Uni
.
.တက္ကသိုလ်တွေ လျှောက်ကြပြီးတော့ ကျော်နေမင်းက ဥပဒေတက်ရမှာမို့ မုံရွာကိုပြောင်းရတော့သည်။ ကျောင်းပိတ်ရက်တိုင်း လိုင်းကားစီးပြီးပြန်လာလို့ရတာမို့တော်သေးသည်ဟုဆိုရမည်။ နေခြည်ကတော့ ရိုးရိုးတက္ကသိုလ်ပဲတက်မှာဖြစ်၏။
" မောင် အပတ်တိုင်းပြန်လာနော်။ ငါအရမ်းလွမ်းနေမှာ ''
" အင်းပါ ''
ထူးထူးခြားခြား ပိုးဟပ်ဖြူက ပန်းခြံမှာတွေ့ချင်တယ်ဆိုတာမို့ လူနည်းနည်းရှင်းတဲ့နေရာ ခုံတစ်ခုံမှာ ထိုင်နေလိုက်သည်။
" ပြောပုံကြီးကလည်း ခုကတည်းက ပစ်သွားချင်နေပြီမလား ''
ကိုင်ထားတဲ့လက်ကလေးတွေကို ရုန်းထွက်ပြီး စိတ်ကောက်ဖို့အစီအစဥ်စတော့၏။
" မဟုတ်ပါဘူး။ မောင်လည်း လွမ်းနေမှာ။ ခွဲချင်ပါ့မလားကွ။ ''
" စိတ်မရှည်တာလား ဒီလေသံက ''
သူ ဘာလေသံနဲ့ပြောမိမှန်းမသိပေမယ့် ပိုးဟပ်ဖြူက လေသံအနိမ့်အမြင့်နည်းနည်းပြောင်းသွားတာနဲ့ သိသည်။
" မဟုတ်ပါဘူး။ စိတ်ပဲကောက်နေတော့မှာလား။ မောင်က မနက်ဖြန်သွားရမှာ။ စိတ်ကြည်ကြည်နဲ့သွားချင်တယ်ကွာ ''
" ဒါဆို ငါကပဲ ရန်စနေတာပေါ့ ''.
" မဟုတ်ဘူးလေကွာ...ကျစ် မောင်က မနက်ဖြန်သွားမယ်။ အပတ်တိုင်းပြန်လာမယ်။ မောင့်ပိုးဟပ်ဖြူလေးကိုလည်း လွမ်းနေမှာ။ မသွားခင် အလွမ်းသယ်မလို့ဟာ ''
ပိုးဟပ်ဖြူတင်းတိုင်း သူလိုက်မချော့ရင် သေချာပေါက် ရန်ဖြစ်ရတော့မည်ပင်။ ရန်ဖြစ်ရတာ ရိုးနေပေမယ့် ရန်ဖြစ်တိုင်း အဆက်အသွယ်ဖြတ်တာ လမ်းခွဲစကားပြောပြီး ပစ်ထားတာတွေက သူ့ကို အရူးမီးဝိုင်းဖြစ်စေသည်။ ပိုးဟပ်ဖြူစိတ်ကောက်သည့်နေ့တွေဆို လူကစိတ်ပင်ပန်းပြီး အစားပင် ကောင်းကောင်းမစားနိုင်။ ပြတ်ရအောင်ကလည်း သူက မပြတ်နိုင်တာဖြစ်၏။
.
.ကျော်သွားပြီးတဲ့နေ့မှာတော့ နေခြည်လွမ်းနာကျတော့သည်။ ကျောင်းကိစ္စလုပ်စရာရှိတာလုပ်ပြီးတာနဲ့ အခန်းထဲခွေကာ ကျော့်ဆီဖုန်းဆက်မိသည်။ ဖုန်းမကိုင်ရင် ကျောင်းအပ်နေလို့ မအားတာတွေ ဘာတွေပြောလာရင် အကြောင်းပြတယ်လို့ပဲထင်ကာ ရစ်မိတော့ ရန်ဖြစ်ရ၏။ နောက်ဆုံးတော့ ငိုယိုကာစိတ်ကောက်အဆက်ဖြတ် ကျော်ကပြန်ချော့နှင့် သူတို့အတွဲက လုံးချာလည်နေသည်။
CZYTASZ
မခွဲအတူ
Dla nastolatkówငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း