Uni
.
.ကျော်တို့အိမ်မှာ နေရတာ နေခြည် နေသားကျလာသည်။ စျေးလည်းပြန်ရောင်းကာ နေခြည့်ရဲ့ စူပါကတ်ဆိုင်ကယ်လေးကိုလည်း ယူထားလိုက်၏။ တစ်ခုခုသွားစရာ လာစရာရှိလျှင် ကျော့်ကို လိုက်ပို့ဖို့ ပူဆာနေစရာမလိုတော့ပေ။ နေခြည်ကတော့ ပုံမှန်ရောင်းနေရပေမယ့် ကျော်က ကျောင်းတက်နေတုန်းကလောက်တောင် အရောင်းအဝယ်မဖြစ်တာမို့ စိတ်ညစ်လို့နေသည်။
" အဆင်ပြေသွားမှာပါ ကျော်ရယ် ''
နေခြည့်ပိုက်ဆံသုံးရဖို့ကို ကျားမြီးဆွဲရမှာထက် ကြောက်တဲ့ကျော့်ကို အရမ်းကြီးလည်း ဖိအားမပေးရက်ပေ။ မမကို ကတိတွေပေးခဲ့တာရော၊ အသက်ငယ်ငယ်မှာ အိမ်ထောင်ပြုပြီး တာဝန်မကျေဖြစ်မှာစိုးရိမ်တာရော မို့ သူများတကာထက် ကျော်က ပိုကြိုးစားမှန်း နေခြည်သိပါသည်။
" ကျော် ဒီနေ့သွားစရာရှိလား ''
" မရှိဘူး မိန်းမ။ ဘာဖြစ်လို့လဲ ''
" ဒီနေ့ ပစ္စည်းတွေရောက်မှာလေ။ အဲဒါ သွားယူရင်း မမဆီမှာ ညအိပ်မလို့ ''
" သွားကြမယ်လေ ''
ယောက္ခမဖြစ်သူက ဆိုးဆိုးဝါးဝါးဆက်ဆံတာမဟုတ်သည့်တိုင် နေခြည့်ကို ဖယ်ကျဥ်ထားဆဲမို့ အချိန်ရှိသရွေ့ မမဆီကိုသာ ပြန်ချင်နေသည်။ နေခြည်ပြန်လျှင် နေခြည့်ကို မခွဲနိုင်တဲ့ ကျော်က လိုက်လာခဲ့၏။ ဒါကိုလည်း မေမေက သဘောမကျ။
ညအိပ်မှာမို့ လိုအပ်တာလေးတွေထည့်ပြီး သွားကြဖို့ပြင်သည်။
" ဒါက ဘယ်တုန်း ''
အိမ်ပြန်မယ့်အချိန်ဆို မတိုးချင်ဆုံး သူနဲ့ တည့်တည့်တိုး၏။
" အိမ်ပြန်မလို့ မေမေ ''
နေခြည့်အဖြေကို လျစ်လျှူရှုကာ နောက်က အဝတ်အစားအိတ်ကိုင်လာတဲ့ ကျော့်ကို လှမ်းကြည့်သည်။
" မင်းမလည်းနော် ကျော်နေမင်း။ မအေ သက်ရှိထင်ရှားရှိသေးလို့ပဲ။ မိန်းမယူတော့လည်း ကိုယ့်သဘောနဲ့ကိုယ်၊ ကျောင်းနားတော့လည်း ကိုယ့်သဘောနဲ့ကိုယ်၊ ဒီမှာနေပါဆိုတာကို တစ်နှစ်နေပြီး အိမ်ခွဲချင်တယ် ဆိုတာလည်း ကိုယ့်သဘောနဲ့ကိုယ်ပဲ။ မအေအိမ်မှာ တစ်နှစ်လောက်ပဲနေတော့မယ့် ကိစ္စကို ဟိုအိမ် သည်အိမ်ကူးနေတာ တစ်ချိန်လုံး...''
YOU ARE READING
မခွဲအတူ
Teen Fictionငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း