Uni
.
.
" ဘာတွေပြောပြီး ရယ်နေကြတာလဲ ''
" ဒီမှာလေ မကြီးက ရုံးကအကြောင်းတွေပြောပြနေတာ ''
မကြီးကတော့ မငယ်အိမ်ထောင်ကျပြီးကတည်းက အဖော်မဲ့သလိုဖြစ်သွားတာမို့ ပိုးဟပ်ဖြူရောက်လာတာကို ပျော်နေဟန်တူသည်။ ကျော်နေမင်း အသီးတွေခွဲနေတုန်း မကြီးက သင်ပြီးသား ဟင်းရွက်တွေကို ရေခဲသေတ္တာထဲ ထည့်သိမ်းကာ ပန်းသီးစိတ်တစ်စိတ်ယူပြီး အခန်းထဲဝင်သွားတော့တာမို့ သူနဲ့ ပိုးဟပ်ဖြူသာကျန်ခဲ့တော့၏။
" ရော့ မိန်းမ။ ထမင်းစားနည်းလို့တဲ့ မေမေက ခွဲကျွေးလိုက်ဦး ဆိုလို့ ''
ကျော့်စကားကြောင့် နေခြည်ကျေနပ်သွားသည်။ ဒီလိုဆိုတော့လည်း ကျော့်အမေက နေခြည့်အပေါ် အရမ်းမုန်းနေပုံမပေါ်ပါ။ အစားသိပ်မစားနိုင်သူမို့ နည်းနည်းစားပြီးတာနဲ့ ဗိုက်ပြည့်တော့သည်။
" တော်ပြီ။ ''
" တော်ပြီလား။ ဒါတွေယူခဲ့လိုက်မယ်။ အပေါ်က ရေခဲသေတ္တာထဲထည့်ထားမယ်။ ည ဗိုက်ဆာရင် စားလို့ရအောင် ''
" အင်း ''
.
.
ညဘက် စကင်းကဲလေးလိမ်းပြီးတော့မှ အခန်းကိုသေချာစပ်စုမိသည်။ ညက ရင်တုန်နေတာနဲ့ ဘာမှ မကြည့်လိုက်ရ။ အခုမှ ဟိုလျှောက် ဒီလျှောက်ကြည့်မိတော့ စားပွဲပေါ်တင်ထားတဲ့ ခဲတံချွန်အရုပ်လေးကို တွေ့တော့သည်။ အရုပ်လေးဘေးမှာက နေခြည်တို့ စုံတွဲပုံလေးကို ထောင်ထားသည်။
မှန်ပြတင်းကနေကြည့်လိုက်တော့ လမ်းမီးက လမ်းမပေါ်ဖြာကျနေသည်။ ပြတင်းပေါက်လေးကို အသာဖွင့်လိုက်တော့ ဆောင်းရာသီဝင်ကာစ လေနုအေးက တိုးဝင်လာတာမို့ ကြက်သီးလေးတွေပင် ဖြတ်ပြေးသွားရ၏။
" ဘာတွေကြည့်နေတာလဲ။ ပြတင်းပေါက်ကြီး ဖွင့်ထားတာ မအေးဘူးလား ''
အခုမှ ရေချိုးပြီးထွက်လာတာမို့ နောက်ကလှမ်းဖက်လိုက်တဲ့ ကျော့်ရင်ဘတ်နဲ့ လက်မောင်းတွေက အေးမြနေသည်။ နေခြည် ပြတင်းပေါက်ကို ပြန်ပိတ်လိုက်ပြီး စားပွဲပေါ်က အရုပ်ကလေးတွေဆီ ပြန်ကြည့်လိုက်၏။
YOU ARE READING
မခွဲအတူ
Teen Fictionငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း
