တစ်လကြာပြီးနောက်တွင် ချင်ဇစ်ရွှယ်သည် သူ့ ကြိုးစားသောပုံရိပ်ကို စတင်ပြသလာခဲ့၏။
နေ့စဥ်နေ့တိုင်း သူ့ မျက်လုံးများအောက်၌ မျက်ကွင်းများ ညိုမဲနေပြီး လမ်းလျှောက်နေရင်း အိပ်ပျော်သွားတတ်၍ နှစ်ခါလောက်ပင် ပစ်လဲသွားခဲ့ဖူးသည်။ အတော်လေး ချုံးချုံးကျ၍ ပင်ပန်းနေသည့်ပုံပင်။ အခြားသူများက သူ ဤကဲ့သို့ဖြစ်နေသည်မှာ သူမက သူ့အား အထင်သေးသောကြောင့်ဖြစ်၍ အချစ်၌ ကျရှုံးနေသည်ဟုပင် ထင်ကုန်ကြ၏။ သူမ ထိုအကြောင်းကို မေးရန်အတွက်ချင်ဇစ်ရွှယ် ဆီသို့သွားခဲ့ရာ သူက သူသည် စာကြိုးစားရမည်ဖြစ်ပြီး သို့မှသာ အနာဂတ်တွင် သူမအား အကောင်းဆုံးဘဝကို ပေးနိုင်လိမ့်မည်ဟု ပြောပြခဲ့သည်။
သူတို့ ငယ်ရွယ်စဥ်အခါက သူမ အသက်အရွယ် မိန်းကလေးများသည် ယောက်ျားများက သူတို့၏ အရာအားလုံးကို ကိုယ့်အား ပေးသည်မှာ နက်နက်ရှိုင်းရှိုင်း ချစ်မြတ်နိုးနေသည့် အဓိပ္ပါယ်ဟုသာ တွေးကြ၍ သူမသည်လည်း ခြွင်းချက်မဟုတ်ခဲ့ပေ။
ဤသည်မှာ အချစ်ဟုခေါ်သည့် သူ့ ထောင်ချောက်ထဲသို့ သူမ တဖြည်းဖြည်း ဆင်းသက်ခဲ့ရပုံဖြစ်သည်။
ထိုအချိန်မှစ၍ သူမသည် ချင်ဇစ်ရွှယ်၏ ကျောင်းစရိတ်များ၊ နေထိုင်စားသောက်စရိတ်များအား ပေးခဲ့ကာ သူ၏အဝတ်အစားများအားလုံးနှင့် သူ့အတွက် စာအုပ်များပင် ဝယ်ပေးခဲ့ပြီး တရုတ်နှစ်သစ်ကူးနှင့် အခြားပွဲတော်များ၌ သူ့ ဇာတိမြို့သို့ ပြန်သယ်သွားရန် လက်ဆောင်ပစ္စည်းမျိုးစုံကိုပါ ဝယ်ပေးခဲ့သည်။
ထိုအကြောင်းကို ပြန်တွေးကြည့်ပါက အစပိုင်းတွင် သူ့ဆီမှ ငြင်းဆန်လိုသော ပုံစံတစ်ချို့ ပြခဲ့သည်မှလွဲလျှင် နောက်ပိုင်း၌ သူ ထိုအကြောင်းကို ထပ်မပြောတော့ပေ။ ထိုအစား သူသည် ၎င်းအား ဘာခံစားချက်မှ မရှိသလို ပြုမူခဲ့သည်။
သူမက ငွေကို စိတ်ထဲထားကြောင်းကို ဖော်ပြသောအခါတွင် ချင်ဇစ်ရွယ်က သူ၏ မာနထိခိုက်သွားသည့်ပုံဖြစ်သွားလိမ့်မည်ဖြစ်ပြီး သူသည် အလုပ်ကြိုးစားပြီး သူ့ကိုယ်သူ တိုးတက်အောင် လုပ်မည့် သဘောထားကို ဖော်ပြလိမ့်မည်။
Chapter 191
Start from the beginning
