شقة شهاب – المطبخ
نبيلة بتقشر خضار وإكرام تدخل
إكرام : أساعدك فى حاجة يانبيلة ؟
نبيلة :خليكى مرتاحة يانينا انا هاعمل كل حاجة
إكرام :انا مرتاحة جدا حاسة كانى فى بيتى
نبيلة : كأنك ده إيه ينينا إنت فعلا فى بيتك
إكرام : ميرسى ياحبيبتى ... هو شهاب هايعمل إيه بعد ماساب الشغل عند حفيدى الشرير
نبيلة : له شوية معارف وإتصل بيهم وربنا يسهل
إكرام :كل ده بسببى أنا باردون
نبيلة :متقوليش كده يانينا مش بسببك ولا حاجة شهاب كان متضايق جدا فى شركة هولاكو وإنشاء الله يلاقى شغل فى شركة تانية قريب متشغليش بالك إنت يانينا شهاب مهندس شاطر وأى شركة تتمناه
إكرام: إن شاء الله. قولى لى نبيلة إنتو سميتو حفيدى هولاكو طيب والمدام بتاعه..
تبتسم نبيلة وتقول: مدام أف..
تضحك إكرام بصوت عالى: اوه مون ديو... حلو قوى إسم ده.. هولاكو ومدام إف .
تخرج إكرام وهى بتضحك وتتنهد نبيلة بقلق :يارب تلاقى شغل بسرعة ياشهاب قبل ماالفلوس اللى معانا تخلص
شقة شهاب – البلكونة
شهاب قاعد لوحده وسرحان وتدخل نبيلة بالشاى شهاب الشاى شهاب
شهاب :أيوه يانبيلة
نبيلة :الشاى
شهاب :شكرا
نبيلة :مالك سرحان فى إيه ؟
شهاب : فى الوضع اللى انا فيه ؟ سبت خبر عند ناس كتيرولحد دلوقتى محدش إتصل ولاحس ولاخبر زى مايكون شهاب إتصل بيهم وخلاهم ميشغلونيش
نبيلة: أن شاء الل هاتلاقى شغل إنت مهندس كفؤ وأى شركة تتمناك
شهاب :يارب, انا بس حامل هم الفلوس,, لما تخلص هانعمل إيه؟
نبيلة: ربنا يدبرها متقلقش وأدينى بأشتغل لحد ماتقدر تلاقى شغل..
يبص لها شهاب بتوتر فتربت على يده.
حجرة الأولاد,
إكرام واقفة وفى يدها هاتفها وتتصل: ألو .. أيوه.. إعمل اللى قلت عليه.. تمام .. لأ متقولش مين. نفذ وبس...
تبتسم لنفسها وتخرج لشهاب ونبيلة وتقول: شهاب مش هانخرج إنت وعدتنى..
شهاب : نخرج ياحبيبتى إلبسى ياللا وشوفى عايزة تروحى فين..
DU LIEST GERADE
أنا والمدام ونينا إجرام
Humorهذا العمل ليس رواية ولكنه مسلسل كوميدى خفيف عن العلاقات الأسرية وعقوق الأبناء شهاب يقبل أن يأهخذ عمة مديره لبيته على أنه هو إبن اخيها ويرعاها ثم يتعلق بها ويقرر أن تعيش معه
