حجرة الأولاد
يدخل شهاب ويفتح الدولاب ويطلع فوطة وينشف
شهاب : انا كان مالى ومال الغلب ده كله منك لله ياهولاكو الكلب يامبهدلنى انا هاوريها والله لأعلمها الأدب بس اما شوفها منك لله ياإجرام داهية لتكون خرجت وتاهت وماله تتوه وأرتاح منها هو انا قريبها يبقوا يدوروا على قريبها الحقيقى أنا مالى
يقعد على طرف السرير ويكمل بتوتر : بس فعلا لايكون جرى لها حاجة حرام برضه أما أخلص هابقى أنزل ادور عليها دى مهما كان ست كبيرة وملهاش حد يارب تكون بخير....ياسلام لما يسيبونى انام شوية وأرتا ح ضهرى إتقطم
يمدد على السرير وينام و تنادى نبيلة من بره ويقوم مفزوع
نبيلة :شهاب ياشهاب تعالى بقى
شهاب : يقطع شهاب وسنين شهاب عايز ارتاح
نبيلة : تعالى ياشهاب ياللا
شهاب :جاى اهو جاى
يرمى الفوطة بقوة على السرير ويزمجر بغضب: ياريتنى ماوافقت على طلب زفت هولاكو
شقة شهاب
نبيلة بتشتغل هى وأولاد فى مسح الصالة وتتجه صفاء لباب الشقة مش هاتاخر يالولو
تظهر إكرام على الباب وتقول صفاء: إنت شرفتى يانينا
إكرام : وى انا شرفتى
صفاء :إدخلى بقى إستلقى وعدك
إكرام :مش فاهمة يعنى إيه
صفاء : أدخلى و إنت تعرفى
تجرى نبيلة عليها :نينا !! كنتى فين قلقنا عليك قوى
إكرام : كنت عند ماجى
نبيلة :ماجى مين ؟
إكرام :ماجدة اللى ساكنة فوق
نبيلة :ماجدة !! وكنتى بتعملى عندها إيه ؟
إكرام :خرجت من شقة وباب إتقفل وأنا مش معايا مفتاح وطلعت عندها شوية أستناكم لما تيجو حبيتها قوى ترى جونتى خالص
حجرة الأولاد
شهاب واقف يفكر :انا لازم أخليه يآخد جدته من هنا لازم بس يآخدها إزاى انا بدات احبها انا كمان
وإتعودت على وجودها وفعلا من يو ماجت وإحنا بتقضى اوقات ظريفة صحيح فيها تعب بس مسلية إنما اللى بيحصل ده كتير كتير قوى
تنادى نبيلة من بره :شهاب تعالى نينا جت جت
شهاب :جت لقضاها
YOU ARE READING
أنا والمدام ونينا إجرام
Humorهذا العمل ليس رواية ولكنه مسلسل كوميدى خفيف عن العلاقات الأسرية وعقوق الأبناء شهاب يقبل أن يأهخذ عمة مديره لبيته على أنه هو إبن اخيها ويرعاها ثم يتعلق بها ويقرر أن تعيش معه
