أنا والمدام ونينا إجرام

الحلقة 25

إلتفو كلهم حول إكرام بقلق وهم يحاولون إفاقتها ونظر إليها شهاب بقلق وأمسكت نبيلة يدها تدلكها واخيرا فتحت عيونها وتلفتت حولها

شهاب: الحمد لله فاقت.

تعلقت إكرام بعنق شهاب وهى تبكى: أوه شهاب انا خفتى كتير..

ضمها شهاب بقوة وقال بحنان: متخافيش يانينا إحنا معاكى لايمكن هاسمح لى حد يؤذيك أبدا.. إطمنى ياحبيبتى إنت فى حمايتى ...

يبعدها عنه ويمسك وجهها ,يمسح دموعها برقة وتسيل دموع نبيلة: انا خفت يحصل لك حاجة يانينا..خفتى قوى؟

إكرام : انا شفت رجال كتير ماسك خشب وخفتى قوى.

يضمها شهاب مرة اخرى ويقول: متخافيش... انا معاكى وهافضل معاكى على طول ...

تمسك نبيلة إيد شهاب وتبص له وتقول: أيوه يانينا إحنا معاكى على طول...

خديها تغسل وشها يانبيلة ... وإنت ياصفاء خرجى الستات من الأوض ياللا وكل واحدة تشوف هاتروح فين..

تمسك نبيلة يد أكرام وتأخذها للحمام وتفتح صفاء أبواب الحجرات وتقول: أمان ياللا ياحبيبتى إنت وهى ...

تبدأ الستات فى الخروج وتقترب صفاء مع إكرام ,يخرج الجميع من باب الشقة وهم بيشكرو شهاب ويقل: إياك اعرف إن واحدة فيكم إتصلت بنينا او عملتو إجتماع تانى..

سيدة 1: لأ خلاص بقى حرمنا ..

سيدة 2: مش عارفين نشكركم إزاى..

تقف سالى تراقب معتز وشهاب وتبص لها صفاء ,تقترب نبية منها وتقول: خدى بالك الست دى لعوب... حاولت مع شهاب.

تقترب سالى من معتز وتنبهر بطوله وتقول: إنت كمان بطل يا أستاذ.....

معتز.

يأستاذ معتز ... وانا عايزة أشكرك بصفة شخصية..

تحط يدها على ذراع معتز وتتسع عيون صفاء وتزمجر

نبيلة: إلحقى بترسم على جوزك .

تقترب صفاء منهم وتأخذ العاصيا من إيد معتز وتقول: لاشكر على واجب ياحبيبتى إتفضلى...

تمد سالى يدها لتصافح معتز تحط صفاء إيدها بسرعة فى يد سالى وتقول: اصله متوضى....

تبص سالى بضيق فتكلم صفاء: ده جوزى.... أبو إبنى واللى تقرب منه . أقسمها نصين..

إيه يامدام بتكلمينى كده ليه؟

لأ هانتسهوك ونعمل فيها الرقة يبقى نفوقك, إنت متعرفنيش صح..

لأ معرفش..

طيب أعرفك. انا مراته... ولو مخرجتيش دلوقتى حالا من هنا ويمين الله أعمل الى جوزك مقدرش يعمله وتباتى الليلة فى مقابر الغفير...