Uni
.
.
" သားသား လာဦး ''
မေမေက ပြန်ရောက်လာတာနဲ့ သူ့ကိုခေါ်တာမို့ ရင်တထိတ်ထိတ်ပင်။
" ဟိုကလေးမနဲ့ ကြိုက်နေကြတာလား ''
" မကြိုက်ပါဘူး မေမေရဲ့ ''
မလွတ်မှန်းသိသားနဲ့ လိမ်ပြောလိုက်မိသည်။
" ငါ့မျက်လုံးနဲ့ တည့်တည့်တွေ့တာတောင် ငြင်းတုန်းလား။ ဟိုကလေးမကို လက်ဆွဲပြီးပြေးသွားတာလေ ''
ပန်းပင်ပေါက်လာဝယ်ရင်း အပြင်မှာ သားဆိုင်ကယ်တွေ့လို့ ပတ်ကြည့်တော့ ရည်းစားနဲ့ချိန်းနေတာပင်။ လုံးဝသဘောမကျတဲ့ ကလေးမနဲ့မှ တွဲနေသော သားဖြစ်သူကြောင့် ဒေါသက ထွက်ပြီးရင်းထွက်ရသည်။
" ပြန်ပြောလေ...ဟုတ်လား မဟုတ်ဘူးလား ကျော်နေမင်း ''
" ဟုတ်ပါတယ် ''
" ဟင်း.... ငါထင်နေတယ် ဘယ်ကတည်းကလဲ ''
" အောင်စာရင်းထွက်ပြီးမှပါ ''
" ငါ မေးတုန်းက မရှိဘူးဆို ''
" မေမေက ပိုးဟပ်ဖြူကိုမုန်းနေတာကိုး ''
" အေး နန့်တန့်တန့်နဲ့ ယောက်ျားလေးတိုင်းကို အထာပေးနေတဲ့ ကောင်မမျိုးမို့ ငါမတည့်တာလေ ''
" မဟုတ်ပါဘူးဆို မေမေရာ ''
" ဟဲ့ နင်တို့ သူ့ကြောင့်ရန်ဖြစ်တာ ရုံးခန်းထိရောက်တယ်လေ။ လူကြည့်တော့ ပျော့ပျော့နဲ့ တကယ့်ကြောင်ချီး ''
" မေမေလို့ ''
" ငါမပြောချင်လို့ နင့်ကို ရိပ်မိတာကြာပြီ။ ဟိုကဖုန်းဆက်လိုက်တာနဲ့ ထမင်းစားတုန်း ထ သွားလိုက်၊ ညလုံးပေါက်မအိပ်ဘဲနေတာတွေ ငါမသိဘူးများမှတ်လား။ ကောင်မက ငါ့သားကိုများ နိုင်စားလို့ ''
" မနိုင်ပါဘူး မေမေကလည်းဗျာ ''
" မနိုင်လို့ဘဲ အဲဒီကောင်မမှန်းသိရင် ငါအစောကြီးတည်းက ဖြတ်ခိုင်းတယ်။ ယောက်ျားတန်မဲ့ဟယ်။ ကြိုက်စရာရှားလို့ ''
" မေမေ သားက တကယ်ချစ်တာ ''
" အမလေး လူက အမွှေးတောင်မစုံသေးဘူး။ ဘာအချစ်တုန်း။ တော်ပါပြီအေ။ မင်းသဘော မင်းဟာမင်း ကြိုက်သလိုစီစဥ်။ ငါဝင်မပြောတော့ဘူး ''
YOU ARE READING
မခွဲအတူ
Teen Fictionငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း
