شقة شهاب – الصالة
نبيلة قاعدة مع الولاد وإكرام رايحة جاية تبص فى الساعة ويرن جرس الباب و تجرى على الباب ويدخل شهاب شايل كارتونة شاشة يحطها على الأرض وتنط إكرام من الفرح ويبص لها شهاب بدهشة
شهاب :آدى التليفزيون اللى طلبته
إكرام :ميرسى بكو شهاب إنت ترى ترى جونتى أخيرا لى تليفزيون لوحدى
أميرة وعلى : الحمد لله
إكرام :ياللا حطه فى أوضتى
شهاب :هى بقت أوضتك خلاص ؟
إكرام :مش إنت سبتها لى
يضحك شهاب : انا اللى سبتها لك ؟ إنت اللى أخدتيها قوة وإقتدار لكن باللا حلال عليكى
إكرام: مش فاهمة يعنى إيه ده ؟
شهاب :مش لازم تفهمى كل كلمة ياللا تعالى
أميرة :هاتخلينا نتفرج معاكى يانينا
إكرام : بيون سير حبايبى نتفرج سواء طبعا
يبص لهم شهاب ونبيلة بدهشة
شهاب :لا والله !! إيه التفاهم ده بقى بعد ماجبت الشاشة بقيتو حبايب ومتفقين
أميرة :أيوه أحنا خلاص إتفقنا مع نينا إكرام
على :وقالت لنا إننا هانتفرج معاها فى أوضتها
نبيلة :أوضتها !! إنتو كمان بتقولوا أوضتها
شهاب :وكان لازمتها إيه بقى الشاشة
إكرام :وبعدين ياولد إنت هاتقمطنا كتير دخل التليفزيون ياللا
شهاب: إيه تقمطنا دى ؟
إكرام :على قالها لى
على : انا علمتك كده يانينا إسمها تقطمنا
إكرام :أبقى أحفظها تانى ياللا ياشهاب ودى التليفزيون
يشيل الشاشة تانى ويروح لحجرته وهى وراه
حجرة الأولاد
شهاب قاعد سرحان
شهاب ( لنفسه ) :شهاب ده معندوش قلب بقى عايز يرميها فى دار مسنين مش حرام عليه أنا مش هاخليه
يآخدها من هنا مش هاسمح له يعمل فيها كده
يبتسم :انا حبيتها فعلا بالرغم من كل اللى بتعمله
تدخل نبيلة وتبص عليه وهو لسه بيفكر : أنا هاعتبرها امى واعاملها على هذا الأساس
أنت تقرأ
أنا والمدام ونينا إجرام
Humorهذا العمل ليس رواية ولكنه مسلسل كوميدى خفيف عن العلاقات الأسرية وعقوق الأبناء شهاب يقبل أن يأهخذ عمة مديره لبيته على أنه هو إبن اخيها ويرعاها ثم يتعلق بها ويقرر أن تعيش معه
