It Started With a Quiz

Chapter 5

Jethro's POV

Nandito kami sa cafeteria. Pinagkakaguluhan na naman. Andami paring babae sa gilid namin. Yung iba kuha ng kuha ng litrato, mga nagiging paparazzi pag dumadating kami.

Biglang nagpalatak si Chie sakin. "Torpe." sabi naman ni Gelo.

"Torpe? JETHRO? NATOTORPE? Bwahahaha!" Tumawa ng malakas si Axe.

"It's your chance dude!" sabi naman ni Drew sakin habang nagpapacute sa mga babae sa gilid namin.

"Tss." sagot ko nalang.

Talagang sayang! Talagang sinadya ko ang mga nangyari. Ramdam ko papatayo siya nun at sinakto ko talaga na mababangga siya sa akin.

Pero nakakatakot talaga ang isang yun. Pinahiya ako sa buong kababaihan sa cafetaria. Pero kahit ganun, binawian ko nalang siya ng halik sa kamay. Kahit papaano hindi nasayang ang pagkakataon.

"Pero dude! Bilib ako sa halik-kamay method mo ha! Pumatok pa rin. Bwahaha kala ko lalamunin ka na ng kilay nung babaeng yun eh!" kantiyaw pa rin ni Axe sakin. Dinunggol ko naman agad siya.

"Nahawakan mo na pre yung kamay niya! Hindi mo pa rin ba siya natatanong para lumabas at makipagdate sayo?" tanong ni Chie sakin.

Oo nga ano? Hindi ko pa rin siya natatanong na lumabas kami.

Bakit ba sa dinami dami ko nang nayaya na babae na kumain sa labas, sakanya parang mauutal ako at umuurong kusa dila ko kapag nandyan siya.

"Hindi niya nahuhugasan yan!" loko naman sakin ni Gelo.

"Shut the fuck up, bro" sabi ko. Sabay kibit balikat nalang siya na natatawa.

"Pero pre, stick to one yan.. Stick to one hundred." sabi ni Drew.

Naghagalpakan nanaman silang apat sa kakatawa.

"Nagsalita naman ang sampu sampu ang katext." sabi ko.

Tawa pa rin sila ng tawa. Tumalikod na ako sa kanila at kumain. Walang tigil pa din ang tawanan at nagkuwentuhan na sa kung anu-anong kabalastugan.

Oo kahit na loyal ako kay Krissanta. Marami parin akong nilalandi—Kasalanan ko bang ako ang nilalapitan?

Natapos na ako sa pagkain at tumayo na muna ako para mag-CR. Ayun silang apat tawa pa rin ng tawa at pinaguusapan yung mga chicka babes nila.

Dumiretso na ako sa CR at inayos ang buhok habang nakatingin sa salamin. Kaya ako hinahabol eh.

Hindi na ako pumasok ng last subject. Nabadtrip ako ng konti sa nangyari kanina eh. Nautal nanaman ako. Kung hindi niya lang ako natarayan siguro kahit papaano nasabi ko man lang ang dapat kong sasabihin.

Tumambay na ako agad sa kotse ko dahil balak ko nang umuwi. Nakakapagod rin kasi mag-aral at maging pogi eh. Bakit kasi di nalang ako makatulog ng apat na taon at sa paggising ko, graduate na ako?

Sakto namang alas-singko na. Alam ko na labasan na ng klase nila Krissanta.

Sakto nga namang isa isa nang lumalabas ang mga taga Class A. Natanaw ko na agad si Orella kasama si Krissanta.

Hinagilap ko kagad ang cellphone ko. Agad agad kong dinial ang number niya na ibinigay sakin ni Drew na galing sa sources niya. Nagbabakasakali ako na matanong ko siya kahit man lang rito.

*kriiiing kriiiiing*

Nakatingin parin ako sakanila na nakatayo sa lobby. Ba't parang hindi niya sinasagot?

Baka naman mali ang ibinigay sakin na number? Tantado talaga 'tong si Drew! Iba na naman siguro tong number na 'to. Naloko ako nun ah! Ibaba ko na sana nang bigla niyang sinagot ang telepono.

Nakatitig lang ako sakanya. Naiwan na siyang mag-isa sa tapat ng lobby.

"Hello?" sabi niya.

Oo siya nga. Number niya ito. Sa wakas hindi pumalpak ang mga alipores ko.

"Hello?" sabi niya ulit.

Nakatitig lang ako sakanya. Nung akmang ibaba niya na ang tawag, dali dali na akong sumagot.

"Hi. I love you." sagot ko sabay pindot sa end call.

Shit.

Anong nasabi ko sakanya?!

Nakita ko naman reaksyon niya mula sa lobby. Parang nairita siya kaagad dahil kumunot ang noo niya habang nakatitig sa cellphone niya. Umalis na rin siya at sinundo na ng isang Camaro na pula.

Dapat yayayain ko lang siya ngayon kaso umurong na naman ang dila ko. Nasabihan ko pa ng maling salita.
Mali nga ba ako?

Ang malala talaga dun yung, I love you pa ang nasabi ko.

That was my first time saying I love you to a girl—T'was my first time...

----------------------------------------

Author's Note:

Weeeeeeehhhhhhh! :")

Grabe naman tong si Jethro! ❤❤❤

Nag-I love you kay Krissanta. Pero torpe pa din ang lolo mo! Speechless parin kay Monster.

Ikaw na bulyawan at tarayan. Hahahaha!

Kahit chickboy pala tumitiklop din sa taong gusto nila.

Pero hanggang kailan kaya yan matotorpe?

hmmmm..

Leave your comments! Make suggestions for the next chapter.

Kung sino may pinaka magandang idea, sayo ko idededicate ang next chapter! :")

kailangan ko nang maraming readers huhuhu :"( Pampainspire at pampalakas loob lang pows para matuloy ituuuu. :) Can I? Please spread this story.

Then follow me ha? Connect connect tayo❤

twitter : @elishaaang

~queendaldalita