" ခြည်ခြည်ရေ လိုက်မှာလား ''
တခြားသူငယ်ချင်းတွေကပါ ဖုန်းဆက်ပြီး လည်ဖို့ပြောလာကြသည်။ သူငယ်ချင်းတွေ အုပ်စုလိုက်မို့ နေခြည်လည်း လိုက်သွားချင်သည်။ ဂုဏ်ထူးများများပါသည့် သူငယ်ချင်းတွေက မြို့ကြီးတွေမှာ ကျောင်းသွားတက်ကြမှာမို့ နောက်ပိုင်းဆို ခုလိုတွေ့ဖြစ်ကြမည်မဟုတ်ပေ။
" မမ... သမီး မုန့်စားသွားချင်လို့။ သူငယ်ချင်းတွေနဲ့ ''
မနက်စောစော မမဆီက မုန့်ဖိုးတောင်းဖို့ပြင်ရသည်။
" အေး မုန့်ဖိုးလိုလို့လား ''
" ဟုတ် ''
" ဂိုက်လစာတွေကရော ''
" အင်္ကျီဝယ်လိုက်တယ် ဟီးဟီး ''
" ငွေရှင်ကြေးရှင်ကြီးရယ် ပေးမယ် ခဏစောင့် ''
နေခြည် ငယ်စဥ်က မမနဲ့ သားအမိလို့ထင်ကြပေမယ့် ကြီးလာတော့ ညီအစ်မအရွယ်လိုဖြစ်သွားသည်။ နေခြည်က အရပ်ရှည်လာတာမို့ဖြစ်မည်။ နေခြည့်အသက် ၅ နှစ်၊ မမက ၂၅နှစ်မှာ အရမ်းကွာသလိုဖြစ်နေပေမယ့် အခု နေခြည် ၁၆နှစ်ရောက်လာတော့ ၃၆ နှစ် မမနဲ့သိပ်မကွာတော့သလိုပင်။
" မမ ''
" ဟင် ''
လချုပ်ချုပ်နေတဲ့ မမက နေခြည့် ခေါ်သံကြောင့်လှည့်ကြည့်သည်။
" ယောက်ျားမယူတော့ဘူးလား ''
" ဘာလို့လဲ ထူးထူးဆန်းဆန်း ''
" ဘာလို့မှ မဟုတ်ပါဘူး။ မေးကြည့်တာ ''
" တော်ပါအေ။ ဒီညီမတစ်ယောက်တည်းကို ပြုစုပျိုးထောင်ထားရတာပဲ တော်လှပြီ။ ပျင်းပြီအေ ''
" ဪ ''
" နေစမ်းပါဦး။ ညည်းရည်းစားရနေတာလား ''
" ဟာ ဘယ်က ''
" ထားရင်လည်း အစ်မကိုပြောပြဦး။ မထားနဲ့တော့မတားပါဘူး။ ဒါပေမယ့် မမပြောတာတွေ စိတ်ထဲမှာထည့်ထားနော်။ ယောက်ျားလေးတွေကို အယုံမလွယ်ရဘူး ''
" ဟုတ် ''
" ပြီးရော ကိုယ်ပြန်မကြိုက်နိုင်ရင်လည်း ကြိုးရှည်နဲ့လှန်ထားတာမျိုးမလုပ်ရဘူး ''
YOU ARE READING
မခွဲအတူ
Teen Fictionငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း