Uni
.
.
ကျော့်ကို မျှော်နေမိတာ ဒီနေ့နဲ့ဆို သုံးရက်မြောက်ရှိပြီဖြစ်သည်။ နေခြည် ခဏလေးမရှိတာနဲ့ မနေတတ်တဲ့ ကျော့်ကို အရိပ်ပင်မမြင်ရပေ။ တစ်ခုခုမှားနေပြီဆိုတာ နေခြည်သိပေမယ့် ဘာကမှားနေမှန်းမသိ။ မမပြောစကားကြောင့် စိတ်နာသွားတာလား။ သူ့အမေနားမှာပဲ သားလိမ္မာလုပ်တော့မှာလား။ ဒါတွေလည်း နေခြည် ဝေခွဲမရ။ စုံစမ်းဆက်သွယ်စရာဆိုတာလည်း ဘာမှရှိမနေ။
" နေခြည်... နေကောင်းရဲ့လား ''
နဖူးလေးလာစမ်းကာ လက်ကလေးကိုင်ပြီး လာမေးတဲ့ မမကို နေခြည် ဆွေးဆွေးလေးပြန်ကြည့်ရင်း ခေါင်းခါပြလိုက်သည်။
" လူက နေကောင်းပါတယ် မမရယ် ''
မမကရော ကိုထွန်းလင်းကပါ ဂရုစိုက်ကြပေမယ့် နေခြည့်စိတ်ထဲ နွေးထွေးမနေပါ။ ကျော့်ကိုသာ သတိရနေသည်။ နေခြည့်ကို လာခေါ်မယ်ပြောသွားပြီး ပျောက်ချက်သားကောင်းလို့နေ၏။ နေခြည်ကတော့ ကျော် ဘယ်လိုပုံနဲ့လာခေါ်ခေါ် လိုက်သွားမည်ဟု စဥ်းစားထားသည်။
" မမ... သမီးဖုန်းထဲမှာ အော်ဒါတင်ထားတာတွေရှိတယ်။ ဖုန်းပြန်မပေးသေးဘူးလား ''
နေခြည့်ကို ကြည့်ပြီး မမက ခေါင်းယမ်းပြသည်။
" တစ်ရက် နှစ်ရက်နေရင် ပြန်ပေးမယ်။ အခုတော့နေဦး။ ''
မှိုင်တွေနေတဲ့ ညီမဖြစ်သူကို ကြည့်ပြီး ဇင်မီလည်း စိတ်မချမ်းသာ။ ဒံပုံအတိုင်းဆို ကောင်လေးက နေခြည့်ကို လာခေါ်ဖို့ရာ မဖြစ်နိုင်တော့ဟု ထင်သည်။ နဂိုတည်းက အမေကြောက်တဲ့သူမို့ ပြဿနာဖြစ်ကာစမှာသာ သွေးပူပြီးလိုက်လာပေမယ့် အမေနဲ့အဆင်ပြေသွားကာ မိန်းမကို မေ့ကောင်းမေ့သွားနိုင်သည်။ ညီမကို အလိုလိုက်ပြီး ထိုအိမ်ကို လွယ်လွယ်ထည့်ပေးလိုက်မိတဲ့ ကိုယ့်ကိုယ်ကိုယ်သာ အပြစ်တင်မိတော့သည်။
" ကဲ နေခြည် လာ ထ။ မမနဲ့ ကိုလင်းဆိုင်ကို လိုက်ခဲ့။ ထမင်းချိုင့်သွားပို့ရအောင် ''
ဇင်မီရုံးတက်ရတဲနေ့တွေဆို ကိုလင်းက ထမင်းဟင်း စီစဥ်ပြီးချက်တာမို့ ရုံးပိတ်ရက်ဆို ဇင်မီချက်တာပဲ စားဖြစ်ကြသည်။ အရင်ကတော့ ဆိုင်မှာပဲ တစ်ခါတည်း ချက်စားပေမယ့် အခုတော့ ညီမလေးရှိနေပြီး ဆိုင်ကို လိုက်ခဲ့ပါဆိုလည်း ခေါ်မရတာကြောင့် အိမ်မှာပဲချက်ပြီး နေ့လယ် ချိုင့်သွားပို့လိုက်၏။
YOU ARE READING
မခွဲအတူ
Teen Fictionငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း
