Uni
.
.
.
သူငယ်ချင်းတွေကို ရည်းစားတွေဖြစ်ကြောင်းပြောပြီးပြီမို့ ပိုးဟပ်ဖြူနား ကို မျက်နှာပြောင်တိုက်ပြီး ကပ်ခွင့်ရတော့သည်။
" ကျော်နေမင်း... နင် ဟိုဖက်သွားနော်။ ဘယ်လိုဖြစ်နေတာလဲ ''
မုန့်လုံးလုံးတာကို နေခြည့်နား ကပ်နိုင်သမျှ ကပ်ကာ ထိုင်နေတာမို့ တွန်းထုတ်ပစ်လိုက်၏။
" မုန့်လုံးနေတာလေ ''
" နေရာ အကျယ်ကြီးပဲဟာကို။ တခြားနေရာသွား ''
" No ပါ ''
ခွာမရတဲ့အဆုံး အကပ်ခံလိုက်ရတော့၏။
.
.
" ပိုးဟပ်ဖြူ ခဏလာဦး။ ပြောစရာရှိတယ် ''
အရှေ့မဏ္ဍပ်ထဲမှာ အလုပ်ရှုပ်နေကြလို့ အနောက်မှာ လူမရှိတာကို အခွင့်ကောင်းယူကာ ပိုးဟပ်ဖြူကို ဆွဲခေါ်လာခဲ့သည်။
" အေး... ငါလည်း နင့်ကို ပြောစရာရှိတယ် ''
ပြောစရာရှိလို့ လာခေါ်တဲ့သူက ကျော်ဖြစ်ပေမယ့် နေခြည် လည်း တစ်နေကုန် မကျေနပ်တာတွေပြောဖို့ လုပ်တော့၏။
" နင် ဘာအရူးထတာလဲ ကျော်နေမင်း။ သူငယ်ချင်းတွေကြားထဲ ငါရှက်လို့မပြောတာနော်။ နင်နဲ့ ပြတ်ပြီလို့ ဘယ်နှခါပြောရမှာလဲ။ ''
" ဘယ်သူက ပြတ်လို့လဲ။ မောင်က မပြတ်နိုင်ဘူးလို့ ပြောထားပြီးသားလေ။ မင်းမှ လက်မခံတာ ''
" ကျော်နေမင်း ''
" ဗျားး....''
" နင် ပြောလေ ပိုဆိုးလေပါလား။ ကဲ... ကဲ ...''
နေခြည်ပြောသမျှကို အရာမဝင်သလို နားမထောင် အရေးမစိုက်တာမို့ စိတ်တိုလာကာ ကျော့်ကို ထုရိုက်ပစ်လိုက်သည်။
" တော်ပြီလား။ ရိုက်ဦးလေ ''
မျက်နှာတွေ နီမြန်းတဲ့ထိ စိတ်တိုကာ သူ့ကို အားရပါးရ ထုရိုက်ပြီး မောနေတဲ့ ပိုးဟပ်ဖြူကို ပြုံးပြုံးကြီးစိုက်ကြည့်ကာ ပြောလိုက်သည်။ သူ့ကို မျက်စောင်းထိုးကြည့်ရင်း ခါးထောက်ကာ စိတ်တိုနေတဲ့ပုံလေးက ချစ်စရာလေးမို့ ကျော်နေမင်း အသည်းယားလှ၏။
YOU ARE READING
မခွဲအတူ
ספרות נוערငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း
