أنا والمدام ونينا إجرام

الحلقة الأولى 1

شهاب مهندس فى الثلاثينات متزوج من نبيلة التى تعمل مترجمة فى مكتب للترجمة وعندهم طفلان على وأميرة فى المرحلة الابتدائية , شهاب يعمل فى شركة هندسية مديرها كان زميله فى الجامعة ولكن والده ترك له الشركة ويتعامل دائما مع شهاب والموظفين بتعالى ونسى تماما بأن شهاب كان زميله فى المدرسة والجامعة حتى يحملان نفس الإسم ,شهاب يعيش فى شقة والده التى تركها له بعد وفاته, إيجار قديم وهو وزوجته نبيلة لا أقارب لهم أبدا ,بينهما قصة حب كبيرة جدا وزواجهما ناجح جدا.

فى داخل شقة شهاب إمتلأت ألارض بالبلالين المنفوخة وزينة عيد ميلاد وشهاب يعلق الزينة ويرن جرس الباب وتنادى نبيلة عليه من الداخل ليفتح ويجد أمامه عم زغلول البواب

إتفضل ياباشمهندس آدى الحاجة اللى طلبتوها

تعبناك ياعم زغلول

هو انا عندى اعز من على اتعب له كل سنة وهو طيب وعقبال 100 سنة

وإنت طيب حطهم هنا لو سمحت

ماتبقاش تنسانا بقى فى الحاجة الحلوة

عنيه ليك كده الحساب تمام وإلا ليك فلوس ؟

لأ لسه 5 جنيه

ناوله شهاب الباقى فقال: وتعبى بقى

تعبك فى إيه ياعم زغلول ؟ ده السوبر ماركت تحت البيت

انا مبأشتريش حاجة لحد فى العمارة وإنت سيد العرفين

يدور شهاب فى جيبه ويقول : وعمال تقول انا هاتعب لأغلى من على متبقاش تقول كلام كبير بقى,

المعزة حاجة والشغل حاجة ياباشمهندس بيزمس إذ بيزمس

يضحك شهاب بشدة ويقول: بيزمس !! ده إنت ضليع فى الإنجليزى بس والله عندك حق

يناوله فلوس ويكمل : مرضى ياسيدى

تمام كده شكرا

بما إن بيزمس إذ بيزمس بقى ياريت تمسح سلم العمارة ينوبك ثواب إحنا جاى لنا ناس النهاردة

مانا لسه ماسحة قريب

قريب إيه ياعم زغلول ؟ إنت جالك زهايمر ؟ دى كانت من حوالى 3 شهور

يشاور له زغلول كأنه عايز فلوس يبص له شهاب بإمتعاض ويقول:

أمسحه بس وماليش بركة إلا إنت

عنيه يباشمهندس

يقفل شهاب الباب ويقول:

رجل طماع ياساتر طالع واكل نازل واكل قال بيزمس قال