နောက်တစ်နေ့ထုတ်ပြန်လာချက်မှာ မြန်မြန်ဆန်ဆန်ပင်။
ကြင်ယာတော်ရွေးပွဲကို အောင်မြင်သွားကြသော တုံပေ
နယ်မှ လျန်ရွယ်ဝမ်အား ဝမ်ယွင်မိဖုရားအဖြစ်လည်း
ကောင်း၊ကျိုးအမတ်ချုပ်ကြီးသမီး ကျိုးရှောင်လုံအား
ရှောင်ကျုးမိဖုရားအဖြစ်လည်းကောင်း၊သံတမန်နယ်စား
ချောင်အမတ်မင်း၏သမီး ချောင်ဝေအား ဝေယွမ်မိဖုရား
အဖြစ်လည်းကောင်းနှင့်၊ကျန်ကိုယ်လုပ်တော်နှစ်ယောက်
အား အသီးသီးတင်မြှောက်ရန် ရက်သတ်မှတ်လိုက်၏။ထိုထဲတွင် ဝမ်ယွင်မိဖုရားအဖြစ် ဘွဲ့ချီးမြှင့်ခံရမည့်
လျန်ရွယ်ဝမ်မှာ အစောဆုံးရက်သတ်မှတ်ခံရသူဖြစ်သည်။ထိုသို့ညီလာခံကြေညာချက်အပြီး၌ ရှောင်းအရှင်ထံသို့ မထင်မှတ်သည့်သတင်းကောင်းတစ်ခု ဆိုက်ရောက်လာ
လေသည်။ဤသည်ကား ဖန်းအိမ်ရှေ့စံက သူတိုင်းပြည်
ရှိရာအရပ် ပြန်တော့မည်ဟူသောသတင်းပင်။ရုတ်ချည်း ကောက်ကာငိုင်ကာလက်လျော့လိုက်သည့်အဖြစ်မှာ
စဉ်းစားစရာကောင်းလွန်းပေသော်လည်း မည်သို့မည်ပုံ
အကြောင်းဖြင့်ပြန်ပါစေဦးတော့ ပြန်ဖို့သာအရေးကြီး
ပေသည်။ရှောင်းအရှင်က ထိုကဲ့သို့ဝမ်းမြောက်ဝမ်းသာရှိလှသော်မူ တစ်ဖက်မှ ဝမ်ကျယ်ကား အခြေအနေမဟန်။သူ့ခဗျာ
ခြေထောက်ကြီးတစ်ဖက်ယောင်ကိုင်းနေရှာ၍ အဆောင်
ပြင်သို့ပင် ခြေမလှမ်းနိုင်ပေ။"ဒီလောက်များယောင်သွားအောင် ခြေထောက်ကို
ဘယ်လိုဆေးလိမ်းလိုက်ပါလိမ့်..သခင်မလေးရယ်!"သမားတော်အိုကြီးက ခပ်ညည်းညည်းရေရွတ်ရင်း ကုသ
ပေးနေလျှင် ဝမ်ကျယ် နှုတ်ပိတ်နေရ၏။ဝမ်ကျယ့်ဘဝ
လေးကား ထိုသ်ို့ဖြစ်၏။တရားခံမှာ ရှောင်းအရှင်မင်းမြတ်
ဖြစ်နေ၍ မည်သူ့ကိုမှမပြောပြရဲ။သည်ကြားထဲ မိုးလင်းတည်းကအနားရောက်လာကာ
စူးစမ်းစပ်စုနေသော ရှောင်လုံကလည်းတတွတ်တွတ်။သမားတော်ကြီးသာ ဆေးလိမ်း၊ဆေးထည့် အကြော
သေချာပြင်ပေးပြီးပြန်သွား၏။ရှောင်လုံ၏စကားမှာ
အဆုံးမရောက်သေး။သည်သံသရာထဲသာ တဝဲလည်
လည်နှင့်။
![](https://img.wattpad.com/cover/334068702-288-k230508.jpg)
VOCÊ ESTÁ LENDO
Oh..My Dear!
Fanfic"နဂိုတည်းက ယောက်ျားကြီးက မိန်းမပျိုအယောင်ဆောင် ထားရတာလေ။ ခုဘယ့်နှယ့် ...အယောင်ဆောင်ကြင် ယာတော်ကြီး တုန်း။အိုင်းယား..ဟိုဘဝက ဘာတွေများ လုပ်ခဲ့မိလို့ ငါလေးကျမှ ကွက်ပြီးကံဆိုးမိုးမှောင်ကျနေရ တာလဲ။ " Wang jie~ Zhanyi