يبص شكرى لإكرام بغضب ويقول: أفندم قالولى أنك عايزنى
يخفى الموظفين ضحكاتهم وتقول إكرام بثورة: هو ده المجرم السوفاج اللى زقع لى لازم تمسكوه فى قفص
شكرى : قفص !!وبعدين فى قلة الأدب دى بقى
إكرام : مون ديو إنت بتزقع لى تانى شاهد ياظبوط بيغلط تانى
الظابط : إيه اللى عمل فيك كده ؟
شكرى : الست دى هى اللى بهدلتنى
الظابط : الراجل متشلفط ومتبهدل إنتى عملتى فيه إيه ؟
إكرام : متشفلط يعنى إيه ؟
الظابط : يادى الغلب هو أنا كل كلمة هاشرحها لك متشلفط يعنى متعور وهدومه متبهدلة
شكرى : دى مرمطت بى الأرض يافندم والله لولا إنها ست كبيرة كنت عملت فيها محضر
إكرام : يعنى إيه مطررت دى ياظبوط؟
الظابط : لاحول ولاقوة إلا بالله ياستى إسكتى شوية مش لازم تعرفى معنى كل كلمة
المساعد : أنا هاشرح لها يافندم مطررت دى قصدى مرمطت يعنى ضايقته وتعب منها قوى
إكرام : أوووه ميرسى كتير
الظابط : فهمتى وإرتحتى
إكرام : وي أنا إرتحتى قوى
الظابط : بص ياشكرى أحنا ننسى اللى حصل علشان نخلص من المشكلة دى وإنت تعتذر للهانم
شكرى : نااااااعم انا اللى أعتذر
الظابط : جرى إيه ياكشرى يا شكرى إنت هاتردح لى
شكرى : أنا ماأقصدش يافندم, بس مستحيل طبعا دى شتمتنى وغلطت فى وضربتنى إنت مش شايف منظرى
إكرام : هو اللى بدأ فى أول , ده أن بولى
الظابط : يعنى إيه أن بولى
المساعد : يعنى مش مؤدب يافندم
شكرى : يافندم أنا بأفتش الشنط بتاعتها ولما خلصت مرضيتش تمشى وعايزانى أرتبها زى ماكانت وأنا ورايا صف طويل ولما رفضت زعقت لى قلت أخلينى ذوق واهى ست كبيرة و حاولت أقفلها الشنطة إتقطعت على اللى عملته بقى صوتت
وبرطمت بالفرنساوى ولمت على الناس وضربتنى بالشنطة اللى فى إيدها وإضطريت أدافع عن نفسى , ده الناس خلصونى من إيدها بالعافية شايف مخربشة وشى إزاى ست متوحشة
إكرام : إنت واحد فولجير وسوفاج
شكرى : بأقولك إيه بلاش شتيمة
YOU ARE READING
أنا والمدام ونينا إجرام
Humorهذا العمل ليس رواية ولكنه مسلسل كوميدى خفيف عن العلاقات الأسرية وعقوق الأبناء شهاب يقبل أن يأهخذ عمة مديره لبيته على أنه هو إبن اخيها ويرعاها ثم يتعلق بها ويقرر أن تعيش معه