ဒီနေ့တော့ ဖြောင်အင်ပါယာရဲ့အရှေ့ပင်လယ်အကြောင်းကို နည်းနည်းမြင်သာလာအောင် ပုံလေးတွေပြရင်း ဖြောင်အင်ပါယာရဲ့ပထဝီမြေအနေအထား ဘာညာကွိကွကိုလည်း AI generated ပုံတွေနဲ့အတူ အနည်းကျဥ်းခြုံငုံ ရှင်းပြထားချင်တယ်။ နောက်အပိုင်းတွေမှာလည်း အသေးစိတ်တွေ ပါလာဦးမှာပါ။
ဖြောင်အင်ပါယာကြီးရဲ့အရပ် ၄ မျက်နှာ ပတ်ပတ်လည်မှာ ပင်လယ်တွေပါပဲ။ အဲဒီမှာ အရှေ့ပင်လယ်မှာ အသားစားရေနေသတ္တဝါမိစ္ဆာကောင်ကြီးတွေမျိုးစုံကျင်လည်နေကြတဲ့အကြောင်းကို ရှေ့အခန်းတွေတုန်းက မိတ်ဆက်ထားခဲ့ပြီးပါပြီ။
အနောက်ပင်လယ်မှာတော့ ရေသူမ၊ ရေသူထီးတွေနဲ့ ရတနာတွေ ပေါများတယ်။
တောင်ပင်လယ်မှာတော့ ကူးသန်းရောင်းဝယ်ရေး သင်္ဘောတွေ အများအပြားဖြတ်သန်းကြတော့ ပင်လယ်ဓားပြတွေလည်း ပေါပါတယ်။
မြောက်ပင်လယ်ကိုတော့ တရားကျင့်ကြံကြတဲ့ ပင်လယ်နတ်နဂါးတွေနေထိုင်ကြလို့ အေးချမ်းပါတယ်။ ဒီမြောက်ပင်လယ်ကိုလည်း ကူးသန်းရောင်းဝယ်ရေးသင်္ဘောတွေနဲ့ စွန့်စားခန်းခရီးထွက်လာကြတဲ့သင်္ဘောတွေလည်း ဖြတ်သန်းသွားလာကြတယ်။
ဖြောင်အင်ပါယာဆိုတာ မှော်ပညာတွေအထွန်းကားဆုံး ဖြောင်နိုင်ငံငယ်လေးကနေ ကုန်းမြေနယ်နမိတ်ထိစပ်နေသမျှ တစ်ခြားသောတိုင်းတစ်ပါး နိုင်ငံခြားတိုင်းပြည်တွေရဲ့နိုင်ငံငယ်၊ နိုင်ငံအလတ်၊ နိုင်ငံအကြီးတွေကိုပါ မှော်စွမ်းအားတွေနဲ့ သိမ်းယူထားနိုင်တဲ့ အင်ပါယာကြီးပေါ့နော်။ တချို့နိုင်ငံတွေကလည်း သူတို့ကိုယ်တိုင်ကိုက လိုလိုလားလား အညံ့ခံကြတယ်။
YOU ARE READING
ကမ္ဘာအဆုံးထိ မင်းရဲ့နယ်ရုပ်လေး [Chronicles of the Reincarnated Monarch ]
היסטורי בדיוני"ကမ္ဘာအဆုံးအထိ ကိုယ့်နှလုံးသားမြေဆီလွှာလေးမှာ မင်းတစ်ယောက်တည်းအတွက်ပဲ အချစ်ပျိုးပင်လေးတွေ ရှင်သန်စေမယ်။ ကိုယ်ဟာ မင်းလေးပြုသမျှ နုခံမဲ့ နယ်ရုပ်လေးတစ်ရုပ်...." "ကမာၻအဆုံးအထိ ကိုယ့္ႏွလုံးသားေျမဆီလႊာေလးမွာ မင္းတစ္ေယာက္တည္းအတြက္ပဲ အခ်စ္ပ်ိဳးပင္ေလးေတြ ရွင...