Uni
.
." တကယ်ကြီးလား မမ ''
မမက ကိုထွန်းလင်းနဲ့ ချစ်သူဖြစ်နေကြောင်း ဝန်ခံတာမို့ နေခြည့်မှာ မယုံနိုင်ဖြစ်နေရသည်။ ကိုထွန်းလင်းကို စဥ်းစားပေးသင့်ကြောင်း နေခြည်ပြောထားတာ နှစ်လလောက်သာရှိသေးသည် မဟုတ်လား။
" အင်း တစ်ပတ်လောက်ရှိပြီ ''
မမပုံစံက တည်တည်ငြိမ်ငြိမ်ပင်။ ဆယ်ကျော်သက်တွေရည်းစားထားသလို ရှက်ကိုးရှက်ကန်း သိပ်မရှိလှ။
" လောလောဆယ်တော့ တွဲသွားတွဲလာကြီးမရှိသေးပါဘူး။ ဒါပေမယ့် သူကတော့ လက်ထပ်ချင်ပြီပြောတယ် ''
" ဗျာ...''
အံ့ဩသံမှာ ကျော်နေမင်းဆီက ထွက်လာတာဖြစ်သည်။
" ဘာဖြစ်တာလဲ နင်က ''
အံ့ဩတကြီးလုပ်နေတဲ့ ကျော့်ကို နေခြည် ဝင်ဟန့်လိုက်သည်။
" ဪ... ကျော်နေမင်းတို့ မိန်းမရချင်တုန်းက ဖျတ်ဖျတ်လူးပြီး ကဲလှပြီ အောက်မေ့တာ။ လူပျိုကြီးက ကိုယ်ထက်ပိုဆိုးနေတာကို အံ့ဩလို့ပါ။ မောင့်ထက်ဆိုးတဲ့လူရှိသေးတယ်နော် မိန်းမ ''
သူ့စကားကြောင့် အကုန်လုံး ပွဲကျကာ တဟားဟားဖြစ်ကုန်သည်။ လူပျိုကြီး ကိုထွန်းလင်းမှာလည်း ကျော်နေမင်း ပြောရင် ပြောချင်စရာပင်။ အဖြေပေးထားတာ တစ်ပတ်ယဲ့ယဲ့ရှိသေး၊ ဇင်မီ့ကို လက်ထပ်ပါတော့မယ်ချည်း တကဲကဲဖြစ်လို့နေ၏။
" ကောင်းပါတယ် မမရယ်။ အဲဒီအစ်ကိုကြီးက မပြင်မဆင်နေလို့ပါ။ ရုပ်လေးလည်း မဆိုးဘူး။ အိမ်ပိုင်ယာပိုင် ''
" အမလေး... ညည်းထက် ငါက နှစ်ပေါင်းနှစ်ဆယ်လောက် ထမင်းစောစားလာတာပါအေ ''
" ပြောပြတာပါ မမရဲ့ ဟဲဟဲ။ မဟုတ်လည်း မမတစ်ယောက်တည်းဖြစ်နေတာလေ။ ဆေးပေးမီးယူရတယ်။ ခေတ်ကာလက မကောင်းတော့ သမီးစိတ်ပူတယ် ''
" အမလေး ဖြစ်မှဖြစ်ရလေ... ဒီလောက်စိတ်ပူတာများ ငါ့ပစ်ပြီး ယောက်ျားစောစောယူနေသေးတယ် ''
မမက စလိုက်တာပေမယ့် ကျော်နေမင်း အားနာလို့သွားရသည်။ တကယ်လည်း ညီအစ်မနှစ်ယောက်တည်းရှိတဲ့ မိသားစုကနေ ပိုးဟပ်ဖြူကို သူက ခွဲထုတ်သွားတော့ တစ်ယောက်တည်းကျန်ခဲ့တဲ့ မမဇင်မီကို သနားမိသည်။ တစ်ဆက်တည်းမှာပဲ မေမေပြောသမျှ ပိုးဟပ်ဖြူ ဘယ်လို သည်းခံလာပါလိမ့်ဟု တွေးမိ၏။
ŞİMDİ OKUDUĞUN
မခွဲအတူ
Genç Kurguငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း