong ko.

Nakangiting ang prof namin na para bang nangaasar siya. "Mukhang may package ka" sabi niya sabay lakad patungong table niya at prenteng umupo.

Dahan dahan ang nagawa kong paglakad, wala akong alam tungkol sa package na pnagsasabi ng prof namin. Pagdating sa pintuan ay nagulat ako ng makita ko ang isang lalaki na nakauniform ng Lbc kung di ako nagkakamali.

"Po?" Tanong ko sa kanya.

"Good afternoon Ms. Sofia Hernaez may nagpadala po nito para sa inyo" sabi niya.

Agad nanlaki ang mata ko ng iabot niya sa akin ang isang malaking kumpol ng pulang rosas at isang paper bag na naglalaman ng chocolates.

"Pa Sign na lang po dito ma'm" sabi nung delivery man bago umalis.

Shock na shock ako sa mga pangyayari kaya naman tuloy wala sa sarili akong pumasok sa classroom namin at nagising ako sa katotohanan ng magsigawan ang mga classmates ko.

"Sinasabi ko na nga ba!" Akusa ni Justine ng tamad na tamad akong umupo sa upuan ko.

Buong class hour ay di ako nakatakas sa mapangasar na tingin ng mga classmates ko maging ang mga kaibigan ko ay matalim ang mga tingin sa akin na kalaunan ay sinusundan nila ng ngisi. Pati nga ang prof namin eh humuhugot pa at palagi ako ang pinapatamaan.

"That's all for today" anunsyo nito ng magalas tres na.

Hinintay ko munang maunang magsitayuan ang mga classmates ko bago ako tumayo. Pinulot ko ang bulaklak na nilapag ko sa sahig kanina.

"Well well well...anong nangyayari?" Taas kilay na tanong ni Cristine habang nakahalukipkip pa.

Nakanguso akong tumingin sa kanya at nagkibit balikat. "Wala akong alam...baka nagkamali lan..."